2 Tamuwen 3:27 - Ala Wone Peenok Peebi Mbanak

²⁷ Wonok o Keboron nogo mbareegwa, at Yowap nen imbirak inalik wone mbaniyak negen eeppunuk, wonok tu unggwogo menggam taati ari nanuk, “Nawuluk ane'me wari o,” yinuk, aanogum me ndut kenenak paga linggage mbareegi, taati aret kambeegerak.

2 Tamuwen 3:27 Cross References

2 Tamuwen 13:26

Ale'nggen oba pereegerak kwe, kagak at Abatalom nen ogoba yoge, “Kat noorak meek kenok, noweeluk Amonon ninom nawok nduk, E, yo'niru o.” Yoge mbareegi, at ogoba nen, “At nano eeriyak nduk kinom noorak?”

2 Tamuwen 19:13

yorogo logomonggotik, aap Amata yoriyak nogo yi o. Kat an namiya mogonik nogo lek a? Namiya mogonik aret me, an nawuri ineegin warak inowe Yowap obaane'me mippagage lek neenok, Ala nen aaninggin alik lombok noba panukwak, o yogondak kuli nen nok, kat aret logonok nduk mippagagi, yegerak, yo'nu o,” yinuk, agago nappiya wagagerak.

2 Tamuwen 3:26

Yoge nagagerik, Ndawut nogo teppunuk, Abenet woraawak nduk, aap yonggo nappiya wagagerak. Yonggo nappiya wagagerak wogo nogogwaarik, Abenet nogo niyo nggween kabunik me Tira taati inom lambumbunuk, Ndawut eenggo'lek kagak wonok iniyokan nogogwaarak.

2 Tamuwen 3:28

Wareegerak nogo at Ndawut aruk konengge nagagerik, ari logonet, “An inom, it nabu'me wonogo menggaarak inom, nogo nen aap Net aput Abenet amiya wumbuulik at Aliku ALA eenu aret me, amiya nit nineenggi paga logogin mondok lek o.

2 Tamuwen 4:1

At Abenet o Keboron warogo pereegwaarak at Tawun aput Itibotet aruk konengge nagagerik, omanggen tayok ari, ndi, it Iterali mendek iniki ma'nogwe, eereegwaarak.

1 Endagembogut 2:32

At Yowap nen an nogoba Ndawut eenggo'lek kagak, aap Iterali ineegin warak inowe Net aput Abenet inom, aap it Yekura ineegin warak inowe Yetet aput Amata inom, at Yowap obaabut ndak-ndak lek it imbirak inobaabut abu abe li'lak mban eeko menggaarak iigak, at awooluwak paga inooreegerak me, inamiya kilireegerak ti, inane'me at Aliku ALA nen at aret eeppigin o.

1 Endagembogut 2:5

Ndi, at kwe Teruya aagaluk Yowap nen an eeppaneegerak nogo kat keenu areto. At Yowap nen it Iterali ineegin warak inoweewi aap Net aput Abenet inom, aap Yetet aput Amata inom, wim nambuko logonet mban inooko menggaarak kwe, wim nambuka'lek it imbirak ugun wonogwe iigak, inooreegerak inamiya kiluk ari mbareegi, kambeegwaarak ti paga, at agabee'le paga inom, iyok ogut paga inom, inamiya yibuk-labuk eerak aret wonage me,

1 Mbinineegwaarak 27:21

Anebunu Manate mendek peenok mogonak o Nggileyat wonogwe inowe ti, at Takariya aput Yiro aret. Anebunu Mbeniyamin mendek inowe ti, at Abenet aput Yaatiyen aret.

Kini Wuppiige 26:26

Anini nen aap eeppiyoorak mbake nogo ti, kumaarak kagak oone abe agan nage menggerak kwe, Maluk eebe eerit nage paga perak, aakumi abok inigen kogo menggaarak.

Yeremiya 41:2

Netaniya aput Itimayen aap ineebe 10 nogo inom mi'na'nuk, aap Mbaben mendek inowe endagembogut nen o Yekura unde logowak nduk mippereegerak aap Tapan ombooluk Akikam aput Nggeraliya nogo, wooluwak paga mondok aret warogo pereegwaarak.

Linggineegwaarak 35:19

Aap ane'me wariyak yugu nogo ti, at aap amiya eenggi paga eeremenggerak nogo imbirak lambungge kenok, onggo at aret waruwak o.

Linggineegwaarak 35:20

At aap ambi anini nen aap alik ambi pelenogo nappemenggerak kangge kenok a, Warikit, mba'nuk, yawi paga waremenggerak kangge kenok a,

Pelaareegerak 27:24

Aap ambi nen oreeluk kote warogo pege kenok, pulunik aret logowak o, yogwe iinok, It aakumi abok nen, Abet aret o, yogwe,