2 Tamuwen 4:9 - Ala Wone Peenok Peebi Mbanak

⁹ Yogo mbareegwa, at Ndawut nen aap awi Mbeerot mendek Irimon apuri Mbaana Erekap imbirak yorage logonet, “An aaninggin-paaninggin noba wonage kenok, nagap ndaka eenik menggerak Aliku ALA endage kumbunuk, wone ambi yokkira o.

2 Tamuwen 4:9 Cross References

2 Tamuwen 4:2

At Tawun aput Itibotet awuri o maluk eeka inoweewi mbere, aap anebunu Mbeniyamin mendek Irimon apuri ambi Mbaana, ndi, ambi Erekap me, inawi alom o Mbeerot aret wonogogwaarak. It aakumi o Mbeerot nogo nen kole mbaganit o Nggitayim ari nanuk, time aap nggiru negen ye mbambatinuk, yogondak wonogwe aret o. Ndi, inanggween o Mbeerot nogo ti, Mbeniyamin mendek inanggween ando aret agagerak.

1 Endagembogut 1:29

Mi'ndak wonage kagak, aap endagembogut Ndawut nen kwe nogo yoge, “An nen kat yokkege logonet, An aakumi inowe nendagembogut nobaane'me kat kaagaluk Talomo aret endagembogut a'nuk Iterali wone lengganogo yorage logogin o, yinuk, at Aliku Iterali inogoba Ala endage paga wone kumbuk mbanogo yokkereegirak nogo, o yogondak aret mippigin abet mba'nok nduk, aaninggin-paaninggin noba wonage me, nagap ndaka eenik menggerak Aliku ALA endage paga yokkigi o.”

Ndawi 103:4

Kambunuk nogo menggam mbuun ambena wambi nage me, non mbanogo pagage, Kabuwa lombok nen iniki kunik mban eekkake,

Ndawi 106:10

Ineebi inombaka ineenggime nen inagap ndake, It inawim ineenggime nen wondet eerogo piige, Eereegindak o.

Ndawi 107:2

Aliku ALA nen aakumi inagap ndarogo piige, Inom ogoorak ineenggime nen wondet eerogo piige, Oonegen lagi wage menggim nen, Oonegen kilu yi nage menggim nen, O omarip paga pa'nggwe nen, o ame paga pa'nggwe nen, Yi awi ndi awi abok nen, Kuwak eerogo piya wage, Eeginabeegerak nogo nen wone ti, yogo logowak o.

Ndawi 34:17

It aap iniki abe koonak nogo nen inoone nggwok paga at yogwi iinok, Aliku ALA nen aruk konengge, Aaninggin inoba wonage nogo teeluk eerogo piige, Eeke menggerak o.

Ndawi 34:22

At Aliku ALA nen, At ayeloman mini nogo wondet eerogo piige, Ndi, ineebe op logowok nduk abu'me ari unggwogwe nogo Aaninggin inoba kwippiiga'lek teppiige, Eeke menggerak o.

Ndawi 69:18

Neya wage logomenggendik, nagap ndake, Nawim ineenggime nen wondet eerogo panege, Eeru o.

Ndawi 71:23

Nagap ndarogo paneegindak an nogo nen Ndawi paga kalut eeke logonet, Niniki ale'nggen lombok nen kuum-keek ari logogin o.

1 Tamuwen 26:24

O yogondak yi paga an nen, Nogoba aret me, yinuk, kat koorulik keenik teppagagirak ndak-ndak, an maluk noba age kero, at Ala nen, Naput aret me, yinuk, nagap ndarogo nili yuwak o,” yoreegerak.