Ari nogwe iigak, aap endagembogut nen aap o Nggat mendek Itayi nogo yoge logonet, “Kat kawi alom paga nen mbo pagareegwaarak ninenggela'me aap nggiru negen ari wagagindak me, nonggop nduk ninom nogo ogoorik? Kat ninom yaye mbanggak nugu logowok o, yokkiriyak op aret kwe, kat yogondak iluk aret neya wagandak o. Ndi, an kunduk, noorak neenggo'lek me, aap endagembogut Abatalom ti, kimbirak logonok nduk, kiyokan nage logonet, kowe-kawot wogoren aret nak o. Ndi, nage keegak, at Aliku ALA kabuwa nen liirogon ndegenggake logowak o.”
2 Tamuwen 6:10 - Ala Wone Peenok Peebi Mbanak10 Ari nagagerik, “Ala aloobut mbanak yi, o an nagota time wonok pi noorak neebi o,” ari nagagerik, aap Nggat mendek endage Obet-Erom ame time pereegerak. See the chapter |
2 Tamuwen 6:10
11 Cross References
at Ndawut nen it ineegin warak nogo wim eeri nawak nduk, aap ambi eerak at Yowap nen wogoren nawak nduk koonogo piige, ambi eerak Yowap awuluk kwe Teruya aagaluk Abitayi nen wogoren nawak nduk koonogo piige, ambi eerak aap o Nggat mendek Itayi nen wogoren nawak nduk koonogo piige, eeppiige nagagerik, yorage logonet, “Kit ninom aret wim eeri nawok o.”
ndi, it inabu'me logonet, inom eeko logorak inoreewi inendage Takariya inom, Yaatiyen inom, Temiramot inom, Yekiyen inom, Uni inom, Eliyap inom, Mbenaya inom, Maateya inom, Matika inom, Elipele inom, Mikeneya inom, ndi, tu unggwogo menggam arum waka Obet-Erom Yeyiyen imbirak inom, mippiigwi, eereegwaarak.
it aap Ala unde Tebaniya inom, Yotapat inom, Netanen inom, Amatayi inom, Takariya inom, Mbenaya inom, Eliyetet inom, nen Ala aloobut mbanak enaame time oone nggwok eeka trompet nogo oone pu eekwi, it Obet-Erom Yekiya imbirak kunduk, Ala aloobut mbanak tu pekka unggwogo menggam arum wakwi, eeko logowak nduk, leenogo piyareegwaarak.
inarum logorak inowe Atap mippege, at abu'me Takariya mippege, ti'nuk, inawuri Yeyiyen, Temiramot, Yekiyen, Matika, Eliyap, Mbenaya, Obet-Erom, ambi endage Yeyiyen nogo mippiige, eereegerak. Eeke nagagerik, it ando nogo ti, nggitat mbuuluk mendek inom, nggitat nggwok mendek inom, eekwi, aap Atap nogo togolowak tabak oone pu ndale eekak nogo eeke,
Advertisements