फिलिपियों 2:8 - लाहौली बाइबिल

⁸ दंङ मीहू रूपारि प्रगट शुहचे ऐनाबि दीन लहरी, दंङ परमेश्वरो आज्ञाकारिताऊ रिंङ, दुह सिमी थल्जी ला तेयार शुहचे तोहई, दंङ इच्च़ा अपराधी ठ्रोह क्रूसो मौत ला सहन लहरी।

फिलिपियों 2:8 Cross References

मत्ती 17:2

दंङ अपेहल दोरे एकांत रिंङ तोईरे दुह षुम चेलाज़ि यीशु रूप लेहक्सी तंङरी, दोऊ मोद एकेऊ ठ्रोह चमकेक्ते दंङ खमज़े छंङीऊ ठ्रोह छंङी शुहचे इलदे।

मत्ती 26:39

दंङ दुह फोआ तुंखा मोदो भारे शुई, दंङ दिह प्रार्थना लहज़ी लेहती, “हे गिऊ बाह अगर शुहबी तरपा ताह दिह कटोरा गिऊ दोरच़ी टलेके इला तांला गेह छना जुंज़ातेग ध्वांए मा शुह, दंङ केई छी जुंज़ातन ध्वांए ए शुह।”

मत्ती 26:42

दंङ दोई अई फेरा इलजे दिह प्रार्थना लहच़ी लेहती, “हे गिऊ बाह अगर दिह गिऊ तुंङे मेह मटेलेकसा ताह दंङ कांह इच्च़ा पूरी शुहचे जूंस।”

लूको 9:29

अपेहल यीशु प्रार्थना लहज़ी लेहकी तोहई ता दोऊ मोह्दु रंग लेहक्सा इलि, दंङ दोऊ खमज़ेर छंङसी शुहचे छंङी लेहती।

यहून्नो 10:18

अच़िला गिऊ जहानो गिऊ दोरच़ी खुल्जे मरपोर। दुह गेह घेंङौ हिटी रंङ रंड्री। गिह्बी दुह प्राण रड्रीमी ए यह्च़ा वापिस लेहप्च़िमी ला हक तोह। गिह्बी घेंङौ पिता परमेश्वरो दोरच़ी हुकुम खोकसी तोह।”

यहून्नो 14:31

पर गेह ध्वांए लहज़ातग छना पिता परमेश्वरे गिह्बी हुकुम रंड्रा दिऊ थल्जी कि संसारो मीहतिंङ पता लेह्पोतो कि गेह पिता परमेश्वरारंङ साते दाह लहज़ातग। अहच़ुंई, देरच़ी योंह्‌ई।

यहून्नो 15:10

अगर केहच़ी गिऊ हुकुम मनेक्फोई, ता गिऊ दाह रिंङ बणेंके बंङज़ोन; छना कि गेह घेंङौ पिता परमेश्वरो हुकुम मनेक्च़ातेग, दंङ दोऊ दाह रिंङ बणेंक बंङज़ातग।

यहून्नो 4:34

यीशु ज़ि दोतंङ साते कुंई, गिऊ बगत दुह परमेश्वरो हिटी ओ भाषे लहज़ी शुह अच़ि गेह च़रसी शुह, दंङ दुह कम पुरा लहज़िमी तोह अंऊ दोई गिह्बी रांहषी ततो।

प्रेरित 8:33

“दोऊ बेज़ती लहरिर दंङ दोबि न्याय माह खोकसिरी। शायद अरिला दोऊ खानदानो पाहठी कंड्री मारपोतो, छना कुचे दिबे तुहई अगर धरती रिंङ दोऊ अरिया खानदान शुचंङ, ता मीहच़ी दुह सच़ी च़रतिर।”

रोमियो 5:19

छना कुचे इच्च़ा मीहू हुकुम माह मनेक्च़िमी रंङ साते महसे मीहरे पापी शुईरे, ध्वांए इच्च़ा मीहू हुकुम मनेक्च़िमी रंङ साते महसे मीहरे धर्मी बणेक्पोर।

2 कुरिन्थियों 8:9

केहच़ी ञेंहतु प्रभु यीशु मसीहू मोह्ड़े दाह ञेंच़ातंई, कि दू साहुकार शुहचे ला केहतु थल्जी गरीब शुहचे इलि ताकि दोऊ गरीब शुहबी रंङ साते केरे साहुकार शुहचे ईलांई।

गलातियों 3:13

मसीह हेंदु थल्जी क्रूसो टोईच़ी सिए इलि दंङ दोई शाप एनोह टोहकठे कुरच़े हेंदिंङ मूसा ओ कानूनो शापो दोरच़ी मुक्त लेह च़रति। छना कुचे पवित्र शास्त्रारिंङ दि च़ेहसी तोह कि “शापित तोह दू अंऊ क्रूसो टोहकठे सच़ी चरच़ातोर।”

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

इब्रानियों 12:2

हेंदिंङ यीशु तरफे खंड्री जूंशी तोह, अंऊ हेंदिंङ विशवासो दोरच़ी तुंखा बढ़ाएच़ा दंङ हेंदु विशवास पूरा लहज़ा। दोई षेह्पिमी छा चिंद माह लहच़ी ते क्रूसो दुख सहन लहरी दंङ सिए इलि; छना कुचे दोई ञेंहच़ाते कि दोई झांह लहरी। हेंतेग दू परमेश्वरो सिंहासनो सुचंङ हासी बंङज़ा तोह।

इब्रानियों 12:4

अपेहल केरे बुराई ओ ताकतो खिलाप संघर्ष लहज़ातंई दंङ केहच़ी झांह ठ्रोह लड़ाई माह लड़ेकातंई, कि केरे सिए योंई।

1 पतरस 2:24

अपेहल मसीह सिए इलि, दंङ हेंदु पापो थल्जी क्रूसो टोईच़ी दोऊ फुका बि तकलीफ रेंईर ताकि हेनर पाप लेह बन्द लेह केओनि दंङ धर्मिकता रंङ साते श्रींङमी शुरू लोहनि। दंङ दू घाहो वहज़ा ज़ि अंऊ दोई सहन लहरी, हेनर ठीक शुहचे इलजे तोतोंई।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।