फिलिपियों 1:23 - लाहौली बाइबिल

²³ छना कुचे गेह झुल्लाकुतिङ बिचा उलझेकि तोतोग, हिटी ता अपत कि गेह सिए योग दंङ मसीहू कछंङ अच़ा योग, दि महसे रूठे तोह।

फिलिपियों 1:23 Cross References

लूको 12:50

गिह्बी ता युरनाह ए खरे टेहषी सहन लहच़िमी तातग; दंङ अपेहल तचेक गेह दुह टेहषी माह लहज़ातग धोंण तचेक गेह बेचेन तोतोग!

लूको 23:43

यीशु ज़ि दोबि कुहतो, “गेह करंङ हेले कुट्रातग कि तोग ए कांह गेरंङ साते स्वर्गंङ शॉन।”

लूको 8:38

दंङ दुह मीह अतु अंद्रेग मांजी आत्मा तोहई, दोहरंङ साते बिनती लहज़ी लेहती, गिह्बी लाह केनारंङ साते अपि राऊँ, पर यीशु ज़ि दोबि चरच़ाते कुतोह।

यहून्नो 12:26

अगर अच़िया गिऊ सेवा लोहतो, ता दोरे गिऊ चेलार बणेक्तुंई; दंङ अंऊर गेह बंङज़ोग दोर्तिंङ गिऊ सेवा लहज़ा ला शोतो; अगर अच़िया गिऊ सेवा लोहतो, ता पिता परमेश्वरे दोऊ आदर लोहतो।

यहून्नो 13:1

फसह त्यार बे तुहई, अपेहल यीशु ज़ि ञेंह केहरी, कि गिऊ टेम पिचे अंजा कि दि संसार केट्रा पिता परमेश्वरो कछंङ वापिस अच़ा योग, दंङ एनोह चेला तंङ साते अंऊ संसारारंङ तोईरे, छना ठ्रोह दाह दोई तहच़ते, हमेशा ध्वांए ठ्रोह दाह लहज़ाते,

यहून्नो 14:3

दंङ अगर गेह इलजे केहतु थल्जी ठहरि तेयार लोहग, दंङ यच़ाह अंज़े केतिंङ घेंङा रंङ साते रेंज़ा शोहग कि अंऊर गेह बंङज़ोग दोर्तिंङ केहरे ला बंङज़ुंई।

यहून्नो 17:24

हे पिता परमेश्वर, गेह जुंज़ातग कि अरी केई गिह्बी रांहषी तातन, अंऊर गेह तोतोग दोर्तिंङ दोरेला गेरंङ साते शुबी जूंस, कि दोरे गिऊ दुह महिमा खमोर अंऊ केई गिह्बी रांहषी तातन, छना कुचे केई संसारो शुरुवातो तुईबे गेरंङ साते दाह लहरिन।

प्रेरित 7:59

दोरे स्तिफनुस ओ टोईच़ी रघ द्रले केट्री लेहकी तोईरे, दंङ दुह दिह कुट्रा ते प्रार्थना लहज़ी लेहकी तोहई, “हे प्रभु यीशु, गिऊ आत्माबि ग्रहण लोह।”

2 कुरिन्थियों 5:8

हेंदिंङ ता परमेश्वरो टोहकठे विशवास तोह, हेंदिंङ सिमी थल प्रभु कछंङ बसेपी महस पसन्द तोह।

2 कुरिन्थियों 6:12

केहतु थल्जी ञेंहतु दाह अपेहला कम शुहचे माह तोहई, पर केहतु दाह ञेंहतु थल्जी कम शुहचे इलजी तोह।

फिलिपियों 1:24

पर गिऊ श्रींङी बंङज़ी ऊई ला ज़रूरी तोह, छना कुचे केतिंङ गिऊ मदतो ज़रूरत तोह।

1 थिस्सलुनीकियों 2:1

हे गिऊ प्यारे साथी विशवासी रे, केहच़ी केनाच़ि ए ञेंच़ातंई कि ञेंहतु केहतु कछंङ अपि फायदा ओ कम शुई।

1 थिस्सलुनीकियों 2:13

झांह लेह ञेंरे ला रोज परमेश्वरो धन्यवाद लहज़ातंई, कि अपेहल केहच़ी दुह रूठे खबर थाशातंई अंऊ ञेंहच़ी केहतु बिचंङ प्रचार लाहतंई, दंङ केहच़ी दुह मीहतु मशत पर परमेश्वरो वचन समझेगी (दंङ अंऊ हेले परमेश्वरो दोरच़ी तोह) ग्रहण लहरिन; दंङ हेंतेग परमेश्वरो दि खबर केहतु अंद्रेग कम लहज़ी लेहकी तोह अंऊ मसीहू टोहकठे विशवास लहज़ातंई।

1 थिस्सलुनीकियों 4:17

दोऊ थल अंऊ श्रींङे ए बचेकी तोतोर, दोतंङ साते डुह रिंङ अच़ा योंई कि स्वर्गारिंङ प्रभु यीशुरंङ साते दोओनि, दंङ दुह मुक्का बे हेनर हमेशा प्रभु रंङ साते बंङज़ोंई।

2 तीमुथियुस 4:6

गेह कनिंङ दि हुकुम रंड्रातग, छना कुचे परमेश्वरो थल्जी गिऊ सेवा ए ज़िंदगी योहसी लेहकी तोह, छना कुचे गेह ञेंच़ातग गेह युरनाह सिमी तोतोग।

प्रकाशित वाक्य 14:13

दोऊ थल गेह यह्च़ा स्वर्गो दोरच़ी अतिंङ कुट्री रेड्रीगा दंङ दोई गिऊ हखा कुई: “दि गप्पारे देर्तिंङ च़ेऊ। हेंतेग बे, दुह मीहरे धन्य तोतोर अंऊ परमेश्वरो टोईच़ी विशवास लहज़ा सिए इलिर।” दोहपल पवित्र आत्मा दिऊ थल्जी सहमत शुहचे इलि, दोई कुई, “दि हेले तोह दोरे धन्य शुरे छना कुचे दोरे एनोह खरे मेहनतो दोरच़ी आराम खोकपोरे दंङ अंऊ कम दोच़ी लहज़ातोर दोऊ थल्जी दोतिंङ ईनाम खोकसोतो।”