फिलिपियों 3:20 - लाहौली बाइबिल

²⁰ पर हेंदु देश स्वर्ग शुह, दंङ हेनर हेंदु उद्धार लहज़ा प्रभु यीशु मसीहू स्वर्गंङ ज़ि वापिस अपिमी थल्जी रुमज़ा तोतोंई।

फिलिपियों 3:20 Cross References

मत्ती 19:21

यीशुज़ि दोहरंङ कुहतो, “अगर केई सिद्ध शुहबिम तातन ता इला, केनोह भत्ते धिर लंङहे च़रतु दंङ अंऊ टंगा-ढबाह तातन दुह गरीबातिंङ रेह च़रतु। दंङ दोऊ थल अंज़े का गिऊ चेला बणेकतु। दंङ कनिंङ स्वर्गंङ असली धन खोकसोतो।”

लूको 12:21

ध्यांए दुह मीहरंङ साते शोतो, अच़ि भत्ते धिर एनोह थल्जी ठ्रोहका लहज़ा, पर परमेश्वरो सेवा लहज़िमी थल्जी एनोह ताकत ए टंगा ढबाओ इस्तेमाल माह लहज़ा।”

लूको 14:14

दंङ कह धन्य शोन छना कुचे दोतु दोहर कनिंङ यहच़िमी थल्जी छल्ले मद, पर कनिंङ अपेहल धर्मी मीहरे श्रींङे योर ता परमेश्वर कनिंङ ईनाम रमतो।”

प्रेरित 1:11

दंङ कुट्री लेहतिर, “हे गलील प्रदेशो गंङ मीहरे, केहरे छिले खड़े शुहचे सर्गो हखा खंड्री लेहकी तोतोंई? दिह ए यीशु, अतिंङ परमेश्वरे केहतु कछंङ च़ि स्वर्गो हखा रेंज़ा शिली, ठीक ध्यांए ठ्रोह दुह यच़ाह अपतो छना ठ्रोह केहच़ी दुह सर्गो हखा इबी तंङातेन।”

1 कुरिन्थियों 1:7

दिए वहज़ा तोह कि पवित्र आत्माज़ि केतिंङ दू भत्ते वरदान रांहषी ततो अतु केतिंङ ज़रूरत तोह, देर तचेक कि केरे हेंदु प्रभु यीशु मसीहू वापिस अपिमी थल्जी रूमज़ा तोतोंई।

1 कुरिन्थियों 15:48

आदमो खानदान ला दु ए ठ्रोह श्रोह ए बणेंके तोतोर, छना दुह तोहई। पर दोरे मीहरे अंऊ स्वर्गो मीहू मतलब यीशु मसीहू टोईच़ी विशवास लहज़ातोर, दोरे ला दोऊ ठ्रोह तोतोर।

2 कुरिन्थियों 4:18

छना कुचे हेंज़ी हेंदु ध्यान दोऊ टोहकठे माह लगाएकातंई, अंऊ तंङफा पर दोऊ टोहकठे लगाएकातंई, अंऊ तंङफा ए माह, अंऊ ला धिर तंङफा, दू थोड़े टेमो थल्जी शुह पर अंऊ तंङफा माह दू अनंत काल तचेक बंङज़ा।

2 कुरिन्थियों 5:8

हेंदिंङ ता परमेश्वरो टोहकठे विशवास तोह, हेंदिंङ सिमी थल प्रभु कछंङ बसेपी महस पसन्द तोह।

गलातियों 4:26

पर सारा ओ बराबरी दू यरूशलेम शहरंङ साते लेह तरपोंई अंऊ स्वर्गंङ तोह। दुह आज़ाद मेच़िमी तोह। दंङ दोऊ कटुरे ला आज़ाद तोतोर। दुह कटुरे हेनर भत्तेरें विशवासी शुई, अंऊ दोतु याह सारा शुह।

इफिसियों 2:19

झांह लेह हेंतेग केरे ऊईजाति ऊ मीहरे परदेशी ए मुसाफिर माह केहषी, पर परमेश्वरो मीहतंङ साते संगी वासी (नातारे) ए दंङ परमेश्वरो टबर शुहचे इलांई।

