2 Tamuwen 9:11 - Ala Wone Peenok Peebi Mbanak

¹¹ At Ndawut nen wone nogo Tiba yoge mbareegi, at Tiba nen aap endagembogut yoge logonet, “Ai, nogoba. Kat nen an kayeloman yo'nege keenok, abok aret an kayeloman ndak-ndak aret eeke logokit o,” yoreegerak. Ti yoge mbareegi, aap Mepibotet nogo, aap endagembogut Ndawut apuluk negen aret imbirak mbi nonggo nogogwaarak.

2 Tamuwen 9:11 Cross References

2 Tamuwen 15:15

Yorage mbareegi, at awuri nogo nen inowe endagembogut Ndawut yogwi, “E o, ninogoba. Kat ari keenok mban nit kayeloman mini eeruwok nduk, pipuk aago ogoorik o.”

2 Tamuwen 19:17

aap Mbeniyamin mendek ineebe seribu inom, at Tawun apuri inarum menggerak Tiba nogo apuri ineebe 15 inom, ayeloman mini ineebe 20 inom, it nogo nen aap endagembogut Ndawut aaganapuri inom niyo Yoraran enebagan wonogwe me, ineebe wogoren wogwe, ndi, at eeriyak mbake nogo eekwi, eeruwok nduk, mbe agan niyo Yoraran wunda nogo menggam nogo paga wunda nogogwaarak. Wunda nogo nogogwaarik, at Nggera aput Timeyi nogo aap endagembogut abu'me ngginnari nanuk,

2 Tamuwen 19:24

At Ndawut o Yerutalem wundi nage ti eyom paga at Tawun ombooluk Mepibotet nen ari logonet, “Aap nowe endagembogut eebe obeelom neya waga'lek kagak, an niyok kookkolage, namboro mbanggolage, nayum kookkolage, eeka'lek aret logogin o,” yinuk, yereegerak wonage me, togop aago aret aap endagembogut imbirak lambunikit nduk, at kunduk o Yerutalem nen ka nagagerak.

2 Tamuwen 19:26

Yoge mbareegi, at Mepibotet nen at yoge logonet, “Ai, nowe kendagembogut. An kayeloman niyok maluk aret me, nageledai paga yarugu nowe kendagembogut nimbirak wundi woraakit nduk, Keledai amborowak paga kwi'nagak ndoonogo pu o, nayeloman Tiba yoreegirak kwe, nambokan laganeegerak me, puk aret agagirak o, nogoba.

2 Tamuwen 9:10

kat inom, kapuri inom, kayeloman mini inom, kogoba Tawun ombooluk Mepibotet ake yabu eeppiigo logonet, amendek ambi lek kenok kolage logowak nen, anggen yugu nogo wonok iri wogo logomunggup o. Ndi, kogoba ombooluk Mepibotet nogo, mbi nengge logorak perak, an nimbirak mondok-mondok nonggo logogun o,” yinuk, yoreegerak. At Tiba nogo apuri ineebe 15, ndi, ayeloman mini ineebe 20, wonogogwaarak.

2 Tamuwen 9:12

At Mepibotet nogo apuluk wulaga endage Mika aret. Ndi, it aakumi Tiba ame wonogwe nogo abok aret Mepibotet ayeloman mini a'nuk wonogogwaarak.

2 Tamuwen 9:13

Togop aret me, at Mepibotet nogo iyok peenok-peenok maluk aret me, o Yerutalem time logonet, aap endagembogut mbi nengge menggim time inom mondok-mondok mbi nengge nagagerak.