फिलिपियों 2:11 - लाहौली बाइबिल

¹¹ दंङ बाह परमेश्वरो महिमाऊ थल्जी भत्ते एनोह आहच़ि अंगीकार लेह कि यीशु मसीह प्रभु शुह।

फिलिपियों 2:11 Cross References

मत्ती 10:32

अच्च़ी लाह मीहतु तुईज़ी कुट्रातोर कि दोरे गिऊ चेलार शुहर, दंङ गेह लाह दोबि घेंङौ स्वर्गीय बाहऊ तुईज़ी घेंङौ चेला मनेक्पोग।

लूको 2:11

कि तोग बेतलहमंङ अंऊ रज्ज़ा दाऊदो शहर तोह, दोर तिंङ केहतु थल्जी इच्च़ा उद्धार लहज़ा ज़ेहका, दुहए मसीह प्रभु शुह

यहून्नो 12:42

तांला यहुदी सेंहणातु बिचंङ च़ि महसे ज़ि दोऊ टोहकठे विशवास लहरिर पर फरिसी मीहतु बजह च़ि बिचंङ मह्सेज विशवास लहरीर, पर फरीसीतु वह्ज च़ि दोरे भत्तेतु तुईज़ी दोबि माह मनेक्च़ातेर दिह बेह्द चेहके कि दोतिंङ यहुदी सभा घरबारंङ च़ि धह्कते हुंच़े च़रपोर।

यहून्नो 13:13

केहच़ी गिह्बी गुरु ए प्रभु कुट्रातन, दंङ केहच़ी छि कुट्रातन दुह सही शुह छना कुचे गेह केहतु प्रभु ए गुरु शुगाह।

यहून्नो 13:14

अगर गेह प्रभु ए गुरु शुहचे केहतु कोंज़ा शुहल्ज़ातग; ता केतिंङ ला केनातिंङ नम्र लेह इदिऊ अईदिऊ कोंज़ा शुहल्ज़ी जूंस।

यहून्नो 14:13

दंङ छिला धिर केहरे गिऊ मिन्ज़ी पेट्रोनी, दुहए गेह लोहग कि गेह मीहू योह दोरच़ी पिता परमेश्वरो महिमा शोतो।

यहून्नो 14:23

यीशु ज़ि दोबि जुबाब रेंई, “गेह घेंङा बि झांह ठ्रोह मीहतिंङ कमोग अच़ि गेरंङ साते दाह लहज़ातोर दंङ अच़ि गिऊ शिक्षा ओ भाषे लहज़ातोर। दुह गिऊ पिता परमेश्वरो प्यारे मीह शोतो दंङ हेनर दोऊ कछंङ अंज़े दोरंङ साते बंङज़ोई।”

यहून्नो 17:1

दीह गप्पार एनोह चेला तंङ साते कुट्रिमी थल, यीशु ज़ि स्वर्गो हखा खांई दंङ कुई, “हे पिता परमेश्वर, दुह टेम पिचे अंजा कि केनोह योहू महिमा लोहू कि योह ला कांह महिमा लोहतो,

यहून्नो 20:28

दीह रेड्रा थोमा ज़ि जुबाब रेंई, “हे गिऊ प्रभु, हे गिऊ परमेश्वर!”

यहून्नो 9:22

दिह गप्पारे दोऊ याह बाह ज़ि दिऊ थल्जी कुह्तेर छना कुचे दोरे यहुदी सेंहणा तंङ साते बेवातेर; छना कुचे दोरे भत्ते इच्च़ा शुहचे तोईरे, कि अच़िया विशवास लहरिर ता यीशु ए मसीह शुह ता यहुदी सभा घरबारंङ च़ि धह्कते हुंच़े च़रपोर।

प्रेरित 10:36

केतिंङ दुह रूठे खबरो पाहठी पता तोह, अंऊ परमेश्वरे ञेंहतु थल्जी मतलब इस्राएल देशो मीहतिंङ रंदे। दोई शांति ऊ पाहठी रूठे खबर सुनाएती अंऊ मीहतिंङ यीशु मसीहू टोहकठे बिशवास लहज़िमी दोरच़ी खोकसी तरपोतो। दि मीह यीशु सिर्फ इस्राएली मीहतु प्रभु माह शुह पर दुह भत्ते मीहतु प्रभु शुह।

