2 Tamuwen 5:17 - Ala Wone Peenok Peebi Mbanak

¹⁷ It aap Pilitin mendek nen, “At Ndawut Iterali inowe endagembogut logowak nduk, amburu eerogo mippegaarak o,” yogwe nogo, inaruk konenggo nogogwaarik, Ndawut eebe pigaawok nduk, ineebe apit kombogonak wogogwaarak at Ndawut nogo aruk konengge nagagerik, yugum pak wurogo pereegim unggwi nagagerak.

2 Tamuwen 5:17 Cross References

2 Tamuwen 21:15

Ti'nuk, peebi ne ambi paga it Iterali mendek nen Pilitin mendek inom wim nggagambunuk, at Ndawut awuri inom nogo nogogwaarik, Pilitin mendek inom nambuko logonet, at Ndawut nogo omaawi lek agagerak wonage me,

2 Tamuwen 23:14

Ka nogo mbareegwa, at Ndawut inom yugum pak wurogo pereegim wonogwe, ndi, it Pilitin mendek wim nambuka ando o Mbe'lekem wonogwe, eekwi iigak,

2 Tamuwen 5:16

Elitama, Eliyara, Elipelet aret.

2 Tamuwen 8:1

Ti'nuk peebi, at Ndawut nogo it aakumi Pilitin mendek inom wim nambuke logonet, tebenogo piinok, it Pilitin wonogwe inawi kota nggwok taganak nogo tebenggolagagerak.

1 Mbinineegwaarak 11:16

Ka nogo mbareegwa, at Ndawut inom yugum pak wurogo pereegim time wonogwe, ndi, it aap Pilitin mendek wim nambuka ando o Mbe'lekem wonogwe, eekwi iigak,

Iberani 11:33

It aap ti, Ala nen yoragagerak abet mbareegwaarak paga, it aap inendagembogut inabu'me piigo menggam tebenogo piigwi, obeelom eerit nogo logonet, a'me nggelok eeko logowak nduk, koonogo piigwi, Ala nen yoragagerak nogo ndak-ndak aret waganggwi, aakumi inooka singa nogo inambe keele maarogo piigwi,

1 Tamuwen 29:1

It Pilitin mendek wim eeka nogo apit aret o Apek time kuwak eekwi, ndi, aakumi Iterali mendek nogo o Yiteren niyo eneerime koorok time inawooliya wukkologwe, eereegwaarak.