2 Tamuwen 6:20 - Ala Wone Peenok Peebi Mbanak

²⁰ Nogwe iigak, at Ndawut nogo at inom menggaarak ale'nggen inoba piyaakit nduk, ame nage mbareegi, Tawun apuluk kwe Mikan nogo wundi woraanuk, at Ndawut imbirak lambungge nagagerik, yoge logonet, “It aakumi Iterali inowe endagembogut yi, aap iniki mbanak inayum yirik lek nugu mengga kwak, o yogondak yi paga it komologwe kayeloman mini inigen iigak kenggali lek, kayum yirik lek nege keegirak nogo ti, Wi, kombaki o.”

2 Tamuwen 6:20 Cross References

2 Tamuwen 6:14

Wogoge nagagerik, iniki ale'nggen nen kani kunik negen inikime wunuk ari logonet, Aliku ALA enggaanom paga kayin yawenak amuni mbanak yum agale warak epod nogo mban yirik logonet, kwirabik-kwirabok agan

2 Tamuwen 6:16

Aliku ALA aloobut mbanak nogo, wonok Ndawut agota unggwi wogo logonet, at Ndawut iniki ale'nggen nen at Aliku ALA enggaanom paga ku'mbo nagak ogut-togut warit wage at akwe Tawun apuluk Mikan nogo, pugagi ambe mbanak me nen enegen wunggage nagagerik, inikime nen, “Aap yi agan wage abu neebi a!” mbareegerak.

2 Tamuwen 6:18

Nogo eeke nagagerik, at Omaawi Lombok Menggerak Aliku ALA endage kumbunuk it aakumi Iterali mendek abok aret ale'nggen inoba piyareegerak.

2 Tamuwen 6:19

Ale'nggen inoba piige nagagerik, it aakumi Iterali time wonogwe nogo aap a, kumi a, abok aret tapi enggaanggum inom, oroti longgo warak ambi inom, anggur anggen woloonak oroti worarak mendek ambi inom, inalitik-inalitak tumburiragagerak. Tumburirage mbareegi, it aakumi abok aret iname lombok nogogwaarak.

1 Mbinineegwaarak 16:43

Unde eeppiige nagagerik, it aakumi abok aret iname lombok nogwe iigak, at Ndawut nogo at aaganapuri ale'nggen inoba piyaakit nduk, ame nagagerak.

Ayup 30:8

It aap ti wi-wa inendage lek mendek me, It inanggween paga nen mugogo wumbiyareegwaarak wonogwe, Eekwi iyareegirak o.

Ndawi 101:2

An maluk ambi eeke neyo, liippunuk eeke logogin me, Kat mandenom neya woraamunggun o? Niniki mbere lek ambit mban logonet, An name obeelom mban eerit nage,

Ndawi 30:1

Kaliku ALA wae. It aap ninom wim mbanak nen nooppunuk, “Keyik a! Op wako,” yogwe iyo, nagap ndarogo panege, An abu tebenak wonage me, tiyappanege, Eekendak me, Kat kalut eeke agarik o.

Wone Alom Kibingga 7:17

Kat kambuurak eyom awo kagak, kambuurak mbakendak ya? Lek me, “Maluk lombok eerit nage logokit,” mbake, Ndi, iniki lek wi nen eerit nugwi kwak eerit nage, Eeriyak mage o.

Marakut 14:66

Wakwi iigak, at Peterut nogo oore'nggam kogona time wonage me, kolaga aap Ala unde inowe nggwok nogo ayeloman ambi wage nagagerik,

Marakut 3:21

“Aakumi ambik me, mbi noorak meek o,” yogwe at owe-awot inaruk konembogo nogogwaarik, “Aap yi kumili-kumili negen agan nege yi, piga nawok o,” yinuk, piga nawok nduk eereegwaarak.

Yaya 13:6

Ti eerit, Timon Peterut owagam panggo yi nage mbareegi, Peterut nen, “Nogoba o. Kat an niyok koo'naburak mba'nuk eeke agandik?”

Yotuwa 24:15

Ndi, kit nen at Aliku ALA mban mugurok noorak ti, kineebi mbakwi kenok, kinombomini nen niyo Eparat enebagan logonet, Aliku ALA mugurok nogwe obaane'me it kugi eeko nogogwaarak nogo, mugurok nogo logorak a, it aap Amori mendek inanggween paga kit wonogo logonet, Aliku ALA mugurok nogwe obaane'me inagugi mugurok nogo logorak a, nogo ti, o yogondak yi paga aret kit mban miikkolaanip o. An, nakwe, napurilogwe ninom perak, at Aliku ALA mban aret mugurok nogo logogun o,” yinuk, yoragagerak.

Owak Loongga 9:4

Mbako nogogwaarik, kugi Mba'an-Mberit alut eeko menggam nen wu mbuti perak aaninggin mbere negen wakkagak eerogo Abimelek wogogo mbareegwa, wonok aap endekem mendek a'nggan wogonaka nogo awuri a'nuk inom nugu logowak nduk, wogoragagerak.

1 Tamuwen 14:49

At Tawun apurilogwe wologwe inendage ti, Yonatan, Yitiwi, Malikituwa aret. At apurilogwe komologwe ti, manggu endage Merap. Ndi, awuluk endage Mikan aret wonogogwaarak.

1 Tamuwen 18:20

Wogoge mbareegi, Tawun apuluk kolaga Mikan nogo, Ndawut iniki pereneegerak me, Tawun yogo mbareegwa, at Tawun nen, “Koloorak op aret o,” mbareegerak.