फिलिपियों 1:11 - लाहौली बाइबिल

¹¹ छना इच्च़ा बुट फल पैदा लहज़ा ध्वांए केहच़ी धर्मिकताऊ कम लोहवा लंहि अंऊ प्रभु यीशु मसीहू दोरच़ी शवाह दोरंङ साते भरपूर शुचे इलेंई अतु दोरच़ी यीशु मसीहू महिमा ए षटणा शुहबी जूंस।

फिलिपियों 1:11 Cross References

मत्ती 5:16

ध्वांए केहतु छंङी मीहतु तुईज़ी च़मकेकी जूंस कि दोच़ी केहतु रूठे कम खांऐ केहतु बाहऊ, अरी स्वर्गंङ तोद, तारीफ लहसी जूंस।

यहून्नो 15:16

केहच़ी गेह अंङषी माह शुगाह, पर गेह केतिंङ अंङषातग दंङ केहरे ठेहराएक्तग कि केहरे इलजे फल हतांई; दंङ केहतु फल हमेशा ओ थल्जी शोतो, कि केहरे गिऊ चेलारे शुई, दिऊ थल्जी छिला धिर पिता परमेश्वरो दोरच़ी पेपोंन, दोई केतिंङ रमतो।

यहून्नो 15:2

हर इच्च़ा डाड़ी अरी गेरंङ साते जुडे़के तोह दंङ अच़ि फल माह रंड्रा, दोबि दोई ट्रिके चरच़ि, दंङ अंऊ डाड़ी फल रंड्रा दोई दुह अंङे चरच़ि।

यहून्नो 15:8

गिऊ पिता परमेश्वरो महिमा दिरंङ ए शवाह, कि केहरे महसे फल हतांई, दोथरे केहरे गिऊ चेलारे शोंई।

रोमियो 15:28

झांह लेह गेह तुहई यरूशलेम शहरो हखा यवातग ताकि दोतिंङ दि ठ्रोहका लहसी दान रें तरपोग, दोऊ थल, गेह यह्च़ा रोम देश अंज़े केतंङ साते दोआ स्पेन देशो हखा अच़ा योग।

रोमियो 6:22

दंङ एंतेग पापो दोरच़ी आज़ाद शुहचे परमेश्वरो दास शुहचे केरे दू कम लहज़ातंई अंऊ पवित्रता ओ हखा रैंज़ा शिलज़ा, दंङ दोऊ अंत अनंत जीवन तोह।

1 कुरिन्थियों 10:31

गिऊ कुट्रीमी दि मतलब तोह, केरे चाहे ज़ोवातंई या तुंङमातंई, चाहे छिल्ला धिर लहज़ातंई, भत्ते धिर परमेश्वरो महिमा ओ थल्जी लोहवा लंहि।

2 कुरिन्थियों 9:10

छना कुचे परमेश्वरे ए तोह अंऊ ज़िमदारा बि एच़िमी थल्जी बेईज़ा रंड्रा, दंङ दोतिंङ ज़ेइमी थल्जी बगत ला रंड्रा। दंङ झांह ए ठ्रोह परमेश्वरे दि पूरा लोहतो कि केहतु कछंङ हमेशा जूंशी धन शोतो ताकि केरे ऊई महस सेहमे ज़रूरत मंद मीहतु मदत लेह तरपोंई।

इफिसियों 1:12

हेनर, यहुदीओ मुण्डो मीह शुई अच़ि मसीहू टोहकठे उम्मीद ततो दंङ हेंदिंङ दिऊ थल्जी अंङे च़रति ताकि हेनर परमेश्वरो महानता ओ थल्जी दोऊ स्तुति लोहवा लंहि।

इफिसियों 1:14

परमेश्वर इच्च़ा बयाना ओ ठ्रोह तोह अंऊ हेंदिंङ भरोसा रंड्रा कि परमेश्वर हेंदिंङ दू विरासत रंड्रा अपि रंड्रीमी दोई वाईदा लहसी ततो दंङ दि ला कि दोई एनोह मीहरे शुहबिमी थल्जी च़ुमने चरच़तो। अंऊ दोरच़ी परमेश्वरो महिमा ए स्तुति शोतो।

