2 Tamuwen 8:2 - Ala Wone Peenok Peebi Mbanak

² Tebenggolage nagagerik, ti'nuk, it Mowap mendek tebenogo piinok, inawuri aap ineegin warak nogo nggween paga mbiginogo wimbiinok, keele ambi waganogo mbiginik alom me nen keele nggorek paga wakkaanuk, ambi wakkage logonet, inooke, ti'nuk, keele nggorek ambit wakkaanuk, ineenik teppiige, eerit irip yubuni nagagerak. Ti eeke mbareegi, it Mowap mendek nogo inagabiti nen Ndawut ayuk wuko logonet, inarum wonage onggo wogogo nogogwaarak.

2 Tamuwen 8:2 Cross References

2 Tamuwen 12:31

it aakumi Amon mendek inawi kota-kota tebenggolage kenok, yabu eeko logowak nduk, eeppiige nagagerak me, it aakumi o kota Araba menggaarak nogo wogonake nagagerik, nggege wogorage, mbuti tegewa wogorage, yembuti wogorage, eeppunuk, yabu nggwiirit-nggwaarit eeko logowak nduk, yugum worako menggam piinok, Ndawut awuri wim eeka inom abok aret o Yerutalem iniyokan wogogwaarak.

2 Tamuwen 8:6

Inoorogo piinok, at Ndawut awuri ineegin warak nogo, it aakumi Aram mendek tebembiinok logowak nduk, inawi kota Ndamitik nogome piya nagagerak. Piya nage mbareegi, it Aram mendek nogo, Ndawut abu'me tebenak logonet, inarum wonage onggo wogori wogo nogogwaarak. Ndi, at Ndawut nogo, yi o ndi o wim eerit nege kagak, Aliku ALA nen Ndawut eegin tiyappege nagagerak.

1 Endagembogut 4:21

Ndi, at Talomo nogo, niyo Eparat wappunuk nok, aap Pilitin wonogo menggam nen, o Metit kuli, yi aap ndi aap inabu'me piinok wonogo menggam abok aret inowe endagembogut logonet wone lengganogo yorage nagagerak. At Talomo kangga'lek eenik wonage kagak, it aakumi o time wonogwe apit aret nen at Talomo abu'me logonet, at oone mban konenggwi, inarum wonage onggo wogori wogwe, eeko nogogwaarak.

2 Endagembogut 1:1

At aap Akap kambeegerak kagak it aakumi o Mowap mendek nen, “Aap Iterali mendek wone lengganogo yo'nirage logorak nineebi o,” yinuk, yereegwaarak.

2 Endagembogut 17:3

At Koteya nogo aap Atiyut inowe endagembogut Talamanetet abu'me piinok logonet, tahun ambi eekak paga inarum wonage onggo wu wogoge nagagerak nogo, ambinom wogoga'lek teppunuk, aap endagembogut Metit mendek endage To imbirak arikit nduk, awuri nappiige nagagerak ti paga aap Atiyut inowe endagembogut Talamanetet nogo nen, “Nambokan lagangge me, tebenogo pi na o,” yinuk, wage nagagerik, eebe pippunuk, keele maarogo mambiigo menggam mambereegerak.

1 Mbinineegwaarak 18:2

Tebenggolage nagagerik, ti'nuk, it Mowap mendek tebenogo piige mbareegi, at abu'me mban tebe yinuk, ayuk wuko logonet, inarum wonage onggo wu wogori wogo nogogwaarak.

2 Mbinineegwaarak 26:8

Eerit nage mbareegi, it Amon mendek nen inarum wonage onggo at wogori wogo nogogwaarak. At endage abu tiyak yereegerak me, o Metit kuli wiganinuk nagagerak.

Ndawi 108:9

O Mowap ti, an niyok kookak aret age, O Erom at unde eekkoligi, mbaruwak nduk, Niyogogut nggoorogo nappege, It Pilitin wonogo menggam tebenogo punuk, neegin tiyak yigi o, yinuk, kuum-keek ari, Eeke agarik o,” Yinuk, yereegindak o.

Ndawi 18:45

Noone ari paga inomanggen tayok ari logonet, Inaganak wakak inawi pak wurik kagak kole wundi wogwe, Eeko menggaarak o.

Ndawi 60:10

Kat Ala nen aret eeriyak kwe, mbo pinanege, Nawuri wim eeka ninom wundi nogwe me, kat ninom wundi naga'lek puk age, Eeke menggendak nogo o!

Ndawi 60:8

O Mowap ti, an niyok kookak aret age, O Erom at unde eekkoligi, mbaruwak nduk, Niyogogut nggoorogo nappege, It Pilitin wonogo menggam tebenogo punuk, Neegin tiyak yigi o, yinuk, kuum-keek ari, Eeke agarik o,” Yinuk, yereegindak o.

Yetaya 36:16

At aap Atiyut endagembogut nen ari logonet, It o kota nen neya wundi wogo logomenggaarik, ninom lambunuwok o. Ninom lambumbunuk, inalitak lombok ineyabume anggur yarak anggen mbanogo nunggwi, inageyo wuliinggen mbanogo nunggwi, inanggween kabunik me, inaniyo toologo nunggwi,

Linggineegwaarak 24:17

At eebe kage kwe, yogondak lek o. Eebe liippege kwe, nda lombok wonage o. Yakup ombowologwe wiganak inenggela'me nen ndowan ambi wundi wage, Iterali inenggela'me nen ineenu agak muun mbanak ambi kin age, Eeke logomenggerik, Aakumi Mowap inoweewi inenggaawak yigirogo piige, Aap Tet ombowologwe abok aret inanobak aan lebenogo piige, Eerit nage logonet,

1 Tamuwen 10:27

Nogwe iigak kwe, it ndugwi iyak wuka nogo mendek nen yogo logonet, “Aap ninake leenogo mippegaarak yi, ninarum op aret logogin mbakop? Ha!” yinuk, miyuk-meya eerogo pogo logonet, yi mendek ndi mendek ambi abu wogorulik mbo pereegwaarak. Togop eekwi iigak kwe, at Tawun nogo aruk logu mbakak oone lek puk agagerak.

1 Tamuwen 14:47

At Tawun nogo it Iterali inowe endagembogut a'nuk logonet, Iterali inawim yi o ndi o abok aret tebenogo piyareegerak nogo ti, aap Mowap mendek inom, Amon mendek inom, Erom mendek inom, o Toba mendek inoweewi inendagembogut inom, aap Pilitin mendek inom, abok aret inoorit nage nagagerak. Yi o ndi o inoorit nage logonet, awim tebenogo piinok, at eegin mondok tiyanak aret wonagagerak.

1 Tamuwen 22:3

Wonage logonet, ne ambi paga at Ndawut nogo ndoome nogome nen o Mowap yaga'lelo Mitapa nage nagagerik, aap Mowap mendek inowe endagembogut yoge logonet, “At Ala nen an eeriyak nombake nogo yo'niruwak nduk, tokkage neegak, an nagalo-nogoba kat kinom logorak piya woroorak nduk, yokkiri wagi o.”

1 Tamuwen 22:4

Yoge nagagerik, wogoren aap endagembogut Mowap mendek owagam piya nanuk, ndo yugum pak wurogo pereegim nogome ari wagagerak wonage kagak, agalo-ogoba aap endagembogut nogo inom aret wonogogwaarak.