2 Tamuwen 7:12 - Ala Wone Peenok Peebi Mbanak

¹² Ndi, at perak, nda'nagagerak eyom abu aret panggoni wage kenok, ombomini kambunuk nogogwam wonogwe me, inom yonggonggola nage kagak, an nen at lombok apuluk ndaremenggerak nogo, obaane'me mippege logominggirik, apuluk abu'me piige logowam mondok-mondok logowak nduk, eeppigin o.

2 Tamuwen 7:12 Cross References

Wakkagagerak 15:4

Wone nogo yoge mbareegi, at Aliku ALA nen Abaram yoge logonet, “At kayeloman ti nen keyate nogo kolaagin ta lek o. Ata, kat nen ndaremenggendak kapuluk lombok nen aret keyate ti kolaagin o.”

2 Tamuwen 22:51

Nendagembogut mippaneegindak nogo Neegin tiyak yuwak nduk eeppanege, Amburu eerogo mippaneegindak nogo An Ndawut inom, napuri-nombowologwe inom, Ninabuwa nen eeppinanit wundi wage tit logomunggun o,” yinuk, ndawi paga Aliku ALA anep pereegerak nogo ti aret.

1 Endagembogut 1:21

Kat wone amburu mbanogo yo'nirumunggun lek kenok, kombomini kambunuk nogogwam kinom tat yonggonggolaanok nduk, nage keegak, an naagaluk Talomo nimbirak aap inobaabut maluk kenok eeppiigo mengga kwak, eerogo pinanogo logogun o,” yinuk, yoreegerak.

1 Endagembogut 1:48

At Aliku Iterali inogoba Ala nen o ne yogondak yi paga, Endagembogut logonet, wone lengganogo yorage menggim obaane'me mippege neyaawako, yinuk, nombakerak nogo, o yogondak yi paga nobaane'me mippegerak kagarak me, endage tiyappege agarik o, yinuk, yoge kagarak o,” yoreegerak.

1 Endagembogut 2:1

At Ndawut nogo kambuurak eyom abu panggoni wage mbareegi, aput Talomo eeke logorak awoneninu kilirireegerak nogo yi aret.

1 Endagembogut 2:10

At Ndawut nogo aap endagembogut age nagagerik, Iterali wone lengganogo yorage kagak, tahun 40 eereegerak. O Keboron wone lengganogo yorage kagak, tahun 7 eeke, ndi, o Yerutalem wone lengganogo yorage kagak, tahun 33 eeke, eereegerak. Eeppunuk, kangge nagagerik, ombomini kambunuk nogogwam inom yonggonggola nage mbareegi, at Agota kanggwi piya unggwogo menggam nogome eebe pi unggwogogwaarak.

1 Endagembogut 2:4

ndi, at Aliku ALA nen an eeriyak wone abuk nggaruk togon yo'nege logonet, Kat kapuri-kombowologwe nen it eerit nugwi nogo liippunuk, iniki inom, ineebe inom, abok aret noba panggombunuk, wone an yorage nogo ndak-ndak liirogon aret eekwi iinok, it Iterali inoweewi inendagembogut logonet, wone lengganogo yorogo menggam aap alik ambi mi'narigin lek kapuri-kombowologwe mban aret kobaane'me mi'narit wundi wogo logogun o, yinuk, yo'nereegerak nogo a'me nggelok ari, eeke kaamunggun o.

1 Endagembogut 5:5

Togop aret me, at Aliku ALA nen an nogoba Ndawut yoge logonet, Peebi kat kobaane'me kaput nen inowe endagembogut a'nuk, wone lengganogo yorage logowak nduk, mippiminggirak nen nendage ki logowak nduk, nawi wuke logogin o, yinuk, yoreegerak nogo ndak-ndak, Aliku nogoba Ala endage ki logowak nduk, awi ti, an aret wurikit lak, ao, yinuk, niniki koonit nage agarik o.

1 Endagembogut 8:15

“At Aliku aakumi Iterali inogoba Ala oone lombok paga nen nogoba Ndawut koonogo yoreegerak nogo, at nen aret a'me nggelok togon eerogo pereegerak me, endage tiyappuwok o.

1 Endagembogut 8:19

kat nen wurumunggun lek o. Ata, nendage ki logorak nawi wuriyak nogo ti, kat lombok kaput ndaremenggendak nen aret wurigin o, yinuk, yoreegerak o.

