2 Tamuwen 3:22 - Ala Wone Peenok Peebi Mbanak

²² Aap Abenet nogo, Ndawut imbirak o Keboron wonagagerik, at Ndawut nogo nen warulik iniki ugun woraawak nduk, nappi wagagerak wage kagak, Yowap inom, Ndawut awuri wim eeka inom, wim nambuppunuk iniyokan nogo logonet, yi mendek ndi mendek kugun wogo nogo apit aret wonok nogogwaarak.

2 Tamuwen 3:22 Cross References

2 Tamuwen 3:23

Nogo mbareegwa, “Aap Net aput Abenet nogo, aap endagembogut Ndawut wonage me wage mbaki, Ndawut nen, Kiniki ugun aret nak o, yinuk, nappegerak o,” yinuk,

2 Tamuwen 4:2

At Tawun aput Itibotet awuri o maluk eeka inoweewi mbere, aap anebunu Mbeniyamin mendek Irimon apuri ambi Mbaana, ndi, ambi Erekap me, inawi alom o Mbeerot aret wonogogwaarak. It aakumi o Mbeerot nogo nen kole mbaganit o Nggitayim ari nanuk, time aap nggiru negen ye mbambatinuk, yogondak wonogwe aret o. Ndi, inanggween o Mbeerot nogo ti, Mbeniyamin mendek inanggween ando aret agagerak.

1 Tamuwen 27:8

It aakumi Nggetut mendek inom, Nggiriti mendek inom, Amalek mendek inom, it aap inanebunu ti mendek ti, maan o Tiyut kuli nen nok-nok, o Metit kuli inawi nenaarogo wuppatinuk wonogwe nogo, at Ndawut awuri inom inawi paga kwi'nari unggunuk, ineebe inoorogo piinet nogo nagaatik, inamendek ndinggologo nogogwaarak.