इफिसियों 2:6

परमेश्वरे हेंदिंङ यीशु मसीह रंङ साते हेंदु एकता ओ वहज़ा ज़ि, सिऊ दोतु बिचंङ ज़ि श्रींङमी लहरी दंङ हेंदिंङ स्वर्ग रिंङ मसीह रंङ साते राज लहज़िमी जोगे बणाएक्तो।

फिलिपियों 1:10

झांह लेह केरे चुनाव लहज़िमी जोगे शोंई कि छि कम लहज़ी ठीक तोह, ताकि यीशु मसीहू दोबारा वापिस अपिमी ध्याड़ा तचेक ताकि केरे पवित्र ए निर्दोष शुहचे बंङज़ुंई।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

कुलुस्सियों 1:5

केहच़ी दिह झांह लेह लहज़ातंई छना कुचे विशवास ए दाह ओ मुयांद दुह उम्मीद तोह अंऊ केहतु थल्जी स्वर्ग रिंङ तहसी तोह, अतु पाहठी केहच़ी दुह रूठे खबर ओ सत्य बचनरिंङ रेड्री चरच़ातंई, अंऊ केहतु कछंङ पिचे तोह।

1 थिस्सलुनीकियों 1:10

दंङ दोच़ी कुट्रातोर कि केरे छना परमेश्वरो योह स्वर्गो दोरच़ी वापिस अपिमी उम्मीद लहज़ातंई, अतिंङ परमेश्वरे सिऊ दोतु बिचंङ श्रींङमी लहरी, मतलब यीशु बि, अंऊ हेंदिंङ परमेश्वरो दुह न्यायो दोरच़ी बचाएच़ा अंऊ अपिमी तोह।

1 थिस्सलुनीकियों 4:16

छना कुचे प्रभु यीशु एनोह ए स्वर्गो दोरच़ी तकसोतो; दोई मोह्ड़े सगरंङ साते हुकुम रमतो, दंङ इच्च़ा प्रधान स्वर्गदूत जोरे हाऊष रें कोहतो दंङ परमेश्वरो तुरही ओ ला संग थक्पोंई, दोहपल भत्ते बे तुहई अंऊ मसीहरिंङ विशवास लहज़ा सिए इलजी तोतोर, दोरे मुन्डारिंङ श्रींङे योर।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

तीतुस 2:13

हेनर झांह ठ्रोह व्यवहार लोंहि कि अपेहल हेनर उम्मीदा रंङ साते दुह अद्धभुत ध्याड़ा बि रुमज़ा तोंई, अपेहल यीशु मसीह अंऊ हेंदु मोह्ड़े परमेश्वर ए उद्धारकर्ता शुह, एनोह भत्ते महिमा रंङ साते धरती ऊ टोहकठे प्रगट शोतो।

इब्रानियों 12:22

पर केरे सिय्योन गोह कछंङ अंज़े तोतोंई, अंऊर स्वर्गीय यरूशलेम तोह, अंऊ श्रींङे परमेश्वरो शहर शुह, अंऊर लख स्वर्गदूता रे खुशी ऊ त्याहरो मनेक्च़ातेर।

इब्रानियों 9:28

ध्वांए ठ्रोह, मसीह ला भत्ते मीहतु पाप बि एनोह टोईच़ी कुरच़ा इच्च़ा फेरा बलिदान शुहचे इलि। अपेहल दू दोबारा अपतो दू मुक्का दू पापो थल्जी बलिदान शुहबी मशत पर दोतिंङ बचाएच़िमी थल्जी अपतो अंऊ दोबि रुमज़ा तोतोर।

प्रकाशित वाक्य 1:7

रेड्रुं, दुह डुह रंङ साते अपिमी तोह; दंङ हर इच्च़ा मीह दोबि खमतो, देर तचेक कि अंऊ मीहरे दोऊ मौतो ज़िमेवार तोईरे, दोरे ला दोबि अपि खमोर। धरतीऊ भत्ते मीहरे जोरे-जोरे क्रपोर अपेहल दोरे दोबि खमोर। वोई झांह शोतो! अमीन।