फिलिपियों 2:21 - लाहौली बाइबिल

²¹ छना कुचे भत्तेर एनातु स्वार्थो खोज रिंङ बंङज़ातोर, माह कि यीशु मसीहू।

फिलिपियों 2:21 Cross References

मत्ती 16:24

दंङ यीशुज़ि एनोह चेला तिंङ कुहतो “अगर अरीला गिऊ चेला बणेकपी तातंई दोच़ी एनोह हिटी छोड़ेके एनोह दुख उठाके गिऊ थलेच़ि अच़ा अतंई।

लूको 14:26

“अगर अरीया गिऊ कछंङ अपा दंङ एनोह याह ए बाह, मेच़ा, कटुरे दंङ न्वारे ए रिंङरे देहर तचेक कि एनोह जहानो ला गिहबे ला महस प्यारे चेहच़ा, दंङ दुह गिऊ चेला शुबी मरपोतो;

प्रेरित 13:13

पोलुस ए दोऊ साथीर पाफुस इलाकंङ च़ि समुंद्री यात्रा शुरू लहरिर दंङ दोरे पंफूलिया प्रदेशो पिरगा इलाकंङ पिचे इलिर। दंङ यूहन्ना अतु मिन मरकुस ला शुह, दोतिंङ व्याड़ा लहच़ी वापिस यरूशलेम शहरंङ अच़ा इलि।

प्रेरित 15:38

पर पोलुसे मरकुस बि अंऊ पंफूलिया नगरा रिंङ दोतु दोरच़ी शत्‌ह शुहचे इलजी तोहई, दंङ कमारिंङ दोतंङ साते मेहली इलजी मा तोहई, साते शिल्ज़ी रुठे माह चेहती।

1 कुरिन्थियों 10:24

अरिला एनोह ए भलाई थल्जी मशत, पर ऊईतु भलाई ओ ला ध्यान रांई।

1 कुरिन्थियों 13:5

दोरे ऊईतिंङ साते मदम बर्ताब माह लहज़ातोर, दोरे स्वार्थी माह शवाहतोर दोरे युरनाह रोहष माह लहज़ातोर दंङ दोरे महस आसानी रंङ साते ऊईतिंङ माफ लहज़ी चरच़ातोर अंऊ दोतु खिलाप गलत लहज़ातोर।

2 कुरिन्थियों 1:5

छना कुचे मसीहू दुखारिंङ हेनर भागीदार शवातंई, ध्वांए हेंदु तसल्ली ओ थल्जी मसीहू दोरच़ी महस भागीदार शवातंई।

फिलिपियों 2:4

हर इच्च़ा एनोह ए भलाई मशत, पर ऊईतु भलाई ला चिंद लंहि।

2 तीमुथियुस 1:15

केई ञेंहच़ातन कि, आसिया प्रदेशारिंङ बंङज़ा रें विशवासी ज़ि गेह छोड़ेके केहतोर, अंऊर फूगिलुस ए हिरमुगिनेस तोईरे।

2 तीमुथियुस 3:2

छना कुचे रें मतलबी, शेखीमार, घमण्डी, ऊईतु निन्दा लहज़ा, याह बाह ओ गप्पा माह मनेक्च़ा, धन्यवाद माह लहज़ा ए अपवित्र,

2 तीमुथियुस 4:10

छना कुचे देमासे दि संसारो चीज़ारे प्यारे चेहके गेह छोड़ेके चरच़तो दंङ थिस्लुनीके शहरो हखा अच़ा इलज़ा। क्रेसकेंस ला गलातिया प्रदेशो हखा दंङ तीतुस दलमतिया प्रदेशो हखा अच़ा इलज़ा।

2 तीमुथियुस 4:16

मुण्डारिंङ अपेहल गेह रोमो कोर्टंङ घेंङौ सफाई रंड्रीमी थल्जी इलिगा, दोहपल गिऊ तरफे कुट्रा अरिला माह तोहई, दंङ भत्तेज़ि गिऊ साथी छोड़ेके च़रतिर। गेह प्रार्थना लहज़ातग कि परमेश्वरे दोतिंङ दि कमो थल्जी माफ लोहतो।