फिलिपियों 3:6 - लाहौली बाइबिल

⁶ खुशीऊ पाहठी गेह कोग ता कलीसियाबि सताएच़ा दुह; दंङ यहुदी कानून मनेक्च़ा तु, इच्च़ा धर्मी मीह तोहई, छना कुचे गेह दोऊ भत्ते पालन लाहतेर।

फिलिपियों 3:6 Cross References

मत्ती 23:25

हे कपटी रंड्रा यहुदी शास्त्री ए फरीसी मीहरे केहतु टोईच़ी धिक्कार! केहरे झांह ठ्रोह नंनदे शुई अरी धह्कतेकी साफ तोतोंई पर तोंङज़ि अईता ला झख तोतोंई। दुह झांह ठ्रोह तोह कि केहच़ी ऊईतु थल्जी रुठे कंड्रातंई। पर केहतु सेहम तोंङज़ि लालच ए स्वार्थे पिंङषी तोह।

मत्ती 5:20

छना कुचे गेह केतंङ साते कुट्रातग कि, अगर केहतु धर्मिकता ओ कम यहुदी शास्त्री ए फरीसी मीहतु धर्मो कम्माङ ज़ि महस माह शुई सा ता, केहच़ी स्वर्ग राजंङ अपेहल ला अपि मरपोंई।

लूको 1:6

जकर्याह ए एलीशिबा झुड्ला परमेश्वरो तुईज़ी धर्मी तोईरे, दंङ दोरे प्रभुऊ भत्ते आज्ञाओ ए कानूनो टोईच़ी निर्दोष ज़ोज़ा तोईरे।

प्रेरित 21:20

अपेहल दोच़ी दि रेड्रा दंङ दोच़ी परमेश्वरो तारीफ लहरिर, दोहपल पोलुसे कुई, हे न्वा, केतिंङ पता तोह, कि यहुदी मीहतु बिचंङ च़ि अंयों हज़ार मीहज़ी प्रभु यीशु टोईच़ी बिशवास लहज़ातोर, दंङ केहच़ी दि ला ञेंहच़ातंई कि दोरे भत्ते मूसा ओ कानूनो भाषे रूठे रंङ मनेक्च़िमी थल्जी महस पक्‍का तोतोर।

प्रेरित 22:5

दि गप्पो गवाह यहुदी महापुरोहित ए महा सभा ओ भत्ते सेंहणा रे कि दोतु बिचंङ च़ि गेह यहुदी न्वा तु थल्जी डाक रेंज़ा गेह दमिश्क नगरो हखा इबि लेहकी तोईग, ताकि अंऊ दोर्तिंङ मसीह मीहरे तोतोर दोतिंङ सज़ा रंड्रीमी थल्जी छ़ुहचे यरूशलेम शहरो हखा हपोग।

प्रेरित 26:5

अगर दोरे गवाही रंड्री जुन्ज़ातोर, दंङ दोच़ी कुहच़ी तरपोर कि गिऊ बाड़ेकतर बेहच़ी गेह घेंङौ धर्म ए रीति-रिवाज़ो महस भाषे लहज़ातग छना कुचे गेह फरीसी तु शुगाह, अंऊ ञेंहतु धर्मो भत्ते बे कट्टर दल तोह।

प्रेरित 8:3

पर शाऊल कलीसियाओ मीहतिंङ परेशान लहज़ी लेहकी तोहई; दंङ हर इच्च़ा ओ चुंङ इलज़ा-इलज़ा बिशवासी मीह तिंङ च़ुमने जेलंङ केट्री चरच़ाते।

रोमियो 7:9

तुहई गेह कानूना बि ञेंए मेह श्रींङी तोईगा, पर अपेहल गेह कानून ञेंए केहतग, दंङ पापो शाक्ति गिऊ अंदरेग बढेक्पी लेहती, दंङ पापे गेह परमेश्वरो दोरच़ी शत्‌ह लेह च़रति।

1 कुरिन्थियों 10:32

गेह भत्ते तिंङ खुश लहज़िमी कोशिश लहज़ातग, गेह घेंङौ भलाई ओ पाहठी माह सोचेक्च़ातग, बल्कि भत्ते तु भलाई ओ पाहठी सोचेक्च़ातग, ताकि दोरे उद्धार खोक्शे तरपोर। ध्वांए केरे ला झांह ठ्रोह बंङज़ेंई कि यहुदी या ऊईजाति तु परमेश्वरो कलीसिया ओ थल्जी छा परेशानी या ठोकर पैदा शुहबी मेस।

1 कुरिन्थियों 15:9

छना कुचे गेह प्रेरिता तु बिचंङ भत्ते बे कम खास शुगाह, हेले कोहग ता गेह प्रेरित कुट्रीमी जोगे ला माह शुगाह, छना कुचे गेह परमेश्वरो टोईच़ी विशवास लहज़ा मीहतिंङ तंग लहज़ातेग।

फिलिपियों 2:15

ताकि केरे निर्दोष ए रूठे शुहचे ते डेहरे ए हठीले मीहतु बिचंङ परमेश्वरो निष्कलंक सन्तान बड़ेकी तोंई, अतु बिचंङ केरे जीवनो बचन कुरच़ा सर्गो करज़े तु ठ्रोह चमकेपी जूंस।

फिलिपियों 3:9

ताकि गेह मसीह रंङ साते एकता रिंङ बणेंके बंङज़ोग, माह कि घेंङौ दुह धर्मिकता रंङ साते, अंऊ मूसा ओ कानूनरंङ साते तोह, पर मसीहू टोहकठे विशवास लहच़िमी रंङ साते अंऊ परमेश्वरो दोरच़ी विशवास लहच़िमी रंङ साते खोकसा।

1 तीमुथियुस 1:13

गेह विशवासी बणेक्पिमी तुहई, मसीहू पाहठी मदम कुट्रा ए विशवासीतिंङ तंग लहज़ा ठ्रोह ए झखंजी मीह तोहई, तांला परमेश्वरे गिऊ टोहकठे दाह लहरी छना कुचे गेह अयता तचेक मसीहू टोहकठे विशवास माह लहज़ातेग दंङ झांह लेह गेह समझेके मरतिगा कि छि गेह लहच़ी लेहकी तोईग दुह गलत शुह।