फिलिपियों 2:9 - लाहौली बाइबिल

⁹ झांह लेह परमेश्वरे दोबि भत्ते बे महान लहरी, दंङ दोबि दुह मिन रेंई अंऊ भत्ते मिन बे मोह्ड़े तोह।

फिलिपियों 2:9 Cross References

मत्ती 11:27

गिऊ बाहे गिह्बी भत्तेधिर रांहषी ततो, बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।

मत्ती 28:18

यीशुज़ि दोतु कछंङ अंज़े कुंई, “स्वर्ग ए धरतीऊ भत्ते अधिकार गिह्बी रांहषी तोह।

लूको 10:22

“गिऊ बाहे गिह्बी भत्तेधिर रांहषी ततो, सिर्फ बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।”

यहून्नो 13:3

यीशु दिह ञेंहच़ाते कि दोबि भत्ते चीज़ो टोहकठे अधिकार रांहषी ततो दंङ दिह ला कि दुह परमेश्वरो दोरच़ी अंज़े शुह दंङ परमेश्वरो कछंङ वापिस इबिमी तोह।

यहून्नो 17:11

दा गेह संसारा रिंङ माह बंङज़ोग, गेह कांह कछंङ अपातग। पर गिऊ चेलारे अईता ला संसारा रिंङ तोतोर; हे पवित्र पिता परमेश्वरा, केनोह सामर्थो दोरच़ी केई दोतिंङ सोठेके तौऊ, अंऊ दोरे केई गिह्बी रांहषी तातन कि दोरे इच्च़ा शुबी जूंस छना ञेंहरे तोतोन।

यहून्नो 17:12

अपेहल गेह दोतंङ साते तोईग, गेह दोतंङ कांह दुह मिन्ज़ी, अंऊ केई गिह्बी रांहषी तातन दोतु रक्षा लहरिग, गेह दोतु रखवाली लहरिग दंङ दोतु बिचंङ च़ि अरीला नाश माह शुईरे, सिर्फ दोऊ अलावा अतु योंहषी पक्‍का ए तोहई, दिऊ थल्जी कि छि पवित्रशास्त्रा रिंङ च़ेहसी तोह दुह पूरा शुबी जूंस।

यहून्नो 17:5

दंङ हेंतेग, हे पिता परमेश्वर, केई केनोह तुईज़ी गिऊ महिमा लोहू, दुए महिमा अंऊ करंङ साते बंङज़ा दोहपल संसारो शुरुवात बे तुई गिऊ कछंङ तोहई।”

प्रेरित 5:31

परमेश्वरे दोबि स्वर्गो हखा रेंज़ा शिलि दंङ दोऊ महसे आदर लहरी। दंङ दोबि प्रभु ए उद्धार लहज़ा ठहराएति, ताकि इस्राएल ओ मीहरे एनातु मदम सोच बिचार ए अमतु दोरच़ी परमेश्वरो हखा किर्ज़ोर दंङ दोऊ दोरच़ी एनातु पापो थल्जी माफी खोक्पोर।

इफिसियों 1:10

अपेहल दि हिटी पूरे शुहबिमी टेम अपतो, दंङ परमेश्वर स्वर्ग ए धरतीऊ चीज़ातिंङ मसीहू अधीन लेह च़रपोतो, ताकि मसीह भत्ते चीज़ो मुख्या शोतो।

कुलुस्सियों 1:18

मसीह कलीसियाओ अगुवाई ध्वांए ठ्रोह लहज़ा, छना इच्च़ा मीहू पुंज़ा दोऊ फुका बि काबू लाह। दुह ए शुरूआत शुह दंङ सिऊ दोतु बिचंङ श्रींङज़ा दोतु बिचंङ जेठे तोह कि भत्ते गप्पारिंङ दुह ए प्रधान शोतो।

2 थिस्सलुनीकियों 1:12

ञेंहच़ी दि प्रार्थना लहज़ातंई कि मीहरे केहतु वहज़ा ज़ि हेंदु प्रभु यीशु मसीहू मिन्दु महिमा लोहर दंङ केरे आदर खोकपोंई। छना कुचे केरे दोऊ शुई। दि भत्ते धिर हेंदु परमेश्वर ए प्रभु यीशु मसीहू मोह्ड़े दाह ओ दोरच़ी शोतो।

इब्रानियों 1:4

झांह लेह परमेश्वरे योह बि इच्च़ा झांह ठ्रोह मिन रें च़रति अंऊ स्वर्गदूता बे महस मोह्ड़े तोह, अतु दोरच़ी ञेंहच़ी खांई तरपोंई कि योह दोतंङ बे महस मोह्ड़े तोह।

