2 Tamuwen 8:15 - Ala Wone Peenok Peebi Mbanak

¹⁵ At Ndawut nogo it Iterali mendek abok aret inowe endagembogut a'nuk, wone lengganogo yorage logonet, apuri Iterali inake abe mban koongge, li'lak mban eeppiige, eeke nagagerak.

2 Tamuwen 8:15 Cross References

2 Tamuwen 15:3

at Abatalom nen it yorage logonet, “Kit kinawone ti, abet aret me, aap endagembogut yoriyak op aret kwe, at obaane'me awuri nen liirogon koneniyak ineebe lek me, kinabuwa o.”

2 Tamuwen 20:23

Aap Yowap nogo ti, aap Iterali ineegin warak abok aret inowe wonage, aap Yoyara aput Mbenaya ti, it aakumi Kereti mendek inom, Peleti mendek inom, inowe inarum wonage,

2 Tamuwen 3:12

At Abenet nogo wone Itibotet yoge nagagerik, at Ndawut nogo o Keboron wonage me, at yori nookwak, obaane'me wone agago nappiige logonet, “Nggween yi ti, aap ta nen unde wonage o? It aakumi Iterali abok aret kat mban kabu'me piyoorak yeenggwa kirikit nduk, nimbirak wone mbanuwok o,” yinuk, wone agago nappiyareegerak.

2 Tamuwen 8:14

At Ndawut nogo, it Erom mendek tebembiinok logowak nduk, at awuri ineegin warak nogo, o Erom nogome nappiinet nage mbareegi, it aakumi Erom mendek abok aret Ndawut abu'me tebenak aret wonogogwaarak. Ndi, at Ndawut nogo, yi o ndi o wim eerit nege kagak, at Aliku ALA nen Ndawut eegin tiyappege nagagerak.

2 Tamuwen 8:16

Eeke kagak, kwe Teruya aagaluk Yowap nogo, wim eeka inowe wonage, Akilut aput Yotapat nogo, Ndawut ame nogome wone ambi agaatak kenok liiru mbangge,

1 Endagembogut 10:9

At Aliku kogoba Ala nen inikilom kombake logonet, aakumi Iterali inowe kendagembogut logonet wone lengganogo yorage logonok nduk, mippagareegerak me, endage tiyappogo logowok o. At Aliku ALA nen it Iterali mondok-mondok iniki kunik eeginake menggerak me, it abe mban koonggwi, li'lak mban eekwi, eekwi iigak, inarum logonok nduk, kendagembogut mippagareegerak o,” yinuk, yoreegerak.

1 Endagembogut 4:1

At Talomo nogo aakumi Iterali mendek abok aret inowe endagembogut age nagagerik, wone lengganogo yorage kagak,

1 Mbinineegwaarak 18:14

At Ndawut nogo it Iterali mendek abok aret inowe endagembogut a'nuk wone lengganogo yorage logonet, apuri Iterali inake abe mban koongge, li'lak mban eeppiige, eeke nagagerak.

Ndawi 119:121

An abu obeelom a'me nggelok mban Eerit nage minggirak me, It an tebenogo panegak mban eekwi nogo Ineenggi me paniyak mage o.

Ndawi 72:2

Ti eeke keenok, Iniki abe koonak logonet kapuri inowak loongge, Iniki a'me nggelengga logonet, Kapuri tebenogo piinok wonogwe nogo inawone li'lak mbangge, Eerigin o.

Ndawi 75:2

Kat Ala nen ari logonet, “Ne ndi eyom paga aakumi inowak looniyak o, yinuk, An nen aret koonogo punuk, An nen aret a'me nggelok mban inowak loongge logogin o.

Ndawi 89:14

Obeelom eeppiinet nage, a'me nggelok eeke, Eeke menggendak nogo Kat wone lengganogo yorage menggenom ti paga panggonak kagak, Aakumi inabuwa nen iniki kunik aganake, Yoraga'ndak li'luk eeppiinet nage, Eeke menggendak kabok nogo Aa'nduk wiganinuk nage kagak ambo'me wage menggendak o.

Yetaya 9:7

At wone lengganogo yorage logowam nggwok wiganinuk nage, Aakumi inom lambunik iniki ugun tayenak wonogwe nogo lek aga'lek kundugu wonage, Eeke logogin o. At Ndawut paga wiganak aret me, At wone lengganogo yorage menggim mi'na'nuk, At abu'me piige menggim wone lengganogo yorage logogin o. At obeelom mban eeppiinet nage, a'me nggelok mban inawone mbangge, Eeke logomenggerak paga At abu'me piige menggim akom kwippiige, Omaawi nu'lek eerogo pege, Eerogo pege kenok, Mondok-mondok aret logogin o. At Omaawi Lombok Menggerak Aliku ALA nen, “Mondok eerikit aret,” mbarit unggwage me, aret eeke logogin o.

Amot 5:15

At Omaawi Lombok Menggerak Aliku Ala nen kit Yutup mendek eegu yumbunik wonogwe nogo, kinabuwa mbake kagak eerukwak, Maluk eeriyak kineebi mbakwi, Obeelom eeriyak kiniki kunik eekwi, Ndi, inowak loonggo menggam aakumi inowak loonggo logonet, eekaatak ndak-ndak eeppiigwi, Eeko logonip o.

Amot 5:24

Niyo wu'nuk wage menggi kwak, eekaatak onggo a'me nggelok eeppiinet nugwi, Niyo porok ariilik, nage mban menggi kwak, aakumi obeelom eeppiinet nugwi, Eeko logowak o.

Iberani 11:33

It aap ti, Ala nen yoragagerak abet mbareegwaarak paga, it aap inendagembogut inabu'me piigo menggam tebenogo piigwi, obeelom eerit nogo logonet, a'me nggelok eeko logowak nduk, koonogo piigwi, Ala nen yoragagerak nogo ndak-ndak aret waganggwi, aakumi inooka singa nogo inambe keele maarogo piigwi,

1 Tamuwen 14:47

At Tawun nogo it Iterali inowe endagembogut a'nuk logonet, Iterali inawim yi o ndi o abok aret tebenogo piyareegerak nogo ti, aap Mowap mendek inom, Amon mendek inom, Erom mendek inom, o Toba mendek inoweewi inendagembogut inom, aap Pilitin mendek inom, abok aret inoorit nage nagagerak. Yi o ndi o inoorit nage logonet, awim tebenogo piinok, at eegin mondok tiyanak aret wonagagerak.