1 Endagembogut 8:20

At Aliku ALA nen wone koonogo yoreegerak nogo, a'me nggelok ari logonet, at Aliku ALA yoreegerak ndak-ndak, an nogoba Ndawut obaane'me age nagarik, napuri Iterali nabu'me piinok, inawone koongge minggirak me, Aliku aakumi Iterali inogoba Ala endage ki logowak nduk an nen aret at awi wukirak yi o.

1 Endagembogut 9:5

an nen kogoba Ndawut wone abuk nggaruk togon yoge logonet, Kat kapuri ndaganabemenggendak nen mban aakumi Iterali inoweewi inendagembogut logonet, wone lengganogo yoranet wundi wogo logogun o, yinuk, yoreegirak nogo ndak-ndak, kat mondok-mondok aakumi Iterali inowe kendagembogut logonet, yorage logonok nduk, eerogo pagagin o.

2 Endagembogut 8:19

At togop aret maluk eeke nagagerak kwe, Aliku ALA nen, “Ndi mondok-mondok wuninik menggi kwak, Ndawut inom, apuri-ombowologwe inom, inendage mondok-mondok ki logowak o,” yinuk, abuk nggaruk togon yoreegerak me, at ayeloman Ndawut kenok, it aakumi Yekura mendek pup eerogo piyoorak meek aret mbareegerak.

1 Mbinineegwaarak 17:11

Ndi, at perak, nda'nagagerak eyom abu aret panggoni wage kenok, ombomini kambunuk nogogwam nggwogoba wonogwe me, inom ari nage kagak, an nen at lombok apuluk ndaremenggerak nogo, obaane'me mippege logominggirik, apuluk abu'me piige logowam mondok-mondok logowak nduk, eeppigin o.

2 Mbinineegwaarak 1:9

Togop aret me, o yogondak Kaliku nogoba Ala wae. Aakumi ambik lombok liirubu kwak wonogwe nogo, inowe nendagembogut logokit nduk, mippaneegindak me, wone abuk nggaruk togon koonogo nogoba Ndawut yoreegindak nogo eeke keyaakit nduk, eeru o.

2 Mbinineegwaarak 13:5

At Aliku Iterali inogoba Ala nen at Ndawut apuri wiganak inom nen mban Iterali inoweewi inendagembogut logonet, wone yorogo logowak o, yinuk, wone koonogo pereegerak nogo lek age kero, mayu eerogo punuk nunggugwaarak nogo kat keenggo'lek ya?

2 Mbinineegwaarak 21:7

At togop aret maluk eeke nagagerak kwe, Aliku ALA nen, “Ndi mondok-mondok wuninik menggi kwak, Ndawut inom, apuri-ombowologwe inom, inendage mondok-mondok ki logowak o,” yinuk, wone abuk nggaruk togon yoreegerak me, Ndawut paga wiganak nogo pup eerogo piyoorak meek mbareegerak.

2 Mbinineegwaarak 23:3

Wogo nogogwaarik, it wogogwaarak abok aret Ala awi wurik me time iniki ambit eeppunuk, “Ndogop eeruwok o,” yinuk, aap inowe endagembogut inom wone abuk nggaruk togon mbaneegwaarak. Mbanggo mbareegwa, at Yoyara nen it yorage logonet, “Aliku ALA nen aap Ndawut apuri mendek mban mi'nogo logowak o, yinuk, koonogo pereegerak nogo ndak-ndak, aap endagembogut aput nen aret endagembogut a'nuk, wone lengganogo yo'nirage logowak o.

2 Mbinineegwaarak 6:15

Kat kayeloman nogoba Ndawut koonogo yoreegindak nogo, a'me nggelok eeke, ndi, koone paga lombok koonogo yoreegindak nogo, kat nen aret eerogo pege, eekendak nogo ti, o yogondak yi aret aga o.

2 Mbinineegwaarak 6:9

kat nen wurumunggun lek o. Ata, nendage ki logorak nawi wuriyak nogo ti, kat lombok kaput ndaremenggendak nen aret wurigin o, yinuk, yoreegerak o.

Ndawi 89:29

At obaane'me ombowologwe nda'narit nawak nduk eeppege, Mbogut lek ageelik wonage menggi kwak, At wone lengganogo yorage menggim mondok logowak nduk eerogo pege, Eerigin o.

Yetaya 11:10

Ne ti eyom paga eyo omanggen Itayi paga agarip ndaremenggerak nogo yi aakumi ndi aakumi ineenu agak aret mi'nage, aakumi inanebunu lombok nen at abu'me ari unggwogwe iinok, at logowam mondok tiyak ari, eeke logogin o.

