फिलिपियों 3:13 - लाहौली बाइबिल

¹³ हे गिऊ प्यारे साथी विशवासी रे, गेह दि दावा माह लहग कि गेह दुह निशाना (लक्षय) खोक्शे चरच़ातग; पर इच्च़ा दि कम लहज़ातग, कि अंऊ तुहई शुहचे इलजी तोह गेह दोबि पेह्षा, निशानो (लक्ष्यो) थल्जी महस मेहनत लेह जारी तोहग।

फिलिपियों 3:13 Cross References

लूको 10:42

सिर्फ इच्च़ा गप्पा चिंद लहज़िमी जोगे तोह। दंङ दुह रुठे हिस्सा बि मरियमे अंङे च़रति अंऊ दोऊ दोरच़ी अपेहला कूज़ा मा शोर।”

लूको 9:62

यीशु ज़ि दोरंङ साते कुतोह, “अंऊ ला मीहरेर हड़ रंड्रा दोपहल थलका खंड्रा, दुह परमेश्वरो राज्यों जोगे माह शुह।”

2 कुरिन्थियों 5:16

झांह लेह हेंतेग बे हेनर मीहतु नज़रारिंङ अतु ला न्याय माह लहज़ातंई। वोई इच्च़ा टेम तोहई, अपेहल ञेंहच़ी मसीह बि मीहतु नज़रे खयांतेंई, पर हेंतेग ञेंहच़ी झांह माह लहज़ातंई।

फिलिपियों 2:12

हे गिऊ प्यारे साथी विशवासी रे, अपेहल गेह केतंङ साते तोईग दोहपल केहच़ी हमेशा परमेश्वरो हुकुमो भाषे लहरिन। एंतेग अपेहल गेह ऊईतार शुहचे इलजी तोतोग, दंङ केतिंङ ऊई ला गप्पा मनेक्च़ी जूंशी तोह। बेह्द रंङ साते केहतु बिचंङ भत्ते तिंङ दुह चीज़ लेह जूंशी तोह अंऊ दुह मीहतु थल्जी सही तोह अंऊ दोतिंङ परमेश्वरे बचाएसी ततो।

फिलिपियों 3:12

गेह दि दावा माह लहज़ातग कि गेह दि चीज़रे तुहई बे खोकच़ी चरच़ातग, या सिद्ध शुहचे इलोग; पर गेह दुह सिद्धता बि खोकच़िमी थल्जी महस मेहनत लहज़ी लेहकी तोतोग। अतु थल्जी मसीह यीशुई गेह अंङषी ततो।

फिलिपियों 3:8

छना कुचे गेह मसीह यीशु घेंङौ प्रभु ञेंहच़ी रंङ साते ऊई भत्ते धिर बे मोह्ड़े तोह, गेह भत्ते चीज़ा तिंङ बेकार चेहच़ातग। अतु वहज़ा ज़ि गेह भत्ते चीज़ारे छोड़ेके केहतग, दंङ दोतिंङ कूड़ा समझेक्च़ातग, ताकि गेह मसीह बि ञेंए तरपोग।

इब्रानियों 6:1

झांह लेह हेंज़ी अंऊ भत्ते बे तुहई मसीहू पाहठी सिखेक्तेंई दू ए मुयांदो शिक्षा दोहरगी माह तोहनि; झांह लेह अतंई हेनर दू मुयांदी शिक्षा बे तुंखा शुहचे शिक्षा ओ पाहठी विचार लोहनि। हेंदिंङ यह्च़ा दि गप्पा शुरू लहज़िमी ज़रूरत माह, कि हेंदु मदम कमो दोरच़ी पश्चाताप छना लहज़ी जूंशी तोह, दंङ परमेश्वरो टोईच़ी छना विशवास लहज़ी जूंशी तोह।

2 पतरस 3:8

हे गिऊ प्यारे साथी विशवासी रे, दिह इच्च़ा गप्पा बि अपेहला था पेषेंई कि परमेश्वरो थल्जी इच्च़ा ध्याड़ा इच्च़ा हज़ार सालो बराबर तोह, दोऊ थल्जी इच्च़ा ध्याड़ा ए इच्च़ा हज़ार साल बराबर तोह।