फिलिपियों 2:29 - लाहौली बाइबिल

²⁹ झांह लेह केरे प्रभुरिंङ दोरंङ साते महसे खुशी रंङ साते दोईनि, दंङ केतिंङ दोऊ ए ठ्रोह दोतु आदर लेह जूंशी तोह,

फिलिपियों 2:29 Cross References

लूको 9:5

अंऊ नगरो मीहरे केहतु गप्पा माह रेड्रोर, दंङ दोरच़ी हुंच़िमी मुका केहच़ी केनातु चप्पलो धुह्‌ड़ ला ठुड़ेके कि च़रतुंई झांह खंड्रा दुह नगरो मीहच़ी ञेंओर कि परमेश्वरे दोतिंङ ज़रुर सज़ा रमतो। छना कुचे दोच़ी परमेश्वरो उपदेश माह रेड्रिर।”

यहून्नो 13:20

गेह केतंङ साते हेले कुट्रातग, कि अच़िला गिह्बी च़रच़ा दोबि ग्रहण लोहतो, दंङ दोई गिह्बी ग्रहण लहज़ा दंङ अच़िला गिह्बी ग्रहण लहज़ा दोई परमेश्वरा बि ग्रहण लहज़ा।”

प्रेरित 2:46

दंङ दोरे हर इच्च़ा ध्याड़ारिंङ इच्च़ा सेहम शुहचे यहुदी मंदिरो लवाड़ी ठ्रोहका शवातेर, दंङ दोरे इदिऊ-अईदिऊ चुंङ इलज़ा प्रभु भोज लहज़ातेर, दंङ खुशी ए सेहमो सिधाई रंङ साते बगत ज़ोआतेर।

प्रेरित 28:10

दोच़ी ञेंहतु महस आदर लहरिर, दंङ अपेहल हेनर इबिमी थल्जी तेयार शुई, दंङ छिल्ला समान ञेंहतु थल्जी ज़रूरी तोहई, दू दोच़ी जहाज़ो टोईच़ी केहच़ी च़रतिर।

प्रेरित 8:8

दंङ दुह शहरो मीहरे महसे खुश शुहचे इलिर।

रोमियो 10:15

दंङ दिबे तुहई कि अरिया रूठे खबर सुनाएच़ा दोरे इलजे दोतिंङ कमबोतो, रूठे खबर सुनाएच़ा दोतिंङ चरच़ी ज़रूरी तोह। छना पवित्र शास्त्रारिंङ च़ेहसी तोह, कि “दोतु कोंज़ारे छि ठ्रोह रूठे तोतोरे, अंऊ रूठे गप्पो रूठे खबर सुनाएच़ातोर।”

रोमियो 16:2

दंङ केतिंङ जुंज़ा कि दोऊ प्रभु रिंङ स्वागत लंहि; दंङ अंऊ ला गप्पो थल्जी दोबि केहतु मदत जूंशी तोह, दोऊ मदत लंहि। छना कुचे दोई महसे तु ए गिऊ ला महस मदत लहरी।

1 कुरिन्थियों 16:10

अगर तीमुथियुस केहतु कछंङ कुरिन्थुस शहरंङ अपतो, दंङ दोरंङ साते रूठे रंङ बर्ताब लोहु; छना कुचे दुह गिऊ बराबर प्रभु कम लहज़ा।

1 कुरिन्थियों 16:18

दंङ दोच़ी गिऊ सेहम पक्‍का लहरिर ठीक ध्वांए दोच़ी केहतु थल्जी लोहर अपेहल दोरे केहतु कछंङ अपोर, झांह लेह केतिंङ झांह ठ्रोह मीहतु आदर लेह जूंशी तोह।

2 कुरिन्थियों 10:18

छना कुचे अंऊ दोई एनोह षटणा लहज़ा, दू मशत, पर अतु बढ़ाई प्रभु ज़ि लहज़ा, दू ए प्रभु नज़रा रिंङ रूठे तोह।

2 कुरिन्थियों 7:2

हेंदिंङ केनातु भत्ते सेहमे दाह लंहि। ञेंहच़ी माह अतुआ मदम लाहतंई, माह अतुआ नुकसान लहज़ातंई, माह अतिया हेंदु फायदा ओ थल्जी ठगेकातंई।

फिलिपियों 2:28

झांह लेह गेह दोबि च़रच़िमी ऊई ला कोशिश लहरिग कि केरे दोरंङ साते यह्च़ा दोहा ते खुश शुहचे ईलांई, दंङ गिऊ चिंद ला कम शुहचे योतो।

कुलुस्सियों 4:10

अरिस्तखुर्स अंऊ गेरंङ साते कैदी तोद, दंङ बरनबासो भंई मरकुस केतिंङ नमस्ते कुट्रातोर। अतु पाहठी केतिंङ तुहई ए कांहषी तोहई, कि अगर दुह केहतु कछंङ अपतो, ता दोरंङ रूठेरंङ साते व्यवहार लंहि,

1 थिस्सलुनीकियों 5:12

हे गिऊ प्यारे साथी विशवासी रे, ञेंहच़ी केतंङ साते बिनती लहज़ातंई कि केहच़ी दुह मीहतु आदर लंहि, अंऊ केहतु बिचंङ महस मेहनत लहज़ातोर, दंङ प्रभुरिंङ केहतु अगुवारे तोतोर दंङ केतिंङ सलाह रंड्रातोर।

1 तीमुथियुस 5:17

अंऊ कलीसिया ओ सेंहणार एनोह कम रूठे रंङ लहज़ातोर, दोरे सही आदर ए सही मज़दूरी खोकच़िमी जोगे मनेक्तुंई, खासकर दोरे मीहरे अंऊ परमेश्वरो खबर ए बचनो प्रचार लहज़िमी थल्जी खास मेहनत लहज़ातोर,

इब्रानियों 13:17

केनातु अगुवा तु मनेक्तुंई; दंङ दोतु अधीन बंङज़ेंई, दोरे केहतु टोईच़ी नज़र केहषी तातोर ताकि केरे भटकेगी माह जूंस। छना कुचे दोतिंङ एनोह सेवा ओ लेखा परमेश्वरा बि रंड्री पढ़ेक्पोतो; केरे दोऊ मनेक्तुंई, ताकि दू दि कम खुशी रंङ साते लोहतो, छना कुचे दुखी शुहचे सेवकाई लहज़िमी छल्ले फायदा माह।

3 यूहन्ना 1:10

झांह लेह अंऊ मुक्का गेह अपोग दंङ गेह कलीसियाओ मीहतंङ साते रूठे रंङ गप्पा लोहग कि दोई छि-छि लहच़ी लेहकी तोह, मतलब ञेंहतु टोहकठे हप्सी कमो दोष लगासी लेह्की तोत, धोंण ए मशत, दोरे ता एनर (रूठे खबर) प्रचार लहज़ा विशवासी न्वातिंङ स्वीकार ला माह लहज़ा, दंङ अच़ि दोतिंङ स्वीकार लहज़ी जुंज़ातोर, दोतिंङ मना लहज़ा, दंङ दोतिंङ कलीसिया ओ दोरच़ी धकतेखा हुंच़ी केट्रा।