2 Tamuwen 6:15 - Ala Wone Peenok Peebi Mbanak

¹⁵ it aakumi Iterali abok aret inom iniki ale'nggen paga Aliku ALA aloobut mbanak nogo wonok, oone nggwok eekak trompet nogo oone pu eekwi, keekok yogwe, eerit wogogwaarak.

2 Tamuwen 6:15 Cross References

2 Tamuwen 6:14

Wogoge nagagerik, iniki ale'nggen nen kani kunik negen inikime wunuk ari logonet, Aliku ALA enggaanom paga kayin yawenak amuni mbanak yum agale warak epod nogo mban yirik logonet, kwirabik-kwirabok agan

2 Tamuwen 6:16

Aliku ALA aloobut mbanak nogo, wonok Ndawut agota unggwi wogo logonet, at Ndawut iniki ale'nggen nen at Aliku ALA enggaanom paga ku'mbo nagak ogut-togut warit wage at akwe Tawun apuluk Mikan nogo, pugagi ambe mbanak me nen enegen wunggage nagagerik, inikime nen, “Aap yi agan wage abu neebi a!” mbareegerak.

1 Mbinineegwaarak 15:16

Eeko logonet, it aap Lewi mendek inoweewi nen it inoreewi ndawi piyangga nen ndawi inale'nggen ariyak mendek tiyanggo logonet, nggitat inom, nggitat nggwok inom, togolowak tabak oone pu ndale eeka inom, eeko logorak mippiyaawak nduk, Ndawut nen yoragagerak.

1 Mbinineegwaarak 15:25

Leenogo piinok, at Ndawut inom, it Iterali inoweewi inom, it aap ineegin warak ineebe seribu lombok aago inoweewi inom, Aliku ALA aloobut mbanak me wone yugu yonggolak nogo, aap Obet-Erom ame nen inale'nggen paga wonok woraawok nduk, nogogwaarak.

1 Mbinineegwaarak 15:28

It aap Iterali mendek Aliku ALA aloobut mbanak me wone yugu yonggolak nogo, piyaninuk wogo logonet, inale'nggen nen keekok piyanggogwe, oone nggwok eeka trompet nogo oone pu eekwi, ndomba eyak paga oone eekwi, nggitat nggwok inom, mbuuluk inom, eekwi, togolowak tabak paga oone pu ndale eekwi, eerit wonok o Yerutalem wogogwaarak.

Ndawi 132:18

Ndi, at awim nogo inenggali ti, Yum yirik kwak nugu logowak nduk eeppiige, Eerigin kwe, At Ndawut perak, Endagembogut logonet wone lengganogo yorage menggim ti, Nggare-nggare kwak me, abinak lan ari logogin o,” Yinuk, yoreegindak nogo o!

Ndawi 149:5

Aliku ALA nen at apuri kenok Togop aret tiyappiige menggerak me, Aap at ake leenogo piyareegerak nogo inale'nggen mbakwi, It wu nogo yega'lek inale'nggen nen ndawi mban wakwi, Eeko logowak o.

Ndawi 150:3

Oone nggwok eeka trompet nogo oone pu eeko logonet, at tiyappugwi, Nggitat nggwok inom, mbuuluk inom, eeko logonet, at tiyappugwi,

Ndawi 47:1

Kit yi aakumi ndi aakumi wae. Kiniki ale'nggen nen kineenggi telak eekwi, “Ala iya o,” yinuk, kinale'nggen nen keekok yogwe, Eeko logonip o.

Yetikiyen 46:10

Aap endagembogut nogo ti, it aakumi unggwi wogwe iinok, inom aret unggwi wage, ndi, wundi nogwe iinok, inom aret wundi nage, eeke logowak o.

Abakuk 3:18

An perak, Aliku ALA paga nale'nggen nggwok mbake, Nagap ndaka nogoba Ala aret me, nale'nggen nen ndawi lubuk ari, Eeke logogin o.