2 Tamuwen 5:25 - Ala Wone Peenok Peebi Mbanak

²⁵ Yoge mbareegi, at Aliku ALA nen Ndawut yoreegerak nogo ndak-ndak aret eeke logonet, it aap Pilitin mendek nogo inoorit o Nggeba nen nok, o Nggetet kuli piya nagagerak.

2 Tamuwen 5:25 Cross References

2 Tamuwen 8:1

Ti'nuk peebi, at Ndawut nogo it aakumi Pilitin mendek inom wim nambuke logonet, tebenogo piinok, it Pilitin wonogwe inawi kota nggwok taganak nogo tebenggolagagerak.

1 Mbinineegwaarak 14:16

Yoge mbareegi, at Ala nen Ndawut yoreegerak nogo ndak-ndak aret eeke logonet, it aap wim eeka Pilitin mendek nogo, inoorit o Nggibeyon nen nok, o Nggetet kuli piya nagagerak.

Wundeegwaarak 12:28

Alut eeppunuk, iname nogo nogogwaarik, Aliku ALA nen it Iterali eeko logowak nduk, Muta Karun imbirak yoragagerak nogo ndak-ndak aret eereegwaarak.

Yetaya 28:21

Aliku ALA nen inigen kogolik mendek eeke menggerak nogo aret eeke, At eerubok mendek eeke menggerak nogo aret eeke, Eerikit nduk, At Puut Peratim paga mi'na'nuk eereegi kwak eeke, O Nggibeyon kobappaga anini nen pilak yinuk eereegi kwak aret eeke, Eerigin me,

Yotuwa 10:33

Ti eekwi iigak, o Nggetet mendek inowe endagembogut Koram nen it aap Lakit mendek yeenggwaaroorak nduk, eeri wagagerak mendek, at Yotuwa awuri inom nen aap endagembogut ti inom, awuri ineegin warak inom, ambi teppiyoolik tigitogon aret inoorogo piyareegwaarak.

Yotuwa 12:12

Ambi o Egolon mendek, ambi o Nggetet mendek,

Yotuwa 16:10

Togop kwe, aakumi Kanan mendek o Nggetet wonogogwaarak nogo mugogo wumbiyoolik me, aakumi Kanan mendek ti, it Eparayim mendek inom wonogo logonet, it inake yabu eeppiigwi o yogondak wonogwe aret o.

Yotuwa 18:24

Kepat-Kaamonayi, Opini, Nggeba aret me, lambuk togon kota 12 enaagan-ambokan yaga'lelo mbuulogwe inom aret kologwe,

Yotuwa 21:21

O Eparayim nggelok-nggobok me aap ambi wappunuk, wakwi iyo, agap ndakko'nok unggwage logowam kota Tikem inom, kota Nggetet inom,