फिलिपियों 2:27 - लाहौली बाइबिल

²⁷ दंङ हेले दुह टेहची ता इलजी तोहई, देर तचेक कि सिमी जोगे तोहई, पर परमेश्वरे दोऊ टोईच़ी दया लहच़ी दोबि ठीक लहरी; सिर्फ दोऊ ए टोईच़ी मशत, पर गिऊ टोईच़ी ला लहरी कि गिह्बी महस दुख शुहबी मेस।

फिलिपियों 2:27 Cross References

प्रेरित 9:37

दुह मुक्का अपेहल पतरस लुद्दा इलाकंङ तोहई, तबीता बीमार शुहचे सीए इलि, दंङ दोच़ी दुह सुहज़ी लहरिर दंङ तोरिंङ कि कमरा रिंङ केहच़ी च़रतिर।

1 कुरिन्थियों 10:13

पाप लहज़िमी हिटी हेंदु भत्ते तु कछंङ ज़रुर अपा, पर परमेश्वर सच्चा तोह। दू केतिंङ झांह ठ्रोह परीक्षा रिंङ पढेक्पि माह रंड्रा, अंऊ केहतु सहन बे धकते तोह पर दू परीक्षारंङ साते बचेक्पिमी तरीका ला लोहतो कि केरे विशवासारिंङ पक्‍का शुहचे बंङज़ेंई।

2 कुरिन्थियों 2:7

झांह लेह दिऊ थल दि रूठे तोह कि दोऊ अपराध माफ लंहि, अगर केरे दोबि माफ माह लहज़ातंई दंङ शायद दू धोंण दुखी शोतो कि निराशा रिंङ एनोह हार मनेकी च़रपोतो।

फिलिपियों 2:26

दोऊ सेहम केहतु भत्ते तु बिचंङ लेहकी तोहई, दंङ दुह बैचेन बंङज़ा ते छना कुचे केहच़ी दोऊ टेहषीऊ हाल रेहशी तरैंई।

फिलिपियों 2:28

झांह लेह गेह दोबि च़रच़िमी ऊई ला कोशिश लहरिग कि केरे दोरंङ साते यह्च़ा दोहा ते खुश शुहचे ईलांई, दंङ गिऊ चिंद ला कम शुहचे योतो।

फिलिपियों 2:30

दुह मसीहू कमो थल्जी एनोह जाहन मुसीबत रिंङ केहच़ी सिमी जोगे तोहई, ताकि गिह्बी दोई मदत रें तरपोतो अंऊ केहच़ी केनाज़ि लेह मरपोंई।