फिलिपियों 3:12 - लाहौली बाइबिल

¹² गेह दि दावा माह लहज़ातग कि गेह दि चीज़रे तुहई बे खोकच़ी चरच़ातग, या सिद्ध शुहचे इलोग; पर गेह दुह सिद्धता बि खोकच़िमी थल्जी महस मेहनत लहज़ी लेहकी तोतोग। अतु थल्जी मसीह यीशुई गेह अंङषी ततो।

फिलिपियों 3:12 Cross References

मत्ती 5:48

दिऊ थल्जी केतिंङ झांह ठ्रोह मीहरंङ साते दाह लहज़िमी ज़रूरत तोह अरी केतंङ साते दाह माह लहज़ातोर, छना केहतु स्वर्गो बाह परमेश्वर सिद्ध तोह।”

प्रेरित 9:15

पर प्रभु यीशु ज़ि हनन्याह रंङ साते कुई, “काह अच्च़ा ईला; छना कुचे दुह ता ऊईजाति तु दंङ रज्ज़ातु ए इस्राएली मीहतु तुईज़ी गिऊ पाहठी प्रचार लहज़िमी थल्जी अंङषी मीह शुह।

1 कुरिन्थियों 13:10

पर अपेहल दू भत्ते ज्ञानो ञेंहच़ा अपतो, दंङ अंऊ अधूरे तोह, दू योह्सा योतो।

1 कुरिन्थियों 13:12

दि जीवनारिंङ हेनर भत्ते धिर समझेगी मरच़ातंई। दि अंऊ आ चीज़ा बि भूधड़े ठ्रोह अर्शिरिंङ खंड्री ठ्रोह शुचि यवात। पर अंऊ मुक्का हेनर स्वर्गंङ यवातंई, दंङ हेनर भत्ते धिर रूठे रंङ समझेगी तरपोंई। छना कुचे हेनर परमेश्वरा बि सामटे खमोंई। एंतेग हेंदु ज्ञान अधूरा तोह। सिर्फ अंजा ध्याड़ा ए परमेश्वरा बि रूठे रंङ ञेंई तरपोंई,

1 कुरिन्थियों 9:24

छना कि ज़रका ता भत्ते ज़ि रंड्री, पर इनाम इदि ए रेंज़ा शिलज़ी? केरे ध्वांए ए ज़रका रांही, कि केरे द्रक्शे योंई।

2 कुरिन्थियों 13:9

अपेहल हेनर कमज़ोर तोतोंई, दंङ केरे विशवासरिंङ पक्‍का तोतोंई, दंङ ञेंरे खुश शवातंई, दंङ दि प्रार्थना ला लहज़ातंई, कि केरे विशवासरिंङ सिद्ध शुहचे योंई।

2 कुरिन्थियों 7:1

हे गिऊ प्यारे साथी विशवासी रे, अपेहल परमेश्वरे हेंदंङ साते वाईदा लोहतो, दंङ अतंई हेनर फुक ए सेहमो भत्ते पाहठी बुराई दोरच़ी हेंदिंङ शत्‌ह तोहनि, दंङ परमेश्वरो बेह्द चेहके हेंदिंङ भत्ते रिति रंङ पवित्र जीवन श्रींङमी कोशिश लंहि।

गलातियों 5:17

छना कुचे हेंदु फुको हिटी पवित्र आत्माओ खिलाप तोह, दंङ ध्वांए पवित्र आत्मा पापमय फुको हिटी ऊ खिलाप तोहई, छना कुचे दि झुल्ला इदि-अई दिऊ बैरी तोतोर। झांह लेह केरे हमेशा रूठे कम लेह मरपातंई अंऊ केहच़ी लेह जुंज़ातंई।

इफिसियों 1:4

परमेश्वरे सर्ग ए धरती बणाएषिमी तुहई, मसीहू दोरच़ी हेंदिंङ एनातु मीह शुहबिमी थल्जी अंङे च़रति। ताकि हेनर दोऊ नज़रारिंङ पवित्र ए निर्दोष शुहबी तरपोंई।

इफिसियों 4:12

अंऊ दिरंङ साते पवित्र मीहरे सिद्ध शुहचे योरे दंङ सेवाऊ कम लोहवा लोहरे मसीहू फुकरिङ तरक्की खोकसोतो।

