फिलिपियों 1:20 - लाहौली बाइबिल

²⁰ गिऊ सेहमो हिटी ए उम्मीद दि तोह, कि गेह अंऊ लाह गप्पा रिंङ शर्मिन्दा माह शुगाह, पर गिह्बी मसीहू पाहठी कुट्री हिम्मत शवाह छना कि गेह बितेगी टेमारिंङ कुहतेग। चाहे गेह श्रींङी बंङज़ोग या सिए योग, गेह घेंङौ भत्ते ज़िंदगी ऊ दोरच़ी मसीह बि आदर रम्मा लोहग।

फिलिपियों 1:20 Cross References

यहून्नो 21:19

यीशु ज़ि दिह, कंड्रिमी थल्जी कुंई कि पतरस छना सीओतो दंङ परमेश्वरो महिमा लोहतो; दंङ दिह कुट्रा थल, दोऊ हखा कुहतो, “गिऊ चेला शुहचे तोह।”

प्रेरित 20:24

पर गिह्बी दि गप्पो छल्ले फर्क माह पढेक्पा, कि मीहच़ी गिह्बी घाह केट्रातोर, अगर गेह तुहई बेहच़ी दुह कम पूरा लोहग अंऊ प्रभु यीशु ज़ि गिह्बी लहज़िमी थल्जी कुहषी ततो। दोई गिह्बी मीहतिंङ रूठे खबर सुनाएच़िमी थल्जी अंङषी ततो। परमेश्वरे हेंदु थल्जी दुह कम लहज़ा हेंदिंङ बचाएच़ा अंऊ दोऊ हेनर जोगे माह तोईनि।

प्रेरित 21:13

पर पोलुसे जुबाब रेंई, केहच़ी छि लहज़ातंई, कि क्रप्चे-क्रप्चे गिऊ सेहम दुखी लहज़ातंई? गेह ता प्रभु यीशु मिन्दु थल्जी यरूशलेमंङ माह सिर्फ छुहसिमी थल्जी, पर सिमी ला तेयार तोतोग।

प्रेरित 4:31

अपेहल दोच़ी प्रार्थना लेह केहरिर, ता दुह ठहरि अंऊर दोरे ठ्रोहका तोईरे त्रुल्ज़ा इलि, दंङ दोरे भत्तेर पवित्र आत्मा रंङ साते पिंङे इलिर, दंङ परमेश्वरो बचन याहब रंङ साते सुनाएची लेहतिर।

रोमियो 12:1

झांह लेह हे गिऊ प्यारे साथी विशवासी रे, गेह केतंङ साते परमेश्वरो दया हिद रंड्रा बिनती लहज़ातग कि केनोह जीवन बि श्रींङे, पवित्र, परमेश्वराबि रूठे च़ेहसा बलिदान ठ्रोह चढ़ाएतु। दिए परमेश्वरो सेवा लहज़िमी सही तरीका तोह।

रोमियो 5:5

दंङ उम्मीदारंङ शार्मिन्दगी माह शुहबी, छना कुचे पवित्र आत्मा अंऊ हेंदिंङ परमेश्वरे रांहषी ततो दोऊ दोरच़ी परमेश्वरे एनोह दाह रंङ साते हेंदु सेहम पिंङे केहतो।

रोमियो 6:13

दंङ माह ए फुको अंङा रे मदम हिटी थल्जी इस्तेमाल लंहि, पर केनातिंङ सिऊ दोरच़ी श्रींङे ञेंए केनातु जीवन परमेश्वराबि रें च़रतुंई, दंङ केनातु फुको अंङर सही कम लहज़िमी थल्जी परमेश्वरो हवाले लेह च़रतुंई।

रोमियो 6:19

गेह इच्च़ा साधारण उदाहरण रंड्रा केतिंङ कंड्रातग। कि केहच़ी मीहच़ी छना ठ्रोह तुहई केनातु फुक अधर्मो अधीन लेह चरच़ातेंई, दंङ दू झखंजी शुहचे इलज़ा, ध्वांए हेंतेग केरे केनातु फुक धर्मिकता ओ अधीन लेह च़रतेंई, दंङ दू पवित्र शुहचे योतो।

रोमियो 8:19

छना कुचे भत्ते संसार मोह्ड़े उम्मीदा रंङ साते दू टेमाबि रूमज़ा तोह, अपेहल परमेश्वरे एनोह कटुरे प्रगट लोहतो।

रोमियो 9:33

छना पवित्र शास्त्र रिंङ च़ेहसी तोह, “खंई, गेह यरूशलेम शहर रिंङ ठोकर रंड्रा ठ्रोह रह्घ, दंङ मीहतिंङ दह्पी लहज़ा अंऊर ठोकर ज़हरी चटान केट्रातोग, अंऊर अंऊ दोई टोईच़ी विशवास लहज़ा दुह माह षेपोदो।”

1 कुरिन्थियों 15:31

हे गिऊ प्यारे साथी विशवासी रे, गेह रोज मोतो सामना लहज़ातग गेह छि कुट्रातग दि हेले रिंङ सच्चाई शुह छना कि दि ला सच्चाई शुह कि गेह हेले रिंङ खुश तोतोग छना कुचे केरे ञेंह्तु प्रभु यीशु मसीहू टोईच़ी विशवास लहज़ातंई।

