2 Tamuwen 9:2 - Ala Wone Peenok Peebi Mbanak

² Ari nagagerik, Tawun apuri mendek inayeloman endage Tiba aret wonagagerak me, Ndawut wonage me woraawak nduk, wiireegwaarak wage mbareegi, aap endagembogut Ndawut nen at yoge, “Kat Tiba aret ilik?” Yoge mbareegi, at Tiba nen, “Kayeloman an aret o, nogoba.”

2 Tamuwen 9:2 Cross References

Wakkagagerak 24:2

Ne ambi paga at Abarakam nogo nen at ayeloman mini inowe aap iniki warak lombok amindik-amendek abok aret ndegeninake menggerak nogo yoge logonet, “An naput Itak akwe wogoriyak nduk, it aakumi Kanan mendek an ninom wonogwe yi, inapuluk ambi kwaariyak abu mage o. Ata, an wonagagim nawi alom paga nage logomenggendik, noreewi inapurilogwe ambi kero, kwaarenok nduk, kat keenggi nogo'ne'me pi'nake logonet, at mbogut-nggween wakkagagerak Aliku Ala owak o, yinuk, kumbuk mbanu o.”

Wakkagagerak 39:6

Obeelom mban eeke kenok, at Potipat nen amindik-amendek abok aret waganogo, “Kat mban aret arum logot o,” yinuk, Yutup eenggi paga mban pege nagagerik, at we noorak mendek kenok mban koongge nagagerak. At Yutup nogo ti, eebe mondok amuni mbanak obaabut yanggonak lombok wonagagerak.

2 Tamuwen 19:17

aap Mbeniyamin mendek ineebe seribu inom, at Tawun apuri inarum menggerak Tiba nogo apuri ineebe 15 inom, ayeloman mini ineebe 20 inom, it nogo nen aap endagembogut Ndawut aaganapuri inom niyo Yoraran enebagan wonogwe me, ineebe wogoren wogwe, ndi, at eeriyak mbake nogo eekwi, eeruwok nduk, mbe agan niyo Yoraran wunda nogo menggam nogo paga wunda nogogwaarak. Wunda nogo nogogwaarik, at Nggera aput Timeyi nogo aap endagembogut abu'me ngginnari nanuk,