2 Tamuwen 9:6 - Ala Wone Peenok Peebi Mbanak

⁶ Wonok wogo mbareegwa, Yonatan aput Mepibotet nogo Ndawut owagam wage nagagerik, abu'me tebe yinuk, ayuk wuke kagak, at Ndawut nen, “Mepibotet wae.” Yoge mbareegi, at Mepibotet nen, “Ai, nogoba. Kayeloman an aret o,” yoreegerak.

2 Tamuwen 9:6 Cross References

Wakkagagerak 18:2

Nikka wage mbareegi, Abarakam uut pilarogon enegen pe'nage nagagerik, aap ineebe kenagan at owagam taati mi'ndak wonogwe iyareegerak. Iige nagagerik, awooliya tungga'nggi paga nen nggare agan inowagam iya nage nagagerik, inabu'me nggween paga enete wanduk wangge logonet keyage waganabeegerak.

Wakkagagerak 33:3

Eeppiige nagagerik, at Yakup nogo alik it inenaame aa'nduk ari nanuk, oweeluk Etawu owagam taati nen ne 7 paga ena nggween paga wu'nagak eeke logonet, keyage wareegerak.

2 Tamuwen 1:7

ena ambokan logurogon na'nari woraanuk, an aret neenok, Omok o, yo'nege mbaki, owagam nage nagarik, Nonggop o, nogoba?

2 Tamuwen 16:4

Yoge mbareegi, aap endagembogut nen Tiba yoge, “At Mepibotet unde wonagagerak nogo abok aret o yogondak yi paga kat aret unde eeppagagi o.” Yoge mbareegi, at Tiba nen ari logonet, “Ai, nogoba. An niniki tebenak kabu'me logokit o. Kat nowe kendagembogut aret me, noba aberak logonet, nabuwa nen obeelom eeppanege logomunggun o,” yinuk, yoreegerak.

2 Tamuwen 21:7

Yorage nagagerik, Tawun aput Yonatan nogo Ndawut imbirak Aliku ALA endage paga, “Yogop eeko logowok o,” yinuk, kumbuk mbanogo pereegwaarak me, aap endagembogut nen Yonatan aput Mepibotet abuwa nen wogoroolik.

2 Tamuwen 4:4

At Tawun aput Yonatan nogo apuluk endage Mepibotet ndarak kagak tahun 5 eereegerak me, “At Tawun Yonatan imbirak o Yiteren nogome inookaarak o,” yinuk, yogwe nogo kolaga at wulaga ndegengge menggerak nogo, konengge nagagerik, agabiti nen ne ti eyom paga aret mbaganit nage logonet, wulaga nogo yigeebu wuppereegerak me, endop imbirak maluk aret agagerak.

2 Tamuwen 9:5

Yoge mbareegi, aap endagembogut Ndawut nogo nen wonok woraawak nduk, awuri nappiyareegerak nogo nogogwaarik, aap Amiyen aput Makit nogo ame o Lorebat wonage me, wonok wogogwaarak.

1 Mbinineegwaarak 8:34

At Yonatan nen aput aap Meriba'an ndake, at Meriba'an nen aput aap Mika ndake, eereegwaarak.

1 Mbinineegwaarak 9:40

At Yonatan nen aput Meriba'an ndake, at Meriba'an nen Mika ndake,

1 Tamuwen 20:41

Yoreegerak wage kagak, Ndawut yugum lunik ambo'me o ame pa'nggwe nen wundi wage nagagerik, Yonatan owagam endobanggun yindumbunuk, ne kenagan paga etenggen nggween paga wanduk yagak eeke nagagerik, imbirak linggik-kambuk yogo logonet, le yereegwaarak. Le yogo logonet, at Ndawut nogo perak, iniki abu puru agan nagak mban eeke mbareegi, le nggwok yereegerak.

1 Tamuwen 25:23

kwe Abigayin nogo aap Ndawut enegen kage nagagerik, imbirak lambumbunuk, keledai amborowak paga nen mbet-mbet wangge nagagerik, Ndawut abu'me etenggen nggween paga wanduk yinuk,