इफिसियों 2:10

छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।

इफिसियों 5:9

छना कुचे अगर अरिया मीह छंङीरिंङ तोह ता, दंङ दोऊ चाल-चलन रूठे ए धर्मिक शुहबी दंङ दोऊ टोहकठे भरोसा लेह तरच़ी।

फिलिपियों 4:17

गेह दि दिऊ थल्जी माह कुट्रातग कि गेह ढबाह जुंज़ातग पर गेह जुंज़ातग कि दिबी दुह रूठे गिनती रिंङ शामिल लेह जूंशी तोह अंऊ केहच़ी तुहई ए लेह चरच़ातन दंङ अतु थल्जी परमेश्वरो केतिंङ ईनाम रमतो।

कुलुस्सियों 1:10

दंङ ञेंहच़ी दि प्रार्थना लहज़ातंई ताकि केहच़ी झांह ठ्रोह जीवन श्रींङमोंई छना प्रभु ज़ि जुंज़ा, दंङ केहच़ी भत्ते पाहठी रंङ साते प्रभु बि खुश लोंहई, कि केरे भत्ते पाहठी रूठे कम लोहवा लंहि, दंङ परमेश्वरा बि ञेंहच़िमी थल्जी लगातार बणेक्पा लंहि,

कुलुस्सियों 1:6

दि रूठे खबर भत्ते संसारारिंङ फेलेक्पि लेहकी तोह दंङ महसे मीहरे विशवासी बणेक्पी लेहकी तोतोर। दि हर इच्च़ा ज़िंदगी बदलेक्पि लेहकी तोह, ठीक ध्वांए छना कि केहच़ी मुण्डा फेरा रूठे खबर रेड्रातेंई, दंङ दिह सच्चाई समझेकी चरच़ातंई कि परमेश्वर दुह मीहतु पाप माफ लेह च़रच़ा अच़ि मसीहू टोहकठे विशवास लहज़ातोर।

2 थिस्सलुनीकियों 1:12

ञेंहच़ी दि प्रार्थना लहज़ातंई कि मीहरे केहतु वहज़ा ज़ि हेंदु प्रभु यीशु मसीहू मिन्दु महिमा लोहर दंङ केरे आदर खोकपोंई। छना कुचे केरे दोऊ शुई। दि भत्ते धिर हेंदु परमेश्वर ए प्रभु यीशु मसीहू मोह्ड़े दाह ओ दोरच़ी शोतो।

तीतुस 3:14

सिर्फ धोंण ए मशत, कनिंङ विशवासी तिंङ सिखासी जूंशी तोह कि रूठे कम लहज़िमी थल्जी लगातार मेहनत लोहवा लंहि ताकि दुह मीहतु ज़रूरत पूरा लहज़िमी थल्जी रूठे कम लहज़िमी दोतिंङ महस मेहनत लेह जुंशी तोह। झांह लेह विशवासी तिंङ इच्च़ा मकसद रंङ साते जीवन श्रींङमी मदत खोकसोतो।

इब्रानियों 12:11

अंऊ मुक्का रैहच़ा तोर, दू मुक्का दू रैहच़ी रूठे माह च़ेहसा, बल्कि दोई रें दुख शवाह पर थले, अपेहल हेनर दोऊ दोरच़ी सिखेक्च़ातंई दंङ दू मुक्का शांति खोकसा, छना कुचे हेनर रूठे रंङ श्रींङमी शुरू लहज़ातंई।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।

1 पतरस 4:14

दंङ अगर मसीहू मिन्दु थल्जी केहतु निन्दा शवाह, दंङ केरे धन्य शुई; छना कुचे परमेश्वरो महिमा ओ आत्मा केहतु अंदरेग बंङज़ा।