2 Tamuwen 7:26 - Ala Wone Peenok Peebi Mbanak

²⁶ Kat kendage mondok-mondok tiyanak logowak nduk, wone yagandak nogo ti, a'me nggelok togon eeke keenok, it aakumi nen, At Omaawi Lombok Menggerak Aliku ti, aakumi Iterali inogoba Ala aret kogo, yinuk, yogo logogun o. Ndi, kat kenegen wo'ninake keegak, an kayeloman Ndawut napuri-nombowologwe wiganak nen mban it kapuri Iterali mondok-mondok inarum logogun o.

2 Tamuwen 7:26 Cross References

Wakkagagerak 17:18

I'ndok kangge nagagerik, at Abarakam nen Ala yoge logonet, “Nogoba o. Napuluk Itamayen ti aret kale'nggen oba pege logorak o.”

2 Tamuwen 7:25

Togop aret me, Kaliku Kitok Menggendak nogoba Ala wae. An kayeloman inom, napuri-nombowologwe wigannarugun inom, eerogo pinaniyak wone koonogo yo'negendak nogo, a'me lik togon aret eeppinanege logomunggun o.

1 Endagembogut 18:36

Ndi, Ala ake warogo wogogo menggam abu kiyoma ari wage mbareegi, aap Ala nen yoge kagak yoraga Eliya nen mi'na'nuk, tamban eeke logonet, “Abarakam inom, Itak inom, Iterali inom, inogoba Kaliku Ala wa! It Iterali inenggela'me inogoba Ala kat aret wonage ineenu ogwe, ndi, an kayeloman eeke yi, abok aret kat yo'nege keenok, eeke ineenu ogwe, eeruwak nduk,

1 Endagembogut 18:37

noone yokkege yi, konenu o. It aakumi yime wonogwe yi, Kaliku ti Ala aret wonage, ndi, inomaluk mbo punuk, iniki yungguk togon kowagam ari woraawak nduk eeppiige, eeke ti, kat aret ineenu aruwak nduk noone yokkege yi, Kaliku ALA karuk konembunuk, onggo yo'nege logoto, nogoba.”

Ndawi 115:1

Kaliku ALA wae. Kat nen aret kiniki kunik ee'ninake, Kat nen mban ko'lu-kii'me liirogon eeppinanege, Eeke menggendak me, Nit ninendage tiyappakwi, nit wogoppakwi, Eekwi lek o. Ata, kat mban kendage tiyanak logowak nduk eeko ogoorik o.

Ndawi 61:7

Kenegen keegak wone mondok-mondok lengganogo yoranet wundi wage logokit nduk eeppanege, Neebe op logokit nduk, kiniki kunik ee'nake, Wone yo'nereegindak nogo li'luk eerogo panege, Eeke logot o.

Matiyut 6:9

Ata, kit tamban yogop aret eeko logonip o. Ninogoba mbogut paga mendek ao. Kat kendage abu abe alik leenak menggendak me, tiyappagago ogoorik o.

Yaya 12:28

Nogoba o. Kat kendage tiyappatu o,” yinuk, yoreegerak. Yoge mbareegi, mbogut paga nen oone ari logonet, “Nendage muk tiyappakirak me, ambinom aret tiyappatigin o.”