फिलिपियों 3:19 - लाहौली बाइबिल

¹⁹ दोतु अनंत विनाशो तोह, दोतु फुको हिटी ए दोतु भगवान शुह, दोरे षेह्पिमी कम लहज़ा घमण्ड लहज़ातोरे, दंङ दोरे हमेशा धरतीऊ चीज़ो पाहठी सोचेक्च़ातोर।

फिलिपियों 3:19 Cross References

मत्ती 16:23

यीशुज़ि किरज़ा पतरसो हखा कुंई, “केई गिह्बी शेतानो ठ्रोह परखेकच़ी बंद लोह, गिऊ दोरच़ी ऊई तार शुहचे इल। कांह गिऊ थल्जी ठोकरो बजह शॉन; छना कुचे कनु बिचार मीहू दोरच़ी तोतोर परमेश्वरो दोरच़ी माह।”

मत्ती 25:41

दंङ दोई फुचंङ हासी दोतंङ कोतो हे शापित मीहरे, गिऊ तुईज़ी हिसाब मेह मेहरिंङ अच्च़ा ईलांई अंऊ शेतान ए दोऊ मांजी आत्मातु थल्जी परमेश्वरे त्याहर लहसी शुह।

लूको 12:19

दिऊ थल गेह घेंङारंङ साते कोहग, ‘हे गिऊ प्राण कांह थल्जी महसे सालो थल्जी टंगा ढबाह ए अनाज ठ्रोहका लेह च़रतग ज़ौ ए तुंङ दंङ मौज़ लोहू।’

लूको 16:19

यीशु ज़ि अई इच्च़ा कथा कुंई, “इच्च़ा साहुकार मीह तोहई अच़ि मंहङे-मंहङे मखमलो खमज़ेर लेहच़ते दंङ हर इच्च़ा ध्याड़ा रुठे-रुठे बगत ज़ोवाते।”

लूको 18:4

दोई महसे ध्याड़ा तचेक ताह माह मनेक्ती पर थल मुखंङ सोचेके कुहतो, हालांकि गेह माह परमेश्वरारंङ साते बेवातग, माह अरीआ मीहू परवाह लाहतग;

रोमियो 16:18

छना कुचे झांह ठ्रोह मीहरे हेंदु प्रभु मसीहू माह शुरे, पर एनोह फायदा ओ थल्जी सेवा लहज़ातोर; दंङ दिरे मीहरे मीठे-मीठे गप्पा लहज़ी सीधे-साधे सेहमो मीहतिंङ बहकाके चरच़ातोर।

रोमियो 6:21

दंङ केनातु भत्ते जीवनो दोरच़ी केतिंङ छि फायदा शुई? केरे दोऊ वहज़ा ज़ि सिर्फ शर्मिन्दा शवातंई। छना कुचे दू कमो नतीज़ा मौत तोह।

1 कुरिन्थियों 3:3

छना कुचे हेंतेग तचेक केनातु पापी हिटी रिंङ तोतोंई। झांह लेह अपेहल कि केरे जलन ए लड़ाई ए झगड़ा तोह, छि दिरंङ दि साबित माह शवाह कि केरे केनातु पापी स्वाभावो दोरच़ी काबू शवातंई? दंङ केरे झांह ठ्रोह मीहतु ठ्रोह श्रींङमातंई अंऊ प्रभु माह तोर।

1 कुरिन्थियों 5:2

केतिंङ दुह मीहु दि कुकमो वहज़ा ज़ि दुखी शुहबी जुंशी तोहई। झांह ठ्रोह मीहबी केनातु बिचंङ ज़ि हुंच़ि च़रच़ी जुंशी तोह। पर दिऊ बहज़ा केहच़ी दिऊ टोईच़ी घमण्ड लहज़ातंई।

1 कुरिन्थियों 5:6

केहतु घमंड लहज़ी बिल्कुल ला ठीक माह शुह, छि केहच़ी माह ञेंच़ातंई आ, कि थोड़े अरे सुमे भत्ते त्रुक्क्षी फुकान ला सुम ज़डे लेह चरच़ि? ध्वांए, अगर इच्च़ा मीहबी पाप लहज़ी छोड़ेके च़रपोंई, दंङ युरनाह ए भत्ते मीहतिंङ दुह पाप फेलेके भत्ते मीहरे दुह पाप लहज़ी शुरू लेह च़रपोर।

