फिलिपियों 2:1 - लाहौली बाइबिल

¹ अगर केरे मीहतिंङ मसीह रंङ साते थोड़े अरे याहब, दंङ मसीहू दाह रिंङ तसल्ली, दंङ पवित्र आत्मारिंङ संगति, दंङ रे करूणा ए दाह तोह।

फिलिपियों 2:1 Cross References

लूको 2:25

दुह टेमारिंङ यरूशलेम शहरारिंङ शमौन मिन्दु इच्च़ा मीह तोहई, दंङ दुह मीह धर्मी ए भक्त तोहई; दंङ दुह बेसब्र सुचे मसीहू अपिमी थल्जी रुमज़ा तोहई कि दुह अपतो दंङ इस्राएलो मीहतिंङ शांति रमतो, दंङ पवित्र आत्मा दोरंङ साते तोहई।

यहून्नो 14:18

गेह केतिंङ यमे बमे माह केयोग; गेह केहतु कछंङ वापिस अपोग।

यहून्नो 14:27

गेह केतिंङ शांति रंड्रातग मतलब दुह शांति अंऊ गेह तातग; दिह दुह शांति माह शुह अंऊ संसारे रें तरपोतो, केहरे परेशान था शुई दंङ बेंईन था।

यहून्नो 17:13

पर धह गेह कांह कछंङ अपतग, दंङ दिह गप्पार गेह संसारा रिंङ बंङज़ा कुट्रातग, कि दोतिंङ गिऊ खुशी पुरा खोकसी।

प्रेरित 2:46

दंङ दोरे हर इच्च़ा ध्याड़ारिंङ इच्च़ा सेहम शुहचे यहुदी मंदिरो लवाड़ी ठ्रोहका शवातेर, दंङ दोरे इदिऊ-अईदिऊ चुंङ इलज़ा प्रभु भोज लहज़ातेर, दंङ खुशी ए सेहमो सिधाई रंङ साते बगत ज़ोआतेर।

प्रेरित 4:32

दंङ बिशवास लहज़ातु मंडली इच्च़ा सेहम ए इच्च़ा प्राण तोहई, देहर तचेक कि अच़िला एनोह टंगा ढबाह एनोह माह कुट्रातेर, छना कुचे अंऊ दोतु कछंङ तोहई दुह भत्ते तंङ साते फज़ातेर।

रोमियो 5:5

दंङ उम्मीदारंङ शार्मिन्दगी माह शुहबी, छना कुचे पवित्र आत्मा अंऊ हेंदिंङ परमेश्वरे रांहषी ततो दोऊ दोरच़ी परमेश्वरे एनोह दाह रंङ साते हेंदु सेहम पिंङे केहतो।

रोमियो 8:26

दि रीतिरंङ साते पवित्र आत्मा ला हेंदु मदत लहज़ा अपेहल परमेश्वरा रिंङ हेंदु विशवास कम शवाह, छना कुचे ञेंहच़ी ञेंहच़ातंई, कि प्रार्थना छना ठ्रोह लेह जूंस; पर पवित्र आत्मा एनेह ए झांह ठ्रोह उशकारा रें, रें अंऊ समझ बे धकते तोह, हेंदु थल्जी बिनती लहज़ा।

1 कुरिन्थियों 12:13

छना कुचे हेंज़ी भत्ते ज़ि चाहे दू यहुदी शुह, चाहे ऊई जाति, या चाहे परगर शुह, चाहे आज़ाद, इच्च़ा ए आत्माओ दोरच़ी इच्च़ा फुक शुहबिमी थल्जी बपतिस्मा लेहपच़ातंई, दंङ हेंज़ी भत्ते ज़ि दू ए आत्मा खोकसी तातंई छना ठ्रोह हेंज़ी भत्ते ज़ि इच्च़ा कोलीऊ दोरच़ी तुंङमातंई।

1 कुरिन्थियों 15:31

हे गिऊ प्यारे साथी विशवासी रे, गेह रोज मोतो सामना लहज़ातग गेह छि कुट्रातग दि हेले रिंङ सच्चाई शुह छना कि दि ला सच्चाई शुह कि गेह हेले रिंङ खुश तोतोग छना कुचे केरे ञेंह्तु प्रभु यीशु मसीहू टोईच़ी विशवास लहज़ातंई।

1 कुरिन्थियों 3:16

केतिंङ पक्‍का पता तोह, कि केरे परमेश्वरो मन्दिर शुई, दंङ परमेश्वरो रांहषी आत्मा केहतु अंदरेग बास लहज़ा।

2 कुरिन्थियों 13:14

गेह प्रार्थना लहज़ातग कि प्रभु यीशु मसीहू मोह्ड़े दाह ए परमेश्वरो दाह ए पवित्र आत्माओ सहभगिता केतंङ भत्ते तंङ साते शुहवा लोहतो। अमीन।

2 कुरिन्थियों 2:14

दंङ परमेश्वरो धन्यवाद शोतो, अंऊ मसीह रंङ साते हेंदु संबधो वहज़ा ज़ि, हेंदिंङ हमेशा ऐनाहरंङ साते चलाच़ा। दिऊ मतलब दि तोह कि हेनर अंऊर ला य्वातंई, हेनर रूठे खबर सुनाच़ातंई ताकि भत्ते मीहरे परमेश्वरो बि ञेंओर ए रेड्रोर।