प्रेरित 2:36

दिऊ थल्जी इस्राएल देशो भत्ते मीहतिंङ दि ञेंई च़रतुंई कि परमेश्वरे दिह ए यीशु बि अतिंङ केहच़ी क्रूसो टोईच़ी चढ़ाएकातेंई, “प्रभु ला ठहराएति दंङ मसीह ला ठहराएति।”

रोमियो 14:11

छना कुचे पवित्रशास्त्र रिंङ च़ेहसी तोह, “प्रभु ज़ि कुट्रा, गेह घेंङौ जीवनो कसम ज़ोवातग कि हर इच्च़ा मीह गिऊ तुईज़ी पुष्टू भारे बंङज़ोर दंङ हर इच्च़ा मीह परमेश्वरा बि स्वीकार लोहर।”

रोमियो 14:9

छना कुचे मसीह दिऊ थल्जी सिए इलि दंङ यह्च़ा श्रींङे लाह इलि कि दू सि ए श्रींङे झुल्लो प्रभु शोतो।

रोमियो 15:9

दंङ ऊई जाति ला परमेश्वरो दया ओ वहज़ा ज़ि परमेश्वरो स्तुति लंहि, छना पवित्रशास्त्र रिंङ च़ेहसी तोह, “झांह लेह गेह ऊईजाति तु तुईज़ी, कांह स्तुति लोहग, दंङ कांह मिन्दु भजन कोहग।”

1 कुरिन्थियों 12:3

झांह लेह गेह जुंज़ातग कि केरे ञेंई च़रतुंई, कि अंऊ ला परमेश्वरो आत्माओ अगुवाईरंङ साते कुट्रा, दोई म कुट्रा कि यीशु शापित तोह; दंङ माह अरिया पवित्र आत्मा बे कुट्री तरपोतो कि, “यीशु ए प्रभु शुह।”

1 कुरिन्थियों 15:47

मुण्डो मीह अंऊ आदम तोहई धरतीऊ दोरच़ी मतलब श्रोह रें बणाषी तोहई मसीह अंऊ कि दूसरा मीह शुह, स्वर्गंङ ज़ि अंज़े शुह।

1 पतरस 1:21

यीशु मसीह ज़ि अंऊ हेंदु थल्जी लाहते दोऊ वहज़ा केरे हेंतेग परमेश्वरो टोईच़ी विशवास लहज़ा तंई। दू, दू ए शुह अच़ि यीशु मसीह बि दोऊ सिमी थल यहच़ा‍‍ श्रींङमी लहरी दंङ दोबि महिमा रें। झांह लेह केहच़ी विशवास लहज़ातंई दंङ परमेश्वरो टोईच़ी केहतु विशवास हेंतेग पक्‍का तोह।

1 यूहन्ना 4:15

अच़िला दिह मनेकी केट्रा, कि यीशु परमेश्वरो योह शुह, परमेश्वर दोरंङ बड़ेकी बंङज़ा, दंङ दुह परमेश्वरारंङ बड़ेकी बंङज़ा।

1 यूहन्ना 4:2

परमेश्वरो आत्मा केहच़ी दि रीतिरंङ साते सेहषी तरपोंई, अंऊ ला मीह दि मनेके केट्रा, कि यीशु मसीह मीहू रूपारिंङ अति दुह परमेश्वरो दोरच़ी शुह।

2 यूहन्ना 1:7

गेह दिह दिऊ थल्जी कुट्रतग छना कुचे महसे मीहरे अंऊ हप्सी शिक्षा रंड्रा ऊईतिंङ धोखा रंड्रातोर दोरे संसारारिंङ अच़ा अन्दोर। दोच़ी कुट्रातोर कि यीशु मसीह इच्च़ा मीहू रूपारिंङ दिह संसाररिंङ अंज़े मशत। अगर अरिया मीह झांह कुट्रा कि, दुह मीह मसीहू विरोधी शुह अंऊ हमेशा मीहतिंङ धोखा रंड्रा।

प्रकाशित वाक्य 3:5

अंऊ मीहरे द्रक्शे यवातोर, दोरे ला दितु ठ्रोह छंङसी खमज़ेर लेह्पोतो। गेह दुह मीहू मिन दुह कताबो दोरच़ी माह ट्रिकपोग अंऊ दोर दुह मीहतु मिन च़ेहसी तोह अतु दोर अनंत जीवन तोह। अपेहल ला गेह घेंङौ बाह ए स्वर्गदूता तु तुईज़ी खड़े शोहग अंऊ दोऊ सेवा लहज़ातोर, दंङ गेह घोषणा लोहग कि गेह दि मीहबी ञेंहगा।