फिलिपियों 1:19 - लाहौली बाइबिल

¹⁹ छना कुचे गेह ञेंच़ातग कि केहतु प्रार्थना ओ दोरच़ी, दंङ यीशु मसीह च़रसी, पवित्र आत्मो मदतो दोरच़ी, गिऊ कैदो दोरच़ी बचाके च़रपोतो

फिलिपियों 1:19 Cross References

प्रेरित 16:7

दंङ दोच़ी मुसिया प्रदेशो कछंङ पिचे, बितुनिया प्रदेशो हखा इबिमी जुन्ज़ातेर; पर यीशु आत्माज़ि दोतिंङ इबी मा रेंई

रोमियो 8:28

दंङ ञेंहच़ी ञेंहच़ातोंई, कि अंऊ मीहरे परमेश्वर रंङ साते दाह लहज़ातोर, दोतु थल्जी भत्ते गप्पा ठ्रोहका शुहचे भलाई बि पैदा लहज़ा; मतलब दोतु ए थल्जी अंऊ परमेश्वरो हिटी हिसाबे अंङषी तोतोर।

रोमियो 8:9

पर अपेहल पवित्र आत्मा केहतु अंदरेग वास लहज़ा, दंङ केरे पापमय स्वाभावो वशारिंङ माह तोहनि, पर आत्माओ वशारिंङ तोतोंई अगर अतिंङ पवित्र आत्मा माह दंङ दू मसीहू मीह माह शुह।

1 कुरिन्थियों 4:17

गेह तीमुथियुसा बि अंऊ यीशु रिंङ गिऊ प्यारे ए विशवासो जोगे योह तोह, केहतु कछंङ च़रतिगा, छना कि गेह हर ठहरि ए हर इच्च़ा कलीसियारिंङ शिक्षा रंड्रातग।

2 कुरिन्थियों 1:11

छना कुचे अपेहल केरे ञेंहतु थल्जी प्रार्थना लहज़ातंई दंङ केरे ञेंहतु मदत लहज़िमी थल्जी जुड़ेके य्वातंई। अंऊ आशीष महसे तु दोरच़ी ञेंहतिंङ खोकसिरी, दोऊ वहज़ा ज़ि महस मीहरे ञेंहतु तरफे धन्यवाद लंहि।

गलातियों 3:5

परमेश्वर महस रंङ साते केतिंङ पवित्र आत्मा रंड्रा। दंङ केतिंङ चमत्कार ला लहज़ा, छि दि दिऊ पाहठी तोह कि केहच़ी मूसा ओ कानूनो भाषे लहज़ातंई, या दि दिऊ पाहठी तोह कि केहच़ी मसीहू रूठे खबर थाशातेंई दंङ दोऊ टोहकठे विशवास लहज़ातंई।

गलातियों 4:6

छना कुचे हेनर परमेश्वरो कटुरे शुई दिऊ थल्जी परमेश्वरे एनोह योह ऊ आत्माबि हेंदु सेहमरिंङ च़रति, अंऊ परमेश्वरा बि “हे अब्बा, ‘हे बाह’ कुचे ते हाऊष रंड्रातंई।”

फिलिपियों 1:18

दंङ छि शुई? सिर्फ दिह, कि भत्ते पाहठी रंङ चाहे मांजी इरादारंङ साते चाहे सच्चाई रंङ साते, मसीहू पाहठी रूठे खबर सुनाएच़ा तोर, दंङ गेह दिरंङ खुश तोतोग, दंङ खुश बंङज़ोग लाह।

1 पतरस 1:11

मसीहू आत्मा भविष्यवक्ता तु अंदरेग तोह, अंऊ मसीहू दुख ए दू दुख थल खोकच़ा मोह्ड़े दाह ओ पाहठी दोतिंङ तुहई ए कंड्राते। भविष्यवक्ता ज़ि तुहई ए दि ञेंच़िमी कोशिश लहरिर, कि आत्मा दोतिंङ छि कंड्रा, दि भत्ते गप्पा अपेहल शोतो दंङ दि छना पूरे शोतो।