2 Tamuwen 6:12 - Ala Wone Peenok Peebi Mbanak

¹² Ala aloobut mbanak nogo aap Obet-Erom ame wonage kenok, at inom menggaarak ineebe paga inom, at amendek paga inom, Aliku ALA ale'nggen inoba piige nogo aap endagembogut Ndawut yori wogo mbareegwa, at Ndawut nen Ala aloobut mbanak aap Obet-Erom ame wonage nogo, wa nage nagagerik, at Ndawut agota nogome wonok wogo logonet, inale'nggen mbarit wogogwaarak.

2 Tamuwen 6:12 Cross References

1 Endagembogut 8:1

Ne ti eyom paga aap endagembogut Talomo nen Aliku ALA aloobut mbanak me wone yugu yonggolak Ndawut Agota o Tiyon wonage nogo, piyaninuk woraawak nduk, aakumi Iterali inoweewi inom, it Iterali inogobamini wone kenaaka inom, it Iterali ndarak ndegek lombok inarum menggaarak inom, abok aret, “Nowagam o Yerutalem wa'nip o,” yinuk, yoragagerak.

1 Endagembogut 8:3

It aap Iterali inoweewi nogo abok aret kuwak ari wogo mbareegwa, it aap Ala unde kunduk, it Lewi mendek kunduk, nogo nen Aliku ALA aloobut mbanak inom, Ala inom lambungge menggim awooliya wurik inom, yi mendek ndi mendek inikime leenak menggerak inom, abok aret piyaninuk,

1 Mbinineegwaarak 15:15

Inabin koorogo patinuk, at Aliku ALA nen Muta yoge mbareegi, yoragagerak ndak-ndak, it Lewi mendek nen Ala aloobut mbanak ti, eyo eewu'nuk nega nonggonogo nappunuk, inuum paga piyaninuk, woraawak nduk, eereegwaarak.

1 Mbinineegwaarak 15:25

Leenogo piinok, at Ndawut inom, it Iterali inoweewi inom, it aap ineegin warak ineebe seribu lombok aago inoweewi inom, Aliku ALA aloobut mbanak me wone yugu yonggolak nogo, aap Obet-Erom ame nen inale'nggen paga wonok woraawok nduk, nogogwaarak.

1 Mbinineegwaarak 26:4

At Obet-Erom kunduk, apuri aap ndaganabeegerak nogo ti, manggu Temaya, at ambo'me Yotabat, at ambo'me Yowa, at ambo'me Takat, at ambo'me Netanen,

1 Mbinineegwaarak 26:5

at ambo'me Amiyen, at ambo'me Itakat, at ambo'me Pewuletayi aret ndaganabeegerak. At Ala nen ale'nggen Obet-Erom oba pege logonet, apuri aap ineebe lambunik 8 aret wogoreegerak.

2 Mbinineegwaarak 5:2

Pi unggwage nagagerik, aap endagembogut Talomo nen Aliku ALA aloobut mbanak me wone yugu yonggolak Ndawut Agota o Tiyon wonage nogo, piyaninuk woraawak nduk, aakumi Iterali inoweewi inom, it Iterali inogobamini wone kenaaka inom, it Iterali ndarak ndegek lombok inarum menggaarak inom, abok aret, “Nowagam o Yerutalem wa'nip o,” yinuk, yoragagerak.

Matiyut 10:42

Ndi, kit nen, Yetut oone waganggwi me, yinuk, wologwe mbuulogwe yi mendek ambi, niyo miin toologo wogogwi kiinok ti, onggo kolaamunggup lek ti lek o. Kolaamunggup aret o, yinuk, abet aret yokkiragi o,” yoragagerak.