गलातियों 4:6

छना कुचे हेनर परमेश्वरो कटुरे शुई दिऊ थल्जी परमेश्वरे एनोह योह ऊ आत्माबि हेंदु सेहमरिंङ च़रति, अंऊ परमेश्वरा बि “हे अब्बा, ‘हे बाह’ कुचे ते हाऊष रंड्रातंई।”

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

इफिसियों 4:4

हेनर भत्तेर विशवासी दंङ इच्च़ा ए फुको अंङों ठ्रोह तोतोंई, दंङ हेंदिंङ भत्ते दि इच्च़ा ए पवित्र आत्मा खोकसा तोह। झांह ठ्रोह केतिंङ इच्च़ा उम्मीद रांहषी तोहई, अपेहल केरे परमेश्वरो मीह शुहबिमी थल्जी बुलासी तोतोंई।

फिलिपियों 1:8

दिरिंङ परमेश्वर गिऊ गवाह तोह कि गेह यीशु मसीहू ठ्रोह दाह लहच़ी ते केतंङ भत्तेतंङ साते दोईमी लालच लहज़ातग।

फिलिपियों 3:3

छना कुचे परमेश्वरो सच्चा मीह ता हेनर शुई, अंऊ परमेश्वरो अराधना दोऊ आत्माओ दोरच़ी लहज़ातोर दंङ एनोह जीवनारिंङ मसीह यीशु एकता रिंङ खुश शवाहतोर दंङ एनोह कोशिशो टोहकठे भरोसा माह लहज़ातोर।

कुलुस्सियों 2:2

गेह मेहनत दिऊ थल्जी लहतेग ताकि दोतु विशवास बणेक्पोतो दंङ दोरे दाह रंङ साते ऐनातु बिचंङ बणेंके बंङज़ोर, गेह जुंज़ातग कि दोतिंङ पूरा भरोसा शुहबी जूंस छना कुचे दोतिंङ परमेश्वरो गुप्त योजना ओ पूरा समझ तोह अंऊ ऐनाह ए मसीह तोह।

कुलुस्सियों 3:12

झांह लेह अपेहल केरे परमेश्वरे केतिंङ एनोह पवित्र मीह शुहबिमी थल्जी अंङे चरच़तो, दंङ दोई केतंङ साते दाह लहज़ा, केरे मोह्ड़े दाह ए, दंङ भलाई, दंङ दीनता, नम्रता, दंङ सहनशीलता धारण लंहि।

इब्रानियों 6:18

दंङ देर यह्च़ा झुह्ट गप्पो ज़िकर तोह, इच्च़ा दोऊ वाईदा, दंङ अई दोऊ कसम, अंऊ अपेहल ला लेहक्सतो माह दंङ अतु पाहठी परमेश्वर अपेहल ला हप्सी कुट्री मरपोतो। झांह लेह अंऊ हेनर परमेश्वरो कछंङ सुरक्षा खोकसिमी थल्जी अंज़े शुहई दंङ अंऊ उम्मीद दोई हेंदिंङ रांहषी ततो, दोबि चुमज़ा बंङज़ा तोंहि, दंङ हेनर महस खुश तोतोंई।

1 पतरस 1:2

बाह परमेश्वरे महसे तुहई केतिंङ एनोह मीहरे शुहबी थल्जी ए पवित्र आत्मा कमो दोरच़ी केतिंङ पवित्र शुहबिमी थल्जी अंङे चरच़तो। दोई दि दिऊ थल्जी लहरी ताकि केरे यीशु मसीहू हुकुमो भाषे लोहनि दंङ दोऊ शुहई दोरच़ी शुद्ध शुहचे तरपोंई। गेह प्रार्थना लहज़ातग कि परमेश्वर केतिंङ मोह्ड़े दाह ए भरपूर शांति रमतो।

1 यूहन्ना 3:24

दंङ अंऊ परमेश्वरो हुकुम मनेक्च़ा, दुह दोरंङ, दंङ परमेश्वर दोरंङ बड़ेकी बंङज़ा: मतलब दुह पवित्र आत्मा रंङ साते अंऊ दोई हेंदिंङ रांहषी ततो, ञेंहच़ी ञेंच़ातंई कि दुह हेन्दंङ साते बड़ेकी बंङज़ा।

1 यूहन्ना 4:12

परमेश्वराबि अपेहल ला अच़िला माह तंङरि; अगर हेनर हेंदु बिचंङ दाह तोहनि, ता परमेश्वर हेन्दंङ साते बणेंके बंङज़ा; दंङ दोऊ दाह हेन्दंङ सिद्ध शुहचे यवाह।

1 यूहन्ना 4:16

ञेंहच़ी रूठे रंङ ञेंहच़ातंई दंङ ञेंहच़ी विशवास ला लहज़ातंई कि परमेश्वर हेन्दंङ साते दाह लहज़ा। परमेश्वर दाह शुह; अंऊ दाह रिंङ बड़ेकी बंङज़ा दुह परमेश्वरारंङ बड़ेकी बंङज़ा दंङ परमेश्वर दोरंङ साते बणेंके बंङज़ा।