फिलिपियों 1:1

गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।

फिलिपियों 3:16

झांह लेह हेंदिंङ दुह सच्चाई ऊ हिसाबे श्रींङमी लेह्पोतो अंऊ परमेश्वरे तुहई बे हेंदु टोहकठे प्रगट लेह चरच़तो।

फिलिपियों 3:3

छना कुचे परमेश्वरो सच्चा मीह ता हेनर शुई, अंऊ परमेश्वरो अराधना दोऊ आत्माओ दोरच़ी लहज़ातोर दंङ एनोह जीवनारिंङ मसीह यीशु एकता रिंङ खुश शवाहतोर दंङ एनोह कोशिशो टोहकठे भरोसा माह लहज़ातोर।

फिलिपियों 3:8

छना कुचे गेह मसीह यीशु घेंङौ प्रभु ञेंहच़ी रंङ साते ऊई भत्ते धिर बे मोह्ड़े तोह, गेह भत्ते चीज़ा तिंङ बेकार चेहच़ातग। अतु वहज़ा ज़ि गेह भत्ते चीज़ारे छोड़ेके केहतग, दंङ दोतिंङ कूड़ा समझेक्च़ातग, ताकि गेह मसीह बि ञेंए तरपोग।

1 थिस्सलुनीकियों 5:15

दि गप्पो ध्यान तंही कि अरिला ऊईतिंङ साते बुराई बदलारिंङ बुराई लेह माह जूंस; पर हमेशा इदि अई दिऊ ए भत्तेतंङ साते भलाई लहज़िमी कोशिश लोहवा लंहि।

2 थिस्सलुनीकियों 2:13

हे गिऊ प्यारे साथी विशवासी रे, हेंदिंङ हमेशा परमेश्वरो धन्यवाद लेह जुंशी तोह, छना कुचे परमेश्वरे केतंङ साते दाह लहज़ा। परमेश्वरे संसारो रचना बे तुहई केतिंङ अंङे चरच़तो ताकि केतिंङ बचाके तरपोतो केरे यीशु मसीहू पाहठी सच्चा खबरो टोईच़ी विशवास लहज़िमी दंङ दोऊ पवित्र आत्मा दोरच़ी पवित्र बणेषिमी थल्जी अंङषी ततो।

1 तीमुथियुस 5:10

दंङ एनोह रूठे कमो वहज़ा ज़ि दोऊ मिन शोतो, मतलब अच़ि एनोह कटुतु पालन-पोषण रूठे रंङ लहसी शोतो, दंङ पौहना तु सेवा लहसी शोतो, दोई ऊई विशवासी तु सेवा इच्च़ा परगरो ठ्रोह लहसी शोतो, दंङ दुखी मीहतु सेवा लहसी शोतो, दंङ हर पाहठी ऊ रूठे कमरिंङ सेहम लेहकी शोतो।

1 तीमुथियुस 6:19

अगर दोच़ी झांह लहज़ातोर, दंङ दि झांह तोह छना दोरे स्वर्गारिंङ एनोह ढबाह ठ्रोका लहज़ातोर अंऊ अपेहल योंहषतो माह, दंङ दोरे सच्चा जीवन खोकपोरे अंऊ हमेशा ओ थल्जी तोह।

इब्रानियों 12:14

भत्ते तंङ साते मेल मिलाप तंही, दंङ पवित्र जीवन श्रींङमी हर पाहठी कोशिश लोहवा लंहि। दू मेह अच़िला प्रभु बि अपेहल खंई माह रपोर।

इब्रानियों 12:23

केरे परमेश्वरो जेठे दोतु सभा रिंङ अंज़े शुई, अंऊ दोतु मिन स्वर्गारिंङ च़ेहसी तोह। केरे केनर परमेश्वरो कछंङ अंज़े शुई, अंऊ भत्ते मीहतु न्याय लहज़ा। केरे स्वर्गंङ धर्मी मीहतु आत्माओ कछंङ अच़ा अंज़े तोतोंई अंऊ दोतिंङ हेंतेग सिद्ध बणाके केहषी तोह।

याकूब 3:2

हेनर महसे फेरा पेहषा। अगर अरिया मीह अंऊ ला दोई कवात दोरिंङ छिल्ला गलती माह लहज़ातग, दंङ दुह सिद्ध मीह शुह; दंङ एनोह भत्ते फुको टोईच़ी नियंत्रण लेह तरच़ा।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।