Yetaya 9:7

At wone lengganogo yorage logowam nggwok wiganinuk nage, Aakumi inom lambunik iniki ugun tayenak wonogwe nogo lek aga'lek kundugu wonage, Eeke logogin o. At Ndawut paga wiganak aret me, At wone lengganogo yorage menggim mi'na'nuk, At abu'me piige menggim wone lengganogo yorage logogin o. At obeelom mban eeppiinet nage, a'me nggelok mban inawone mbangge, Eeke logomenggerak paga At abu'me piige menggim akom kwippiige, Omaawi nu'lek eerogo pege, Eerogo pege kenok, Mondok-mondok aret logogin o. At Omaawi Lombok Menggerak Aliku ALA nen, “Mondok eerikit aret,” mbarit unggwage me, aret eeke logogin o.

Yeremiya 33:17

Aliku ALA nen ari logonet, It Iterali paga wiganak wone yorogo menggam aap alik lek Ndawut paga wiganak nogo nen mban wone lengganogo yorogwe,

Ndaniyen 12:2

It aakumi apit aago kambemenggaarak nggween me nogo yugwi nogo, ineenik a'nuk mi'narugun o. It ando mondok-mondok ineenik logowak nduk mi'nogwe, ndi, ando perak, inenggali mbakak mondok-mondok yagan wako logowak nduk mi'nogwe, eerugun o.

Matiyut 1:1

At Ndawut Abarakam imbirak inombooluk Yetut Keritut ombomini nda'narit wundi wogogwaarak inendage liiru mbanak yi o.

Lukat 1:32

At aap nggwok aret logogin o. Aakumi nen, At Tiyanak Lombok Menggerak aput yi aret, yogo logogun o. At ombo Ndawut endagembogut logonet, wone lenggeninake nagagim nogo, obaane'me wone lenggeninake logowak nduk ninogoba Ala nen at aret mippigin o.

Lukat 24:27

Keritut wage kenok, “Togop eerigin o,” yinuk, wone Muta liiru mbaneegerak nogo kuli nen it aap Ala yorage kagak yoraga nen yorogo nogogwaarak liiru mbaneegwaarak nogo abok aret amburu mbaniragagerak.

Nappiigak 13:36

Ala nen at Ndawut eeke logowak nduk punereegerak nogo, at wone lengganogo yorage nagagerak eyom paga ndak-ndak aret eeppege nagagerik, kambeegerak. Kangge mbareegi, ombomini kambeegwaarak inom tabonogo pi nogogwaarak pili agagerak kwe,

Nappiigak 2:30

At Ndawut nogo ti, Ala nen yorage kagak yoraga mendek aret me, Ala nen wone kumbuk mbangge logonet, Ndawut yoge, Ndawut wae. Kat kombowologwe ambi wone lengganogo yorage mengge'nom kobaane'me logowak nduk an nen mippigin o, yinuk, yoreegerak wone nogo eenu wonagagerak me,

1 Korindut 15:51

Noreewi o. Wone kote kumaarak wone ambi yokkira o. Nit abok aret kambugun lek o. Nu'lek me o yabok telanggage kenok, ninogut nage menggi kwak, o irip paga kuli oone nggwok eeka trompet nogo oone pu eeke kenok, nit abok nineebe alik negen eerogo pinanigin o. Oone nggwok eeka trompet nogo oone pu eeke mbaremenggi, it aakumi kambeegwaarak nogo mondok-mondok inabelan waawak nduk, ineenik eerogo mippiige logomenggerik, nit abok nineebe alik mendek eerogo pinanigin o.

Pelaareegerak 31:16

Muta yoge logonet, “Kat kombomini kambunuk nogogwam nggwogoba wonogwe me, kinom tat yonggonggolage logonok nduk, namunggun me, kwe ambi ogonggelo mbo punuk, aap alik kwaarit nege menggi kwak, it aakumi yi, an mbo panugo logonet, ninom wone abuk nggaruk togon koonogo pereegurak nogo taganogo punuk, o it logowam time an nalut eekwi nobaane'me aakumi time wonogwe inagugi ayuk wuko logonet, eerit nogo logogun o.

1 Tetalonika 4:14

At Yetut kangge nagagerik, mi'nagagerak nogo nit abet mbakwi kenok, it aakumi Yetut inom kunik logonet, kambeegwaarak nogo at Ala nen ineenik agago mippiyaagin abet aret mbako logowok o.