फिलिपियों 2:2 - लाहौली बाइबिल

² दंङ इच्च़ा सेहमा रंङ साते बंङज़ा, इच्च़ा दाह, दंङ इदि-अई दिरंङ साते दाह ए, केनातु बिचंङ मेल-मिलाप रंङ साते इच्च़ा हिटी रंङ तहच़ि, गिऊ दिह खुशी पूरा लंहि।

फिलिपियों 2:2 Cross References

यहून्नो 3:29

ब्याहू ब्याहुत्रीह रंङ साते ब्याह लेह, पर ब्याहू साथी दोरंङ साते शुबी दंङ दोऊ गप्पा रेड्री रंङ साते खुश शुबी, ध्वांए गिऊ सेहम खुशी रंङ साते पिंङषा इलजी तोह।”

प्रेरित 1:14

दिरे चेलारे इच्च़ा सेहमारंङ रोज ठ्रोहका शुचे लगातार प्रार्थना लोहवा लहज़ातेर। दोतंङ साते रेह मेच़िमी रे ला ठ्रोहका शुचि इलिर अंऊ दोतु बिचंङ यीशु याह मरियम ला तोहई दंङ यीशु न्वारे ला ठ्रोहका शुचि इलिर।

प्रेरित 2:1

अंऊ ध्याड़ा यहुदी मीहरे पिन्तेकुस्त त्यार मानाएच़ी लेहकी तोईरे ता दोरे भत्तेर विशवासी यरूशलेम शहरा रिंङ इच्च़ा ठाहरीरिंङ ठ्रोहका शुईरे।

प्रेरित 2:46

दंङ दोरे हर इच्च़ा ध्याड़ारिंङ इच्च़ा सेहम शुहचे यहुदी मंदिरो लवाड़ी ठ्रोहका शवातेर, दंङ दोरे इदिऊ-अईदिऊ चुंङ इलज़ा प्रभु भोज लहज़ातेर, दंङ खुशी ए सेहमो सिधाई रंङ साते बगत ज़ोआतेर।

प्रेरित 5:12

प्रेरिता तु दोरच़ी महसे चिन्ह ए चमत्कारो कम मीहतु बिचंङ शुहबी लेहकी तोहई। दंङ मसीहू टोहकठे बिशवास लहज़ार भत्तेरे इच्च़ा सेहम शुहचे रज्ज़ा सुलेमान ओ ल्वाड़िङ ठ्रोहका शुवा लाहतेर।

रोमियो 12:16

इदि-अई दिऊ ध्वांए ध्यान तंही छना केनोह ध्यान तहच़ातन, घमण्डी था शुई पर दीन ए दुखी तंङ साते मेल जोल तंही केनातिंङ बुद्धिमान था समझेक्तुंई।

1 कुरिन्थियों 1:10

हे गिऊ प्यारे साथी विशवासी रे, गेह केतंङ साते हेंदु प्रभु यीशु मसीहू मिंदंङ साते दि बिनती लहज़ातग, केरे भत्तेर इदि-अई दिरंङ साते सहमत शुहबी जूंस दंङ केहतु बिचंङ फूट इबि मेस पर केरे इच्च़ा ठ्रोह विचार तहज़िमी दोरच़ी दंङ इच्च़ा मकसद रंङ साते इदि-अई दिरंङ साते मिलेकी बंङज़ुंई।

2 कुरिन्थियों 13:11

झांह लेह हे गिऊ विशवासी न्वा रे, गेह दि शब्दा रंङ साते डाक बन्द लहज़ातग; सिद्ध शुहचे इलांई; इदि-अईदि बि उत्साहित लंहि; इच्च़ा ए सेहम तंही; केनातु बिचंङ मेल-मिलापा रंङ साते बंङज़ुंई, दंङ दाह ए शांति ओ दाता परमेश्वरे केतंङ साते शोतो।

2 कुरिन्थियों 2:3

दंङ गेह दि गप्पा केतिंङ झांह लेह चेहरिगा, कि झांह शुहबी मेस, कि गिऊ अपिमी मुका, अतु दोरच़ी गिह्बी खुशी खोकसी जूंस, गेह दोतंङ साते दुखी शोहग; छना कुचे गिह्बी केहतु भत्ते तु टोईच़ी दि गप्पाऊ विशवास तोह, कि अंऊ गिऊ खुशी तोह, दुह ए केहतु भत्ते तु ला तोह।

