2 Tamuwen 7:22 - Ala Wone Peenok Peebi Mbanak

²² Kaliku Kitok Menggendak nogoba ALA kat abu nggwok aret menggendak me, nit lombok nen ninaruk konenggo monggoorak ndak-ndak, kat pogom ambi wonage lek Ala kalik aret menggendak o.

2 Tamuwen 7:22 Cross References

2 Tamuwen 22:32

Kaliku ALA wonage keegak, Ala alik ambi ta wonage o? Yugum nu'lek menggi kwak, Kat ninogoba Ala aret wonage keegak, Alik ambi wonage mbakop? Lek aret me,

1 Endagembogut 8:23

Aliku ALA yoge logonet, “Kaliku Iterali inogoba Ala wae. Mbogut paga inom, nggween paga yime inom, kat Ala kokwak ambi wonage abu lek aret o. It kayeloman mini nen iniki inom, ineebe inom, mondok nggaruk togon kat paga panggombunuk, kenggaanom paga liirogon eerit nogo menggaarak nogo, kiniki kunik aganake logonet, kinom wone koonogo pereegindak nogo mbeyok yukwak, a'me nggelok eeke menggendak me, wa!

1 Mbinineegwaarak 16:25

Aliku ALA ti, mondok iya lombok me, At mban tiyappogo logorak op aret o. Yi kugi ndi kugi abok aret inayuk warak aret kwe, At inirimbaga lombok me, at mban ayuk wuko logonip o.

2 Mbinineegwaarak 2:5

Yi kugi ndi kugi abu tebenak iigak, Aliku ninogoba Ala ti, abu nggwok ayuk warak lombok me, at awi an wuriyak ti, mondok nggwok abe lombok aret wurigin o.

Ndawi 135:5

At Aliku ALA ti, mondok iya lombok wonage, Yi kugi ndi kugi abok aret tebenak iigak, ninogoba Ala perak, mondok tiyanak wonage, Eeke menggerak an neenu aret o.

Ndawi 145:3

Kaliku ALA nggwok lombok menggendak me, Kalut eeko logorak ti, op aret o. Kendage mondok nggwok lombok wonage ti, Aakumi nen liippuurak meek aret o.

Ndawi 44:1

Ala wae. Aa'nduk lombok ninombomini wonogwe eyom paga kat eerit wagagindak It nen mbininogo yo'nirogogwaarak nogo Nit ninaruk abe nen koneneegurak o.

Ndawi 48:1

Aliku ALA abuut alik leenak menggim ninogoba Ala agota paga wonage nogo, Mondok iya aret me, at tiyappogo logorak ti, op aret o.

Ndawi 86:8

Nogoba o. Yi kugi ndi kugi inenggela'me kat Ala kokwak ambi wonage lek aret o. Kat eerit nage kwak, it ambi nen eeka'lek aret o.

Ndawi 89:6

It mbogut abu'me o oolo ya'i menggaarak nogo, Kaliku ALA kimbirak ndak-ndak ambi ta wonage mbaken? It mbogut paga wonogo menggaarak kunduk, Kaliku ALA kinom ndak-ndak ambi ta wonage mbaken?

Ndawi 89:8

Komaawi Lombok Menggendak Kaliku Ala wae. Kat ndak-ndak ambi ta wonage? Kaliku ALA wae. Kat mondok iya me, Yoraga'ndak li'luk eeppiiga aret wonage, Eeke menggendak o.

Ndawi 96:4

Aliku ALA ti, mondok iya lombok me, At mban tiyappogo logorak ti, op aret o. Yi kugi ndi kugi abok aret inayuk warak aret kwe, At inirimbaga lombok me, at mban ayuk wuko logonip o.

Wundeegwaarak 10:2

it aakumi Metit mendek nen, Nit ninomaawi meek aret kagi, mbaruwak nduk, at Ala nen ineenu agak eerubok mendek yogop eeppiige nagagerak o, yinuk, kapuri-kombowologwe mbininogo yorage, ndi, Naliku an ALA kineenu ogwe, eeko logomunggup nduk, eeke me, Pirawun yori nak o,” yinuk, nappereegerak.

Wundeegwaarak 15:11

Kat kikak nakeelik wonage keenok tiyappagagwi, Eerubok mendek eeke menggendak keenok, Wi, yinuk, kayuk wukwi, Eeko menggaarak me, Kat pogom ta wonage o? Yi kugi ndi kugi Kaliku ALA kat pogom ambi wonage abu lek aret o.

Wundeegwaarak 8:10

Yoge mbareegi, Pirawun nen, “Ko'lu aret Aliku ALA yoru o.” Yoge mbareegi, Muta nen ari logonet, “At Aliku ninogoba Ala kokwak ambi wonage lek keenu arenok nduk, kat yagandak nogo ndak-ndak aret eerigin o.

Wundeegwaarak 8:6

Yoreegerak nogo at Karun yoge mbareegi, Karun nogo owaanggun paga yi niyo ndi niyo o Metit wonage nogo titik ige mbareegi, ogolem apit aret nugut tiyak agan lagit wogo logonet, o Metit time nggween enete lek a'nuk ogolem mban nugut tiyak yereegwaarak.

