2 Tamuwen 3:39 - Ala Wone Peenok Peebi Mbanak

³⁹ Kinowe nendagembogut an aret amburu eerogo mippanggerak kwe, nomaawi lek aret wonage neegak, kwe Teruya aagalogwe yi, inomaawi ambik aret agaarak me, at Aliku ALA nen it maluk eeppegaarak nogo, onggo ndak-ndak aret eeppiige logogin o,” yinuk, yoragagerak.

2 Tamuwen 3:39 Cross References

2 Tamuwen 16:10

Yoreegerak kwe, aap endagembogut nogo nen at Abitayi yoge logonet, “Kwe Teruya aagalogwe yi wae. An eeppanugwi nogo ti, kit kinobaalombok nen kooniyak lek o. At Aliku ALA nen, Ndawut pulunogo pu o, yoge paga pulunogo panugwi kenok, Nonggop nduk eeko ogotik o, yinuk, aap ta nen yoroorak mbakop?”

2 Tamuwen 19:13

yorogo logomonggotik, aap Amata yoriyak nogo yi o. Kat an namiya mogonik nogo lek a? Namiya mogonik aret me, an nawuri ineegin warak inowe Yowap obaane'me mippagage lek neenok, Ala nen aaninggin alik lombok noba panukwak, o yogondak kuli nen nok, kat aret logonok nduk mippagagi, yegerak, yo'nu o,” yinuk, agago nappiya wagagerak.

2 Tamuwen 19:22

Ari mbareegi, at Ndawut nen onggo yoge logonet, “Kwe Teruya aagalogwe kit yi, wone at yegerak yi ti, an nobaalombok kagak, kit nonggop nduk ninom ogookkologo ogotik? An yogondak iluk yi aret aakumi Iterali inowe nendagembogut ari nage neegak, aap Iterali mendek ambi wariyak nduk, yogo ogotik?”

2 Tamuwen 3:38

Ti'nuk, at endagembogut Ndawut nen inom yabu eeko menggaarak nogo yorage logonet, “O yogondak yi paga aap Iterali inowe nggwok ambi kanggerak kineenggo'lek a?

1 Endagembogut 2:32

At Yowap nen an nogoba Ndawut eenggo'lek kagak, aap Iterali ineegin warak inowe Net aput Abenet inom, aap it Yekura ineegin warak inowe Yetet aput Amata inom, at Yowap obaabut ndak-ndak lek it imbirak inobaabut abu abe li'lak mban eeko menggaarak iigak, at awooluwak paga inooreegerak me, inamiya kilireegerak ti, inane'me at Aliku ALA nen at aret eeppigin o.

1 Endagembogut 2:9

An togop aret yoreegirak kwe, kat aap kiniki warak me at eeppuurak mbaremenggendak nogo eeppege logonet, at eeppaneegerak wonage kagak, kat nen, Oba lek o, yinuk, teppege keenok, iniki ugun nege logomenggerik, at eeruwak kenen mbambunuk, kambunuk nogo menggam enaani nawak nduk, teppuurak mage o. Ata, amiya tene agan aret unggwi nawak nduk, eeppunu o,” yinuk, yoreegerak.

1 Mbinineegwaarak 22:5

At Ndawut iniki mbake logonet, “An naput Talomo nogo awo tawe o wuke eenggo'lek me, ndi, yi aakumi ndi aakumi nen, Aliku ALA awi wurik yi, abu nggwok eyo abe omaawi paga lombok wurik yi, iya! yinuk, pi wakwi, abok agan yi o ndi o wiganinuk nogwe, eeko logowak nduk, wuriyak me, an nen yi mendek ndi mendek abe mban pipuk eerogo pege logi o,” mba'nuk, at Ndawut nogo awo kangga'lek logonet, Ala awi wuriyak yi mendek ndi mendek abok aret mondok li'luk eerogo pereegerak.

1 Mbinineegwaarak 29:1

Yoge nagagerik, at Ndawut nen it aakumi kuwak ogogwaarak nogo abok aret yorage logonet, “O nggwok abe wuriyak nogo ti, aakumi inawi wuriyak lek Aliku Ala awi lombok wuriyak me, aaninggin ambik wonage. Ndi, at Ala nen an naput Talomo miirogo pereegerak nogo, yi eeriyak ndi eeriyak liippega'lek eebe awo tawe me,

2 Mbinineegwaarak 13:7

aap iniki lek a'nggan wogonaka inom a'nuk, aap Talomo aput Erekabeyam awo tawe me iniki kwippunuk ko wakak yuurak meek kenok, Kat ninowe endagembogut logorak lek o, yinuk, inom ogookkologogwaarak.

