2 Tamuwen 5:20 - Ala Wone Peenok Peebi Mbanak

²⁰ Yoge mbareegi, at Ndawut nogo o endage Mba'an-Peratim nage nagagerik, it aap Pilitin nogo aret tebenogo piinok, at Ndawut nen ari logonet, “Niyo wu'nuk nage menggi kwak, at Aliku ALA pilak ari logonet, aa'nduk a'nuk, nawim tebenogo piinet nagaarak o,” yereegerak kenok, o endage, Mba'an-Peratim, aret toonogo pereegwaarak.

2 Tamuwen 5:20 Cross References

2 Tamuwen 19:9

Iterali ineegin warak mbaganit iname lombok nogogwaarak nogo inanebunu abok aret it mban-mban wone wako logonet, “Aap ninowe endagembogut Ndawut nogo ninawim ineenggime nen ndinninake, it aakumi Pilitin mendek ineenggime nen ninagap ndake, eereegerak kwe, at Abatalom paga o yime nen nit mbo pinaninuk mbagangge,

1 Mbinineegwaarak 14:11

Yoge mbareegi, at Ndawut nogo awuri inom o endage Mba'an-Peratim nage nagagerik, it aap Pilitin nogo aret tebenogo piinok, ari logonet, “Niyo wu'nuk nage menggi kwak, at Ala pilak ari logonet, eeppanege kagak, nawim tebenogo piinet nagarak o,” yereegerak kenok, o endage, Mba'an-Peratim, aret toonogo pereegwaarak.

Ndawi 60:1

Ala wae. Keebi ninomba'nuk mbo pinanege, Ninobak wurik ndengganogo pege, Kanini ninoba pinanege, Eekendak kwe, Aa'nduk obeelom wonogogu kwak Yogondak togop aret eeppinanu o.

Yetaya 28:21

Aliku ALA nen inigen kogolik mendek eeke menggerak nogo aret eeke, At eerubok mendek eeke menggerak nogo aret eeke, Eerikit nduk, At Puut Peratim paga mi'na'nuk eereegi kwak eeke, O Nggibeyon kobappaga anini nen pilak yinuk eereegi kwak aret eeke, Eerigin me,

Abakuk 3:13

Kat kapuri inagap ndariyak nduk wundi wage, Kapuri leenogo piyareegindak nogo, inagap ndarikit nduk wage, Eeke logonet, It aap maluk eeko menggam wonogwe inowe nogo, aan lebenogo pege, It at awuri inom nege abok aret lek eerogo piige, Eereegindak o.