फिलिपियों 2:5 - लाहौली बाइबिल

⁵ छना मसीह यीशु स्वभाव तोई ध्वांए केहतु ला स्वभाव शुहबी जूंस;

फिलिपियों 2:5 Cross References

मत्ती 11:29

गिऊ जुम केनातु टोईच़ी उठातुंई, दंङ गिऊ दोरच़ी ञेंई। छना कुचे गेह शांत ए सेहमो रूठे तोतोग: दंङ केहच़ी केनातु सेहमरिंङ आराम खोकपोंई।

लूको 22:27

छना कुचे मोह्ड़े अरी तोह, छि दोई ए अरी बगत जोआ, या दुह अच़ि सेवा लाह? छि दुह माह शुदाह अच़ि बगत जोआ? पर गेह केहतु बिचंङ परगरतु ठ्रोह तोतोग।

प्रेरित 10:38

केतिंङ दि ला पता तोह परमेश्वरे छना ठ्रोह नासरत नगरो यीशु बि पवित्र आत्मा ए सामर्थ रंङ साते अभिषेक लहरी; दुह ठहरि-ठहरि इलजी हमेशा मीहतु थल्जी भलाईओ कम लहज़ाते, दंङ दोतिंङ आईन लहरी अंऊ दोरे शेतानो वहज़ा ज़ि तकलीफा रिंङ तोईरे, छना कुचे परमेश्वर दोरंङ साते तोहई।

प्रेरित 20:35

गेह केहतु थल्जी लगातार इच्च़ा उदाहरण बणेंके तोतोग दि कंड्रीमी थल्जी कि छना मेहनत लहज़ी केरे ज़रूरत मंद मीहतु मदत लेह तरपोंई। केतिंङ प्रभु यीशु बचन हिद तहज़ी जूंस छना कुचे दोई एनाह ए कुहषी ततो कि, लेहपच़िमी बदला रंड्रीरी महस खुशी खोकसी।

रोमियो 14:15

अगर कांह साथी विशवासी कांह बगतो दोरच़ी दुखी शवाह दंङ काह दाहऊ रीतिरंङ साते माह कांह साथी विशवासी परमेश्वरो हुकुमो भाषे लहज़ी छोड़ेके च़रपोतो, दंङ दू बगत था ज़ोऊ छना कुचे मसीह दू साथी विशवासी ओ थल्जी ला सि शुह।

रोमियो 15:3

छना कुचे मसीह एनाबि खुश माह लहरी, पर छना पवित्रशास्त्रारिंङ च़ेहसी तोह, “कनु निंदा लहज़ा ज़ि गिऊ निंदा लाहतोर।”

रोमियो 15:5

गेह प्रार्थना लहज़ातग कि परमेश्वरे केतिंङ धीरज़ ए याहब रमतो ताकि केरे यीशु मसीह थले ज़ोजा ते केनातु बिचंङ एकता रंङ साते बंङज़ेंई।

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

फिलिपियों 1:1

गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।

1 पतरस 2:21

परमेश्वरो दोरच़ी केरे अंङषी दोरच़ी इच्च़ा वहज़ा दि ला तोह कि केरे दोऊ थल्जी रूठे कम लहज़ा दुख सहन लेह च़रपोंई। मसीह, अच़ि केहतु थल्जी दुख सहन लहरी, दू एनाह ए केहतु थल्जी इच्च़ा उदाहरण रे च़रति, ताकि केरे दोऊ हिद लंहि।

1 पतरस 4:1

झांह लेह, अपेहल कि मसीह ज़ि एनोह फुकारिंङ बंङज़ा दुख सहन लहरी, दंङ केतिंङ ला ध्वांए ठ्रोह दुख सहन लहज़िमी थल्जी तेयार बंङज़ी जूंशी तोह। छना कुचे अगर हेनर मसीहू थल्जी दुख सहन लहज़िमी थल्जी तेयार तोतोंई, दंङ केहच़ी पाप माह लहज़िमी फेंसला लेह चरच़ातंई।

1 यूहन्ना 2:6

अच़िला दि कुट्रा कि गेह दोरंङ बड़ेकी बंङज़ा तोग, दंङ दुह ध्वांए ए श्रींङमी जूंस छना यीशु मसीह श्रींङमते।