2 कुरिन्थियों 11:12

पर अंऊ गेह लहज़ातग, दू ए लोहवा लोहग; गेह केहतु मदत माह लेहपोग ताकि गेह दू मीहतिंङ रोकेक्पोग अंऊ दि गप्पा ओ टोईच़ी घमण्ड लहच़िमी थल्जी इच्च़ा मोका जुंज़ातोर कि परमेश्वरो थल्जी दोतु कम ञेंहतु कमो बराबर तोह।

2 कुरिन्थियों 11:15

झांह लेह अगर दोऊ सेवक ला धर्मिकता ओ सेवकातु ठ्रोह दिखावा लोहतो, दंङ छल्ले मोह्ड़े गप्पा माह, पर दोतु अंत दोतु कमो हिसाबे शोतो।

गलातियों 6:13

देर तचेक कि दोरे यहुदी विशवासी ला मूसा ओ कानूनो भाषे माह लहज़ातोर, पर दोच़ी जुंज़ातोर कि केहतु खतना शुहबी जूंस ताकि दोरे ऊई यहुदी तु तुईज़ी घमण्ड रंङ साते दि कंज़े तरपोर कि केहतु खतना दोतु वहज़ा ज़ि शुई।

फिलिपियों 2:21

छना कुचे भत्तेर एनातु स्वार्थो खोज रिंङ बंङज़ातोर, माह कि यीशु मसीहू।

कुलुस्सियों 3:2

धरतीऊ टोहकठे फुको चीज़ा तु थल्जी पर स्वर्गीय चीज़ो टोईच़ी ध्यान रांई।

2 थिस्सलुनीकियों 1:9

दंङ दोरे अनंत जीवन थल्जी प्रभु दोरच़ी शत्‌ह शुहचे योर दंङ दोऊ महिमारंङ शक्ति ऊ भागीदार माह शोर। दोई दोतिंङ अनंत विनाशो सज़ा रमतो।

2 थिस्सलुनीकियों 2:12

अतु नतीज़ा दि तोह कि भत्ते मीहरे अंऊ दोच़ी पाप लेह पसन्द लहज़ातोर दंङ सच्चाई ऊ टोहकठे विशवास माह लहज़ातोर, दोरे परमेश्वरो दोरच़ी सज़ा खोकपोरे।

2 थिस्सलुनीकियों 2:8

दिऊ थल दुह मदम मीह प्रगट शोतो, अतिंङ प्रभु यीशु एनोह हुकुम ए एनोह अपिमी महिमा ओ छंङी रंङ साते दुह मदम मीह बि सच़ी च़रपोतो।

1 तीमुथियुस 6:5

दंङ झांह ठ्रोह मीहतु बिचंङ हमेशा झगड़ा शवाह, अंऊ दोतु बुद्धि भ्रष्ट शुहचे इलजी तोह, दंङ दोरे सच्चाई बि समझेगी माहरच़ातोर, दंङ दोच़ी सोचेक्च़ातोर कि परमेश्वरो सेवा लहज़ी साहुकार बणेक्पिमी तरीका शुह।

2 तीमुथियुस 3:4

विशवासघाती, ढीठ, घमण्डी, या परमेश्वरा रंङ साते दाह माह लहज़ार पर भोगविलास जुंज़ा शोरे।

याकूब 4:16

केहच़ी केनातु घमण्डी योजना ओ पाहठी घमण्ड लहज़ातंई झांह ठ्रोह भत्ते घमण्ड मदम शुहबी।

