फिलिपियों 1:8 - लाहौली बाइबिल

⁸ दिरिंङ परमेश्वर गिऊ गवाह तोह कि गेह यीशु मसीहू ठ्रोह दाह लहच़ी ते केतंङ भत्तेतंङ साते दोईमी लालच लहज़ातग।

फिलिपियों 1:8 Cross References

लूको 1:78

दीह ञेंहतु परमेश्वरो मोह्ड़े दाह रंङ साते शोतो; छना ऐके ञेंतिंङ छंङी रंड्रीमी थल्जी छंङी शवाह ध्वांए मसीह ला ञेंहतु कछंङ अपतो।

रोमियो 1:9

परमेश्वर अतु सेवा गेह घेंङौ सेहमे दोऊ योह ओ पाहठी रूठे खबर मीहतिंङ सुनाके लहज़ातग, दुह ए गिऊ गवाह शोतो, कि गेह केतिंङ लगातार घेंङौ प्रार्थना रिंङ हिद लोहवा लहज़ातग,

रोमियो 9:1

हेंतेग अगर छिल्ला हेंदिंङ परमेश्वरो दाह ओ दोरच़ी शत्‌ह लेह मरपोतो, गिऊ यहुदी मीहरे, परमेश्वरो दोरच़ी शत्‌ह छारिंङ तोतोर? गिह्बी दोतु थल्जी महस दुख तो, दंङ हमेशा गिऊ सेहमरिंङ दोतु थल्जी दुख महसूस शवाह। हेलेरिंङ, हेंदु ए मीहतु उद्धार लहज़िमी थल्जी, गेह घेंङौ टोहकठे दोष लगाच़िमी ए मसीहू दोरच़ी शत्‌ह शुबिमी थल्जी तेयार तोतोग, गेह दोऊ थल्जी तेयार तोतोग। गेह मसीह बि गवाह मानेकि हेले कुट्रातग पवित्र आत्मा ए गिऊ दिमाग ला गवाही रंड्रा कि दि हप्सी माह शुह।

2 कुरिन्थियों 13:9

अपेहल हेनर कमज़ोर तोतोंई, दंङ केरे विशवासरिंङ पक्‍का तोतोंई, दंङ ञेंरे खुश शवातंई, दंङ दि प्रार्थना ला लहज़ातंई, कि केरे विशवासरिंङ सिद्ध शुहचे योंई।

2 कुरिन्थियों 6:12

केहतु थल्जी ञेंहतु दाह अपेहला कम शुहचे माह तोहई, पर केहतु दाह ञेंहतु थल्जी कम शुहचे इलजी तोह।

2 कुरिन्थियों 7:15

तीतुसे अपेहल दि हिद लहज़ा कि छना केहच़ी दोऊ हुकुमो भाषे लहज़ातंई, अपेहल केहच़ी बेह्द चेहके ए मोह्ड़े आदरा रंङ साते दोऊ स्वागत लाहतंई, दंङ दू केतंङ साते ऊई ला महसे दाह लहज़ा।

गलातियों 1:20

दि गप्पो थल्जी परमेश्वर गिऊ गवाह तोह कि गेह छिल्ला धिर अंऊ केतिंङ चेहच़ातग, दोरिंङ छल्ले हप्सी माह।

गलातियों 3:26

अपेहल केहच़ी मसीहू मिंदिंङ बपतिस्मा लेहपच़ातेंई, दंङ केहच़ी मसीहू खरकोई जीवन लेहकी चरच़ातंई। झांह लेह, अपेहल केहच़ी यीशु मसीहू टोईच़ी विशवास लाहतंई, दोहपल केरे भत्तेर परमेश्वरो कटुरे बणेंके इलोंई।

गलातियों 4:19

हे गिऊ प्यारे कटुरे, छना ठ्रोह इच्च़ा मेच़िमी लिहक्पिमी मुक्का टेहषी सहन लहज़ा, ध्वांए ठ्रोह गेह यह्च़ा अई इच्च़ा फेरा केहतु थल्जी टेहषी सहन लहज़ी लेहकी तोतोग। गेह दि टेहषीरिंङ दू मुक्का तचेक बंङज़ोग अपेहल तचेक केरे मसीह रिंङ पक्‍का शुहचे माह य्वातंई।

