फिलिपियों 1:13 - लाहौली बाइबिल

¹³ देर तचेक कि महाराजा राजभवनो भत्ते सेना ए महलो भत्ते मीहतु बिचंङ दि प्रगट शुचे इलि कि गेह मसीहू सेवाओ थल्जी कैदरिंङ तोतोग।

फिलिपियों 1:13 Cross References

प्रेरित 26:29

पोलुसे कुई, “परमेश्वरो हखा गिऊ प्रार्थना दि तोह कि छि थोड़े रिंङ, छि महसे रिंङ, सिर्फ कांह ए मशत, पर अंयों मीहच़ी तोग गिऊ रेड्रातोर, गिऊ दि बन्धन केट्रा दोरे गिऊ ठ्रोह मसीह विशवासी बणेंके योर।”

प्रेरित 26:31

अपेहल दोरे धकते इबि लेहतिर, दोरे इदि-अई दिरंङ साते कुट्री लेहतिर, “दि मीह मौतो सज़ा या जेलंङ केट्रिमी जोगे छल्ले अपराध लहसी माह।”

प्रेरित 28:17

षुमु ध्याड़ो थल पोलुसे दोरकी यहुदी अगुवो तिंङ सभा ओ थल्जी बुलाती। दंङ अपेहल दोरे ठ्रोहका शुई ता दोतंङ साते कुई, “हे न्वारे, गेह घेंङौ मीहतु खिलाप छल्ले बुराई माहलग। दंङ माह ए बाह-मेमेतु रिति-रिवाज़ो खिलाप छा लहसी तातग, तांला यरूशलेम शहरंङ इच्च़ा कैदी बणेंके इलिगा, दंङ रोमी सरकारो गुहडिंङ रें च़रतिर।

प्रेरित 28:20

झांह लेह गेह केतिंङ बुलाएक्तेग, कि केतंङ साते दोहग; दंङ गप्पा लोहग; छना कुचे इस्राएलो उम्मीदो थल्जी अंऊ कि मसीहरिंङ तोह, गेह दि षंङणी रिंङ छुहसा तोतोग।”

प्रेरित 28:30

दंङ पोलुस झुह्ट साल तचेक एनोह किराया ओ चुंङ बंङज़िरी,

इफिसियों 3:1

झांह लेह, गेह पोलुस केहतु थल्जी प्रार्थना लहज़ातग। गेह जेलारिंङ तोतोग छना कुचे गेह केरे ऊईजाति मीहतिंङ रूठे खबर सुनाके यीशु मसीहू सेवा लहज़ातग।

इफिसियों 4:1

झांह लेह अंऊ गेह प्रभु यीशु सेवा लहज़िमी वहज़ा रिंङ जेलारिंङ तोतोग, केतंङ साते बिनती लहज़ातग, कि केरे दू बुलाहट रंङ साते अतंङ परमेश्वर एनोह कटुरे शुहबिमी थल्जी बुलाएक्तो, दोऊ हिसाबे केनातु जीवन श्रींङमातंई।

इफिसियों 6:20

दिऊ थल्जी गेह षंङणी रिंङ छ़ुह्च़ी राजदूतो ठ्रोह सेवा लहज़ातग। प्रार्थना लांहि कि, छना ठ्रोह गिह्बी कुट्री जूंस, ध्वांए गेह हिम्मत रंङ साते रूठे खबरो प्रचार लेह तरपोग।

फिलिपियों 1:30

दंङ केतिंङ ला ध्वांए दुख उठाएच़ी जूंशी तोह, छना केहच़ी गिह्बी दुख उठाएच़ी तंङसी शुई, अपेहल गेह केतंङ साते फिलिप्पी शहरंङ तोईग, दंङ अंऊ दुखो पाहठी केहच़ी रेड्रातंई अंऊ गिह्बी जेलंङ हेंतेग ला तोह।

फिलिपियों 1:7

चाहे गेह जेलारिंङ तोतोग या गेह दि साबित लहज़ातग कि रूठे खबर हेले शुह। ठीक तोह कि गेह केहतु थल्जी झांह ठ्रोह विचार लोहग, छना कुचे गेह केतंङ साते महस दाह लहज़ातग चाहे गेह जेलारिंङ तोतोग या गेह रूठे खबरो बचाब लहज़ी लेहकी तोतोग दि साबित लहज़िमी थल्जी कि रूठे खबर हेले शुह, झांह लेह केरे भत्तेर गेरंङ साते परमेश्वरो मोह्ड़े दाह रिंङ सहभागी शोंई।

फिलिपियों 4:22

भत्ते परमेश्वरो मीहरे, खास लेह अंऊ महाराजा (कैसरो) खानदानो विशवासी तोतोर, केतिंङ नमस्कार कुट्रातोर।

2 तीमुथियुस 2:9

दिए रूठे खबरो प्रचार लहज़िमी रंङ साते गेह कैदारिंङ इच्च़ा अपराधी ओ ठ्रोह दुख उठाएच़ातोग। तांला परमेश्वरो बचन प्रचार लहज़िमी रंङ साते अरिला रोकेकी मरपोतो।