2 Tamuwen 6:2 - Ala Wone Peenok Peebi Mbanak

² Ala aloobut mbanak abit irip-irip paga it malayikat negen kerub wonogwe iigak, Ala oolo menggerak kenok, at endage, Omaawi Lombok Menggerak Aliku ALA Aloobut Mbanako, yinuk, yogo nogogwaarak nogo, o Yekura yaga'lelo Mbaale wonage me, at Ndawut awuri inom wonok woraawok nduk, nogogwaarak.

2 Tamuwen 6:2 Cross References

2 Tamuwen 22:11

Malayikat kwak kerub nen piyaninuk nage, Towe wiga agan nage menggi kwak, O wiya nen wigak togon at wonok nage,

Ndawi 80:1

Kat Iterali ndegeninaka. Ninoone yokkugwi yi, karuk liirogon konengge, It Yutup paga wiganak ndomba negen ndegeninaka, Kerub aru-ogwe kagak oolo kwi'ndak wonage yi wae. It Eparayim inom, Mbeniyamin inom, Manate inom, Kat kabinak inoba pindanogo piige, Komaawi a'nuk, pilak ari logomenggendik, ninagap ndari wage, Eeru o.

Ndawi 99:1

At Aliku ALA endagembogut aret o. Endagembogut aret me, Yi aakumi ndi aakumi inaganak wake, Malayikat negen kerub aru-ogwe iigak, Oolo at wone lengganogo yorage menggim wonage kenok, O nggween yi, nuk-nuk ari, Eeruwak o.

Yetaya 47:4

Wondet Eerogo Pinanega endage Omaawi Lombok Menggerak Aliku ALA ti, Kikak Nakeelik Alik Leenak Iterali inogoba aret o.

Yetaya 54:5

At ogobakkigireegirak ti, ore an aret me, nendage ti, Nomaawi Lombok Minggirak Naliku ALA aret. Iterali inogoba Kikak Nakeelik Nalik Leenak Minggirak ti, at onggo mbangga an aret me, It o nggween paga yime menggaarak abok aret inogoba Ala an aret o.

Yotuwa 15:60

kota Kiriyat-Mba'an ti, endage ambi Kiriyat-Yeyarim nogo inom, Araba inom, imbirak wogorage logonet, enaagan-ambokan yaga'lelo mbuulogwe inom wogorage, eereegerak.

1 Peterut 1:12

Mbogut paga nen Aberiniki nappi wagagerak it aap ti, inikime unggwage nagagerik, yorage kagak, obeelom wone yokkirogogwaarak konenggo nogogutak wone nogo, maan it aap Ala nen yorage kagak yoraga nogo nen, wone ti yorogwe iigak, at Ala nen, “Wone yi ti, kit kinake nduk yokkirage lek o. Wone ti, it peebi nda'naremenggaarak inake nduk aret yokkiragi o,” yinuk, kin paga yoragagerak me, it malayikat kunduk wone ti, koneniyak uugwe mbakwi kwe, nit ninake nduk aret yorogo nogogwaarak kogo o.

1 Tamuwen 4:4

Yogo nogogwaarik, at Ala aloobut mbanak irip-irip malayikat negen kerub ogut ogobakkigirik kagak, oolo time at Aliku Omaawi Lombok Menggerak ALA wone yugu yonggolak nogo aakumi Iterali nen wa nawak nduk, nappiigo mbareegwa, aap Eli apuri ineebe mbere, Kopini Pinekat imbirak nogo inom nen wonok wogogwaarak.

1 Tamuwen 6:21

Yogo nogogwaarik, it aakumi Kiriyat-Yeyarim mendek nogo wone agago nappiigo logonet, “Aliku ALA aloobut mbanak nogo it aap Pilitin mendek nen muk iyokan nappi wagaarak yime wonage me, kiname time pi namunggup nduk, wa woraanip o,” yinuk, yonggo nappiyareegwaarak.

1 Tamuwen 7:1

Yonggo nappiigo mbareegwa, it aap Kiriyat-Yeyarim mendek nogo wogo nogogwaarik, at Aliku ALA aloobut mbanak nogo wonok aap endage Abinarap ame puurom time pi nogo nogogwaarik, at apuluk Eleyatat nogo, Aliku ALA aloobut mbanak arum logowak nduk, leenogo mippereegwaarak.