2 Tamuwen 4:2 - Ala Wone Peenok Peebi Mbanak

^2-3 At Tawun aput Itibotet awuri o maluk eeka inoweewi mbere, aap anebunu Mbeniyamin mendek Irimon apuri ambi Mbaana, ndi, ambi Erekap me, inawi alom o Mbeerot aret wonogogwaarak. It aakumi o Mbeerot nogo nen kole mbaganit o Nggitayim ari nanuk, time aap nggiru negen ye mbambatinuk, yogondak wonogwe aret o. Ndi, inanggween o Mbeerot nogo ti, Mbeniyamin mendek inanggween ando aret agagerak.

2 Tamuwen 4:2 Cross References

2 Tamuwen 23:37

Aap Amon mendek Telek inom, Aap Mbeerot mendek kwe Teruya aagaluk Yowap eegin-ombambile wonok nega Nakarayi inom,

2 Tamuwen 3:22

Aap Abenet nogo, Ndawut imbirak o Keboron wonagagerik, at Ndawut nogo nen warulik iniki ugun woraawak nduk, nappi wagagerak wage kagak, Yowap inom, Ndawut awuri wim eeka inom, wim nambuppunuk iniyokan nogo logonet, yi mendek ndi mendek kugun wogo nogo apit aret wonok nogogwaarak.

2 Tamuwen 4:5

At aap Itibotet nogo, o liingge ame time windak wonage me, it aap o Mbeerot mendek Irimon apuri Erekap Mbaana imbirak mo telek togon pege kagak, at ame nogogwaarak.

2 Tamuwen 4:9

Yogo mbareegwa, at Ndawut nen aap awi Mbeerot mendek Irimon apuri Mbaana Erekap imbirak yorage logonet, “An aaninggin-paaninggin noba wonage kenok, nagap ndaka eenik menggerak Aliku ALA endage kumbunuk, wone ambi yokkira o.

2 Endagembogut 5:2

Ndi, it aap o a'nggan wagangga Aram mendek nen Iterali inom wim eeko logonet, kolaga Iterali mendek ambi kugun wonok nogogwaarak me, at Naman akwe ake yabu eeke nagagerak.

2 Endagembogut 6:23

Yoge mbareegi, aap Iterali inowe endagembogut nogo nen inabugo laago nggwok lappunuk, inagi-inambi abu aret nonggo mbareegwa, iname nappiige mbareegi, inogoba wonage me iniyokan nogogwaarak. Ti eereegerak paga it aap o a'nggan wagangga Aram mendek nen Iterali wonogwe me, ambinom unggwi wogo logolik o.

Yotuwa 18:25

ndi, kota Nggibeyon, Arama, Mbeerot,

Yotuwa 18:26

Mitapa, Kepira, Mota,

Yotuwa 9:17

ti eyom paga aret nogo mbere yegak ko'lu aakumi ti, iname kota-kota Nggibeyon inom, Kepira inom, Mbeerot inom, Kiriyat-Yeyarim inom, aret pegiya nogogwaarak.