Ndawi 101:8

O kubondendok age paga Aap maluk mendek o yime wonogwe abok aret Ineebe lek eerogo piige, Ndi, it maluk eeka abok aret Kaliku ALA kagota nen inenggaawak lek eerogo piige, Eekak mban eeke logomunggun o.

Ndawi 28:4

It maluk eerit nogwe nogo inom, Inobaabut nggolawe nen eerit nugwi nogo inom, Onggo eeppiige, Yi maluk ndi maluk eerit nugwi nogo onggo eeppiige, Eekaarak ndak-ndak aaninggin inoba piige, Eeru o.

Ndawi 62:12

Ndi ambi, Nogoba wae. “Kat aakumi inabuwa lombok mbarit nage, Eeke menggendak,” Konenggirak me, Aakumi eekaatak ndak-ndak aret Onggo eeppiige logomunggun abet mbake agarik o.

Ndawi 7:16

Aakumi maluk eeppiyoorak koonemenggerak nogo yungguk togon at aret oba kwippake, Anini paga eeppiyoorak mbaremenggerak nogo melak togon yugum negen anobak paga kwi'nage, Eeke menggerak o.

Ndawi 75:10

It aap maluk mendek inomaawi nogo, at Ala nen lek eerogo piige logonet kwe, It aap iniki abe koonak nogo perak, inomaawi ambik eeppiige logogin o.

Wundeegwaarak 21:12

Yoge nagagerik, wone ambinom yoraawak nduk, yoge logonet, “Aap ambi nen aap ambi waremenggerak kangge kenok, onggo at aret warogo puwak o.

Kini Wuppiige 20:8

Aap endagembogut nen aakumi inowak looninake menggim kwi'nari lagangge nagaatik, Aap maluk eekaatak abok aret yelok iinet nage menggerak.

Kini Wuppiige 25:5

Aap maluk mendek aap endagembogut owagam nen leenogo wumbiige kenok, a'me nggelok eerit namenggerak paga at wone lengganogo yorage menggim nogome omaawi aret age menggerak.

Yetaya 3:11

Aap maluk mendek ti, maluk inoba arigin me, inabuwa o! It nen aakumi maluk eeppiigo nogogwaarak nogo ndak-ndak eeppiyaagin me, inabuwa o!

Yetaya 7:4

Kinom lambumbunuk wone yoriyak nogo yi aret. Kani arowa mbere ka'luk ndi wuke kwak aap Eretin awuri aap Aram mendek inom, aap Eremaliya aput nogo inom, inanini mbakwi paga agabiti nen iniki lek-lek eeke ti mage o. Ata, iniki nu'lek eeppunuk ogogumbuk logowak o.

Yeremiya 38:5

Yogo mbareegwa, at aap endagembogut Terekiya nen onggo it yorage logonet, “Kit eeriyak yogwe ti, nendagembogut an nen non mbanogo pinagarak meek me, at eeppuurak mbakotak nogo kinobaalombok eeppumunggup o.”

Ndaniyen 6:16

Yogo mbareegwa, at aap endagembogut nogo nen, “Ndaniyen wa nanuk, mbuun ambena singa wonogwe me mbo wuppinip o,” yoragagerak wuppugwi iigak, “Kat ko'lu-kii'me alut eekak mban eeke menggendak kogoba Ala nogo nen aret kagap ndarigin o,” yinuk, at aap endagembogut nogo nen Ndaniyen yoreegerak.

Linggineegwaarak 32:23

Ndi, wone yogotak nogo ndak-ndak eerumunggup lek kenok perak, Aliku ALA aret maluk eeppumunggup me, Kinomaluk nen eyak nibingginabi woraagin, abet aret mbako logomunggup o.

2 Timotiyut 4:14

Aap mbuti paga yi mendek ndi mendek ogobakkigika Alekandet nogo nen nit wone yorogo monggoorak at mondok eebi lombok mbake logonet, maluk iya tit eeppaneegerak me, kat kunduk maluk eeppagukwak, tum wake logot o. At eeppaneegerak nogo ti, nogoba nen onggo ndak-ndak wogorigin o.

Owak Loongga 9:57

ndi, it aap Tikem mendek maluk eeko nogogwaarak onggo Ala nen eeppiige, eereegerak. Ti eereegerak nogo ti, aap Yeru-Mba'an apuluk Yotam nen pulunogo piyareegerak nogo aret agagerak.