1 कुरिन्थियों 6:20

छना कुचे केरे ढबाह रेंई ते च़ुमसी शुई; झांह लेह केनातु फुको दोरच़ी परमेश्वरो महिमा लंहि।

1 कुरिन्थियों 7:34

ब्याह लहसी ए कुंवारा तु बिचंङ लाह फर्क तोह, कुंवारी मेच़िमी कटु परमेश्वरो सेवा लहज़िमी चिंद लहज़ी कि दू एनोह सेहम ए फुका बि प्रभु थल्जी शत्‌ह लहज़ा पर ब्याह लहसी मेच़िमी संसारो चीज़ा तु पाहठी चिंद लहज़ा कि छना घेंङौ गगसा बि खुश लोहग।

2 कुरिन्थियों 10:8

छना कुचे अगर गेह दू अधिकारो पाहठी ऊई ला महस घमण्ड लोहग, अंऊ प्रभु ज़ि केहतु विशवास नाश लहज़िमी थल्जी मशत पर केहतु विशवास बढ़ाएच़िमी थल्जी मदत लहज़िमी थल्जी हेंदिंङ रांहषी तोह, दंङ गेह षेहपोग माह।

2 कुरिन्थियों 3:12

झांह लेह दिए उम्मीदा रंङ साते हेनर याहब रंङ साते कुट्रातंई।

2 कुरिन्थियों 4:10

हेनर यीशु ठ्रोह भत्ते टेम लगातार सच़ी केट्रिमी खतरा रिंङ बंङज़ातंई, ताकि मीहरे यीशु जीवना बि दू चीज़ा रिंङ खमोर अंऊ हेंज़ी लहज़ातंई।

2 कुरिन्थियों 5:15

दंङ झांह लेह मसीह भत्ते तु थल्जी सिए इलि, कि अंऊ श्रींङे तोरे, दोरे तुंखा सिर्फ एनाबि खुश लहज़िमी थल्जी श्रींङमी माह जूंस पर दोतिंङ मसीहू थल्जी श्रींङमी जूंस। मसीह दोतु थल्जी सिए इलि दंङ बाह परमेश्वरे दोबि श्रींङमी लहरी।

2 कुरिन्थियों 7:14

छना कुचे अगर गेह दोऊ तुईज़ी केहतु पाहठी घमण्ड लहरिगा, दंङ दोऊ थल्जी गिह्बी षेह्पिमी माह पडे़क्ति। गेह केहतु हखा छिल्ला कुहतेग, दू भत्ते हेले तोहई। झांह लेह तीतुसो तुईज़ी गेह घमण्ड लहच़ी छि कुहतेग, दू हेले हुंच़िरी।

2 कुरिन्थियों 7:4

गेह केतंङ साते भत्ते भरोसा रंङ साते कुट्रातग दंङ गिह्बी केहतु टोईच़ी घमण्ड तोह, दिरिंङ गिह्बी महस तसल्ली खोकसा; दंङ घेंङौ भत्ते दुखारिंङ ला, गेह खुशी रंङ भरपूर बंङज़ातोग।

फिलिपियों 1:14

दंङ प्रभुरिंङ अंऊ विशवासी न्वारे तोतोर, दोतु बिचंङ महस गिऊ कैदरिंङ शुहबी वहज़ा ज़ि, खुशी रंङ साते परमेश्वरो वचन बेधड़क शुचे सुनाएच़िमी थल्जी ऊई ला याहब लहज़ातोर।

फिलिपियों 2:17

प्रभु रिंङ केहतु विशवास ए केहतु सेवा परमेश्वर बि चढ़ासी बलिदानो ठ्रोह तोह। अगर दोच़ी गेह सच़ी च़रपोर, तांला गेह खुश तोतोग दंङ केरे भत्ते तंङ साते खुशी मानाएक्च़ातग।

कुलुस्सियों 1:24

दंङ हेंतेग गेह केहतु थल्जी अंऊ दुख सहन लहज़ातग दोऊ वहज़ा ज़ि खुश तोतोग। दंङ गेह लगातार घेंङौ फुको दुख सहन लहज़ातग, छना मसीह सहन लाहते, दंङ दि दुख गेह मसीहू कलीसियाओ थल्जी सहन लहज़ातग अंऊ मसीहू फुक शुह।

1 थिस्सलुनीकियों 5:23

शांति ऊ परमेश्वर एनेह ए केतिंङ भत्ते रीतिरंङ साते पवित्र लोहतो; दंङ केहतु भत्ते आत्मा, प्राण फुक हेंदु प्रभु यीशु मसीहू यह्च़ा वापिस अंजा तचेक दोष मेह बणाके तंही।

1 पतरस 4:16

पर अगर मसीह शुहबिमी दोरच़ी दुख खोकपोंई, दंङ शर्मिन्दा था शुई, बल्कि, परमेश्वरो महिमा लंहि कि केरे दिऊ थल्जी दुख सहन लहज़ातंई छना कुचे केरे मसीहू शुई।

1 यूहन्ना 2:28

हे कटुरे, मसीह रंङ बणेंके बंङज़ुंई कि अपेहल दुह यह्च़ा प्रगट शुई ता हेन्दिंङ याहब शोतो, दंङ हेनर दोऊ अपिमी मुक्का दोऊ तुईज़ी शार्मिंदा शुहबी मेस।