2 पतरस 2:1

महस टेम तुहई, छना इस्राएली मीहतु बिचंङ हप्सी भविष्यवक्ता तोईरे, ध्वांए ठ्रोह केहतु बिचंङ हप्सी शिक्षा रंड्रा ला शोरे। दोरे सूले-सूले केहतु कलीसिया रिंङ अपि शुरू लोहर दंङ परमेश्वरो पाहठी केतंङ साते नुकसान लहज़ा ठ्रोह हप्सी शिक्षा बि कोहर। देर तचेक कि दोरे मसीह बि एनोह प्रभु रूपा रिंङ मनेकच़िमी रंङ साते इन्कार लेह च़रपोर अच़ि दोतिंङ पापो दोरच़ी आज़ाद लहरी। छना कुचे दोच़ी झांह लहज़ातोर, झांह लेह दोरे एनोह टोईच़ी अचानक विनाश हपातेर।

2 पतरस 2:13

दोतु विनाश दुह नुकसानो प्रतिफल शुह अंऊ दोच़ी लहसी शुह। दोरे दिन दोहपर भोग-विलास रिंङ बंङज़ी रूठे चेहच़ातोर। दोरे केहतु बिचंङ इच्च़ा कलंक ए दाग तोतोर। धोखा रंड्री रंङ खुशी मनेक्च़ातेर, अपेहल कि दोरे केतंङ साते ज़ोवा-तुंङमातोर।

2 पतरस 2:3

दि उपदेश रंड्रा दिरे लालची शोर, दंङ दोरे बणाएषी ठ्रोह कथा कुचे केतिंङ धोखा रमोर ताकि केहतु दोरच़ी ढबाह कमाके तरपोर। परमेश्वरे महसे टेम तुहई ए दि फेंसला लेह चरच़ाते कि दुह दोतिंङ सज़ा रमतो दंङ दुह झांह लहज़िमी थल्जी तेयार तोह। दुह हेले रिंङ दोतिंङ नाश लेह च़रपोतो।

यहूदा 1:10

पर दि मीहरे दुह गप्पातु खिलाप कुट्रातोर, अंऊ दोतिंङ दोरे माह समझेक्च़ातोर, दंङ अंऊ गप्पारे दोच़ी समझेक्च़ातोर। दंङ दुह गप्पा तिंङ मुर्खा तु लहज़ातोर, दंङ दि पापो कम लहज़िमी दोरच़ी दोरे एनाबि नाश लेह चरच़ातोर।

यहूदा 1:16

दिरे मीहरे हमेशा परमेश्वरो खिलाप कुट्रातोर दंङ ऊई मीहतु अंदरेग गलती पेट्रातोर। अंऊ दोतु सेहमे लहज़ी जुंज़ा। दोरे एनोह पाहठी घमण्डा रंङ साते दावा लहज़ातोर दंङ एनोह फायदा ओ थल्जी ऊई मीहतु चापलूसी लहज़ातोर।

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”

प्रकाशित वाक्य 18:7

दोई अंयों बढाई लहरी ए भोगविलास लहरी, दोबि धोंण दुख ए धोंण शोक रांई। दोई एनोह सेहमरिंङ दि कुट्रा, “गेह रानी ओ ठ्रोह सिंहासनो टोईच़ी विराजमान तोतोग।” गेह रंणी माहशुहगा दंङ अपेहल ला शोक माह लोहग।

प्रकाशित वाक्य 19:20

दंङ दुह मुण्डो घ्वांण ए दोहरंङ साते दुह हप्सी भविष्यवक्ता च़ुमसा इलि, हप्सी भविष्यवक्ता ए मुण्डो घ्वांणो तरफे चमत्कारी चिन्ह कंङे च़रति दंङ दुह भत्ते मीहतिंङ भरमाके च़रति, अच़ि मुण्डो घ्वंणो छाप एनोह फ्याह रिंङ लेहपसी ताहरेर दंङ अंऊ दोऊ मुर्ति ओ पूजा लहज़ातेर। दोकु झुल्ला श्रींङे रिंङ ए दुह मेहू झीलारिंङ केहच़ी च़रतिर, अंऊ गन्धको दोरच़ी तेयार शवाह।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।

प्रकाशित वाक्य 22:15

पर मदम मीहरे, दंङ एनातु साथी तु थल्जी जादू-टोना लहज़ा, कुकम, ए हत्या लहज़ा, दंङ मुर्ति तु अराधना लहज़ा, दंङ भत्ते हप्सी कुट्रा अपेहला शहरा रिंङ इबि मरपोर।