2 Tamuwen 8:18 - Ala Wone Peenok Peebi Mbanak

¹⁸ aap Yoyara aput Mbenaya nogo, it aakumi Kereti mendek inom, Peleti mendek inom, inowe logonet inarum wonage, ndi, Ndawut apuri nogo ti, inogoba endagembogut Ndawut nogo, awone koongga wonogwe, eeko nogogwaarak.

2 Tamuwen 8:18 Cross References

2 Tamuwen 15:18

Ari nogwe me, at inom yabu eeko menggaarak inom, it aakumi o Kereti mendek inom, Peleti mendek inom, aa'nduk Ndawut o Nggat nen wage me it Nggat mendek ineegin warak enam ratus inom wogogwaarak nogo inom, nen aap endagembogut Ndawut aaganapuri inom nogwe me, peleppiigak inaa'nduk ari nogogwaarak.

2 Tamuwen 20:23

Aap Yowap nogo ti, aap Iterali ineegin warak abok aret inowe wonage, aap Yoyara aput Mbenaya ti, it aakumi Kereti mendek inom, Peleti mendek inom, inowe inarum wonage,

2 Tamuwen 20:26

ndi, aap Yayit mendek endage Ira ti, Ala unde logonet, Ndawut ake koongge, eeko nogogwaarak.

2 Tamuwen 20:7

Yoge mbareegi, aap Abitayi nogo nen aap Yowap awuri inom, it aap Kereti mendek inom, Peleti mendek inom, aap wakaa'ngget inom, abok aret o Yerutalem nen wogoren wundi nanuk, aap Mbikiri aput Teba nogo mugurok nogogwaarak.

1 Endagembogut 1:38

Yoge nagagerik, aap Ala unde Tarok inom, Ala nen yoge kagak yoraga Natan inom, Yoyara aput Mbenaya inom, aap Kereti mendek inom, Peleti mendek inom, it nen at Talomo nogo aap endagembogut Ndawut aguda paga kwippogo nogogwaarik, wonok niyo eneeri wungge menggim Nggikon nogome aret nogogwaarak.

1 Endagembogut 1:44

Mippege nagaarik, aap Ala unde Tarok inom, Ala nen yoge kagak yoraga Natan inom, Yoyara aput Mbenaya inom, aakumi Kereti mendek inom, Peleti mendek inom, it abok aret nen at Talomo nogo aap endagembogut aguda paga kwippogo nagaarik, wonok niyo eneeri wungge menggim Nggikon, Nanip o, yoragaarak

1 Endagembogut 1:8

Ala unde Tarok inom, Yoyara aput Mbenaya inom, Ala nen yoge kagak yoraga Natan inom, aap Timeyi inom, Ereyi inom, it aap Ndawut arum menggaarak inom, it nen, aap Aroniya kooneegerak nogo, “Eo,” yinuk, inom ari noolik.

1 Endagembogut 2:25

aap endagembogut Talomo nen Aroniya waruwak nduk, aap Yoyara aput Mbenaya yoreegerak warogo pege mbareegi, aret kambeegerak.

1 Endagembogut 4:4

At Yoyara aput Mbenaya nogo ineegin warak inowe wonage, It Tarok Abiyatat imbirak nogo Ala unde wonogwe,

1 Endagembogut 4:5

At Natan aput Atariya ti, it aap o alitik-alitak unde menggaarak nogo inowe wonage, Natan aput Tabut ti, Ala unde logonet, aap endagembogut imbirak wone koongga wonage,

2 Endagembogut 11:4

Tahun 6 eeppunuk, ambi eeke paga aap Yoyara nogo nen it aap Kari mendek inom, it aap endagembogut wonok nega inom, aap ineegin warak ambit aago ineebe 100, ambit aago ineebe 100, inoweewi inom, Aliku ALA awi wurik me ka woraawak nduk, inayonggo piyareegerak ka wogo mbareegwa, at nen yorage logonet, “Ninigen kogo logomonggoorik, aakumi yoraagun lek o, yinuk, kumbuk mbaninip o.” Yorage mbareegi, it abok aret Aliku ALA awi wurik me time wone kumbuk mbanggo mbareegwa, at aap endagembogut aput kumaarak nogo nigiyareegerak.

1 Mbinineegwaarak 11:22

Ti'nuk, at Yoyara aput Mbenaya awi Kabeten ti, aap wim wakaa'ngget lombok mondok iya eerit nage nagagerak. Eerit nage logonet, aap Mowap mendek wim wakaa'ngget lombok ineebe mbere inoorogo piige, ne ambi ndugu-ndugu nggalo-nggalo wangge logonet, o apit eerogo pereegerak kagak, at mbuun ambena wangge nagagerik, singa warogo pege,

1 Mbinineegwaarak 18:17

aap Yoyara aput Mbenaya nogo, it aakumi Kereti mendek inom, Peleti mendek inom, inowe logonet inarum wonage, ndi, Ndawut apuri nogo ti, inogoba endagembogut Ndawut abu'me logonet, inom eeka inoweewi aret wonogwe, eeko nogogwaarak.

Yetikiyen 25:16

Naliku Nitok Minggirak an ALA nen eeppiyoorak ari nogo yi aret. It aakumi Pilitin mendek an nanini paga eeppiyoorak nduk eeke me, it aakumi Kereta mendek lek eerogo piige, ndi, it Pilitin mendek ando niyo laut aa'nggi paga wonogwe nogo, inenggaawak lek eerogo piige, eerigin o.

Tepaniya 2:5

Niyo kole yenggenak laut aa'nggi paga monggotak kit Kereti mendek yi, kinabuwa o! Aakumi Pilitin wonogo menggam kit Kanan mendek yi, Aliku ALA nen aaninggin kinoba kwippinagarak yegerak me, kinabuwa o! “An nen inenggaawak lek eerogo piige logonet, ambiriluk ambi teppiyaagin mondok lek aret o,” yinuk, Aliku ALA nen aret yegerak me,