2 कुरिन्थियों 7:7

दंङ माह सिर्फ दोऊ अपिमी बे पर दोऊ दू दुह शान्तिरंङ साते ला, अंऊ तीतुसा बि केहतु दोरच़ी खोकसा तोहई; दंङ दोई केहतु हिटी, ए केहतु दुख ए गिह्बी केतंङ साते दोईमी खुशी ओ पाहठी कंङाते, अंऊ दोरच़ी गिह्बी महस खुशी शुई।

फिलिपियों 1:4

दंङ अपेहल केहतु भत्ते तु थल्जी प्रार्थना लहज़ातग, दंङ हमेशा खुशी रंङ साते मदतो थल्जी बिनती लहज़ातग।

फिलिपियों 2:16

झांह लेह गेह मसीहू यह्च़ा अपिमी ध्याड़ो थल्जी दि गप्पो टोहकठे घमण्ड लेह तरपोग कि गिऊ कोशिश ए मेहनत लहज़ी बेकार माह शुई।

फिलिपियों 2:20

छना कुचे गिऊ कछंङ झांह ठ्रोह स्वभावो ऊई अरिला माह, अंऊ शुद्ध सेहमारंङ साते केहतु चिंद लोहतो।

फिलिपियों 4:2

गेह यूओदिया ए सुनतुखे, झुल्ला रिहंङ रंङ साते विनती लहज़ातग, कि प्रभुरिंङ ठ्रोहका शुहचे बंङज़ुंई।

कुलुस्सियों 2:5

छना कुचे गेह केतंङ साते मातोग, तांला केहतु पाहठी सोचेक्सी लेहकी तोतोग, गेह खुश तोतोग कि केरे ध्वांए ठ्रोह श्रींङमी लेहकी तोतोंई छना केतिंङ श्रींङमी जूंस। दंङ मसीह रिंङ केहतु विशवास पक्‍का तोह।

2 थिस्सलुनीकियों 2:13

हे गिऊ प्यारे साथी विशवासी रे, हेंदिंङ हमेशा परमेश्वरो धन्यवाद लेह जुंशी तोह, छना कुचे परमेश्वरे केतंङ साते दाह लहज़ा। परमेश्वरे संसारो रचना बे तुहई केतिंङ अंङे चरच़तो ताकि केतिंङ बचाके तरपोतो केरे यीशु मसीहू पाहठी सच्चा खबरो टोईच़ी विशवास लहज़िमी दंङ दोऊ पवित्र आत्मा दोरच़ी पवित्र बणेषिमी थल्जी अंङषी ततो।

2 तीमुथियुस 1:4

गिह्बी हिद तोह कि कांह अंयों क्रपच़ातेन अपेहल गेह कनिंङ छोड़ेके इबि तरेग, दुह हिद लहज़ी गिह्बी करंङ साते दोईमी सेहम लहज़ा, कि गेह खुशी रंङ साते बिंङे योग।

फिलेमोंन 1:20

हे प्यारे मित्रा, दि खुशी गिह्बी मसीह रिंङ कनु दोरच़ी खोकसिरी, इच्च़ा साथी विशवासी ओ रूपारिंङ झांह लेह गिह्बी खुश लोहू।

2 यूहन्ना 1:4

गेह महस खुश शुईगा, अपेहल गेह दिह रेड्रा कि कांह थोड़े कटुरे दुह हेले ऊ पालन लहज़ा षिङे बंङज़ा तोर, अंऊ हेन्दिंङ परमेश्वर बाह ज़ि लहज़िमी थल्जी कुहषी ततो।

3 यूहन्ना 1:4

अपेहल लाह गेह दिह रेड्रा तोग कि दोरे मीहरे अंऊ गिऊ कटुतु ठ्रोह तोतोर दोरे दुह ए तरीका रंङ साते श्रींङमी लेहकी तोतोर, अंऊ सच्चा परमेश्वरे हेंदिंङ कांहषी ततो, दंङ झांह लेह गिह्बी दिबे लाह महस खुशी खोकसा।