Yetaya 40:18

Togop me, Ala ti, ta kwak wakkogwe, Ndi, at eebe ti, ngge ogut eerak kwak wakkogwe, Eeriyak mbakop?

Yetaya 40:25

At Kikak Nakeelik Alik Leenak nen ari logonet, “Kit nen an ta kwak wakkogwe, Ndi, at ti, ta imbirak ndak-ndak, yogwe, Eeko ogotik o?” Yinuk, ari agaarik o.

Yetaya 45:18

At mbogut wakkage, nggween wakkage, eereegerak nogo ti, Ala aret me, O we tenak logowak nduk wakkoolik o. Ata, nggween yi, aakumi wonogo logowak nduk wakkagagerak Aliku ALA nen yegerak nogo yi aret. “Naliku ALA an aret me, an neegak Ala alik ambi wonage lek aret o.

Yetaya 45:22

It aakumi o nggween irip-irip wonogwe ti, Ala alik ambi lek, an nalik mban aret wonage me, Iniyokan yungguninuk neya wogwe iinok, inagap ndarigin o.

Yetaya 45:5

Naliku ALA an aret me, an kokwak Ala alik ambi wonage lek aret o. An wonage neegak, Ala alik ambi wonage mondok lek o. Oonegen lagi wage menggim pa'nggwe nen nok, Oonegen kilu yi nage menggim pa'nggwe Naliku ALA nalik aret minggirak it aakumi abok aret ineenu aruwak nduk, Kat an Ala neebe liippanega'lek keegak kwe, keegin-komaale li'luk eerogo pagagin o. Naliku ALA an aret me, an kwak Ala alik ambi wonage lek aret o.

Yetikiyen 36:22

Togop aret me, it Iterali mendek yorage logonet, At Aliku Itok Menggerak ALA nen yegerak nogo yi aret o. An nen it Iterali obeelom eerogo piyoorak yigin yi nogo ti, it obeelom eekwi paga lek o. Ata, it nen yi aakumi ndi aakumi inenggela'me it nogogwam abok aret nogome logonet, nendage abe alik leenak wonage nogo, maluk eerogo pereegwaarak me, nendage alik leenak nogo obeelom aruwak nduk, eeppiyaagin o.

Yetikiyen 36:32

Ti eerogo piyaagin nogo ti, it iinok, eerogo piyaagin lek ineenu aruwak o. It Iterali mendek ti, eerit nugwi paga it nen inenggali eerogo pakwi, ndi, Maluk kagak eeko nogoorak iya, yinuk, inenggali ogwe, eeruwak o, yinuk, Naliku Nitok Minggirak an ALA nen aret yagi,” yo'negerak me, yokkiragi o.

Ndaniyen 2:45

Yugum kole puut paga aakumi ineenggi paga nen langgunogo nappi woroolik alik en yelek togon wangge logonet, ogut mbuti owak paga inom, mbuti tembaga paga inom, nggabok paga inom, mbuti perak paga inom, mbuti emas paga inom, ogobakkigirik nogo aan lebenogo pege kabinggaanggo kagandak alom nogo ti aret. At Tiyanak Lombok Menggerak Ala nogo nen peebi ariyak nogoba kendagembogut kabinggaanggo paga yokkegerak nogo ti aret. Kabinggaanggo kagandak nogo ti abet aret me, Alom yogop aret o, yinuk, yokkigirak nogo ti, abet mba'nok nduk yokkigi o,” yinuk, yoreegerak.

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Pelaareegerak 3:24

Kaliku Kitok Menggendak nogoba ALA ao. Kat abu tiyanak keenggi omaawi ambik lombok menggendak nogo, o yogondak iluk aret an kayeloman nenegen keyaakit nduk, ni'neege menggendak pogom kugi mbogut paga wonogwe inom, nggween paga wonogwe inom, nogo nen kat iya tit eeke menggendak nogo ndak-ndak it togop ambi ngge wonogwe? Lek aret o.

Pelaareegerak 32:39

Ala lombok ambit an aret kinigen pe'neyaanip o. Ala alik ambi wonage lek, nalik aret logonet, Aakumi inoorogo piige, ineenik agago piige, Inawinde-inobaande agago piige, lek eerogo piige, Eeke minggirak an aret me, Aap ambi nen, Eeppiyoorak mage, yo'niriyak meek o.

Pelaareegerak 4:35

Ala nen eerit wagagerak abok aret kinigen kogotak ti, at kokwak ambi wonage lek o. At Aliku ti, Ala alik aret mbarumunggup nduk, eereegerak o.

Pelaareegerak 4:39

Togop aret me, agi mbogut paga inom, nggween paga yime inom, at Ala pogom alik ambi wonage lek aret o. At Aliku ti, Ala alik aret, mba'nuk, kiniki liippunuk, kineenu a'nip o.

1 Tamuwen 2:2

Yugum kole itok menggi kwak, Ninogoba Ala kat togop aret wonage menggendak o. Kaliku ALA kikak nakeelik abu obeelom wonage kwak, Togop ambi wonage lek o. Kat wonage menggendak kwak, ambi wonage lek mban.