फिलिपियों 2:1

अगर केरे मीहतिंङ मसीह रंङ साते थोड़े अरे याहब, दंङ मसीहू दाह रिंङ तसल्ली, दंङ पवित्र आत्मारिंङ संगति, दंङ रे करूणा ए दाह तोह।

फिलिपियों 2:26

दोऊ सेहम केहतु भत्ते तु बिचंङ लेहकी तोहई, दंङ दुह बैचेन बंङज़ा ते छना कुचे केहच़ी दोऊ टेहषीऊ हाल रेहशी तरैंई।

फिलिपियों 4:1

हे गिऊ प्यारे साथी विशवासी रे, गेह केतंङ साते महस दाह लहज़ातग दंङ गेह केतंङ साते दोईमी इंतज़ार लेह लेहकी तोतोग। अंऊ गिऊ खुशी ए गिऊ ईनाम तोह, गिऊ प्यारे न्वारे, प्रभुरिंङ दि ध्यांए ठ्रोह खड़े बंङज़ुंई।

कुलुस्सियों 2:1

गेह जुंज़ातोग कि केहच़ी ञेंहई च़रतुंई, कि केहतु ए दोतु अंऊ लौदीकिया नगरंङ तोतोर, दंङ दुह भत्ते तु थल्जी अतंङ साते गेह दोईगा माह, छना मेहनत लहज़ातग।

कुलुस्सियों 3:12

झांह लेह अपेहल केरे परमेश्वरे केतिंङ एनोह पवित्र मीह शुहबिमी थल्जी अंङे चरच़तो, दंङ दोई केतंङ साते दाह लहज़ा, केरे मोह्ड़े दाह ए, दंङ भलाई, दंङ दीनता, नम्रता, दंङ सहनशीलता धारण लंहि।

1 थिस्सलुनीकियों 2:5

केहच़ी ञेंच़ातंई, कि हेनर माह ता अपेहल लाह चापलूस गप्पारे लहज़ातंई, दंङ माह ए ञेंहच़ी केहतु दोरच़ी ढबाह खोकच़िमी थल्जी झांह ठ्रोह लहज़ातंई दि गप्पो परमेश्वरो गवाह तोह।

1 थिस्सलुनीकियों 2:8

ञेंरे केतंङ साते धोंण दाह लहज़ातंई कि सिर्फ परमेश्वरो रूठे खबर सुनाएच़िमी थल्जी ए मशत पर केहतु थल्जी हेंदु जाहन ला रंड्रीमी थल्जी तेयार तोईनी, झांह लेह कि ञेंरे केतंङ साते महस दाह लहज़ातंई।

2 तीमुथियुस 1:4

गिह्बी हिद तोह कि कांह अंयों क्रपच़ातेन अपेहल गेह कनिंङ छोड़ेके इबि तरेग, दुह हिद लहज़ी गिह्बी करंङ साते दोईमी सेहम लहज़ा, कि गेह खुशी रंङ साते बिंङे योग।

फिलेमोंन 1:12

हालांकि गेह उनेसिमुस रंङ साते महस दाह लहज़ातग, तांला गेह दोबि कनु कछंङ वापिस चरच़ातग।

फिलेमोंन 1:20

हे प्यारे मित्रा, दि खुशी गिह्बी मसीह रिंङ कनु दोरच़ी खोकसिरी, इच्च़ा साथी विशवासी ओ रूपारिंङ झांह लेह गिह्बी खुश लोहू।

1 यूहन्ना 3:17

पर अतु लाह दोर्तिंङ संसारो टंगा ढबाह तोह दंङ दोई एनोह विशवासी न्वाऊ ज़रुरतो मुक्का दोबि रें दोऊ टोईच़ी तरस लेह माह जुंज़ा, दंङ दोऊ अन्द्रेग परमेश्वरो दाह छना बणेंके बंङज़तो?