इब्रानियों 1:9

केई रूठे कमा रंङ साते दाह ए मदम कमारंङ साते बैर लहरिन; झांह लेह गेह, कांह परमेश्वरे, कनिंङ अंङषी चरच़तो, दंङ कांह भत्ते साथी बे कनिंङ महस आदर रांहषी ततो दंङ खुशी मनाएच़ी ततो।”

इब्रानियों 12:2

हेंदिंङ यीशु तरफे खंड्री जूंशी तोह, अंऊ हेंदिंङ विशवासो दोरच़ी तुंखा बढ़ाएच़ा दंङ हेंदु विशवास पूरा लहज़ा। दोई षेह्पिमी छा चिंद माह लहच़ी ते क्रूसो दुख सहन लहरी दंङ सिए इलि; छना कुचे दोई ञेंहच़ाते कि दोई झांह लहरी। हेंतेग दू परमेश्वरो सिंहासनो सुचंङ हासी बंङज़ा तोह।

इब्रानियों 2:9

पर हेले दि तोह कि थोड़े टेमो थल्जी, यीशु दर्जा स्वर्गदूता बे थोड़े कम शुई। ताकि परमेश्वरो मोह्ड़े दाह रंङ साते यीशु भत्ते मीहतु थल्जी सिए योतो। दंङ छना यीशु ज़ि दुख उठाएती ए सिए इलि, परमेश्वरे दोबि महिमा ए आदर रांई।

1 पतरस 3:22

दंङ दुह स्वर्गो हखा अच़ा इलज़ा। हेंतेग दू दोर्तिंङ परमेश्वरो सुचंङ हासी भत्ते बे खास ठहरि बंङज़ा तोह, दंङ दू भत्ते स्वर्गदूत ए भत्ते अधिकारी दंङ शाक्ति तु टोईच़ी राज लहज़ा।

2 पतरस 1:17

अपेहल हेनर दुह पवित्र गोह टोईच़ी दोरंङ साते तोहनी दोहथर परमेश्वरे बाह ज़ि दोबि आदर रांही दंङ परमेश्वरो मोह्ड़े महिमा ए दुह कपची च़रति। दंङ हेंज़ी परमेश्वरो मोह्ड़े महिमा मतलब परमेश्वरो सग दोरंङ साते दि कुट्री रेड्रीन, कि “दि गिऊ प्यारे योह शुह, अतंङ साते गेह दाह लहज़ातग। गेह दिरंङ महस खुश तोतोग।”

3 यूहन्ना 1:7

छना कुचे दोरे मीहरे मसीहू कमो थल्जी हुंच़ा शुहरे, दंङ ऊई जातितु विशवासी तु दोरच़ी छिल्ला मदत माह लेहपच़ातोर।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।

प्रकाशित वाक्य 11:15

अपेहल सातवें स्वर्गदूते तुरहीरिङ फुह लहरी, दंङ गेह स्वर्गंङ तेज सग रें हाऊष रंड्री रेड्रीगा: “संसारारिङ हेंतेग अरिला माह अच़ि राज लोहतो। सिर्फ हेंदु प्रभु परमेश्वर ए दोऊ अंङषी मसीह, दंङ दोई हमेशा-हमेशा ओ थल्जी राज लोहतो।”

प्रकाशित वाक्य 19:16

दंङ दोऊ चोगा ए पुष्टू टोईच़ी दि मिन च़ेहसी तोह: “रज्ज़ा तु रज्ज़ा ए प्रभु तु प्रभु।”

प्रकाशित वाक्य 3:21

अंऊ दोई जय खोकपोतो, गेह दोबि घेंङारंङ साते सिंहासनो टोईच़ी बंङज़ी लोहग, छना गेह ला जय खोकशी ते घेंङौ बाह रंङ साते दोऊ सिंहासनो टोईच़ी बंङज़ा इलिगा।

प्रकाशित वाक्य 5:12

दंङ दोरे जोरे-जोरे कुट्रातेर, “दुह कुरच़ा अतिंङ बलिदान लेह चरच़ातेर, दुह महिमा ओ जोगे तोह। दोऊ अधिकार महस मोह्ड़े तोह। दोऊ ज्ञान महस डुह्गे तोह। दुह महस शाक्तिशाली तोह दंङ दुह महस साहुकार तोह। अतंई हेनर दोऊ आदर लोहनि। अतंई हेंज़ी दोऊ स्तुति लोहनि।”