2 Tamuwen 3:1 - Ala Wone Peenok Peebi Mbanak

¹ Ndawut owe-awot inom, Tawun owe-awot inom, inom ogoo'na'nuk, wim nggaganggak mban eeko logonet, at Ndawut awuri inom ineegin tiyak ari, ndi, Tawun awuri inom ineegin tebek ari, eeko nogogwaarak.

2 Tamuwen 3:1 Cross References

Wakkagagerak 3:15

Ndi, kat waalo yi, kwe yi kimbirak ogoorak wonogwe, ndi, kit kimbirak ndaganabumonggotak kunduk ogoorak mban wonogwe, eeko logomunggup nduk, an Naliku Ala nen aret piyanogo pinagagi o. At kwe yi ndaremenggerak nogo nen kat kanobak aambelenogo pagage, ndi, kat nen at ndaremenggerak nogo iyok unggut keyak mbangge, eeko logomunggup o,” yoreegerak.

2 Tamuwen 2:17

Ne ti paga wim mondok eenggabit kumbunuk, nambuko logonet, at Ndawut awuri nogo nen Abenet inom, at awuri Iterali mendek inom, mondok inoorogo piyareegwaarak.

2 Tamuwen 2:28

Yoge nagagerik, at Yowap nen oone nggwok eeka trompet nogo oone pu eeke mbareegi, awuri nogo nen Iterali muguren nogwe, inom wim ambinom eekwi, eerulik puk aret ogogwaarak.

2 Tamuwen 22:44

It an mendek nen nooriyak wogwe me, nagap ndake, Yi aakumi ndi aakumi inowe logorak unde eeppanege, Eeke keegak, Aakumi neenggo'lek mendek nabu'me ari wogwe,

2 Tamuwen 3:6

At Tawun owe-awot inom, Ndawut owe-awot inom, ogookko'nok wim nambukwi iigak, at Abenet nogo nen Tawun owe-awot inom logonet, at mban iya mbako logowak nduk, ake mban koonggo'net nage nagagerak.

1 Endagembogut 14:30

Erekabeyam Yerobeyam imbirak wim mondok-mondok kunik aret eeko nogogwaarak.

1 Endagembogut 15:16

Ndi, it Yekura inowe endagembogut Ata inom, Iterali inowe endagembogut Mbayeta inom, inendagembogut logonet, imbirak wim mbanak aret wonogogwaarak me,

1 Endagembogut 15:32

It Yekura inowe endagembogut Ata inom, Iterali inowe endagembogut Mbayeta inom, inoweewi inendagembogut wonogo logonet, imbirak wim mondok kunik aret eeko nogogwaarak.

1 Mbinineegwaarak 11:9

Ndi, at Ndawut nogo, at Omaawi Lombok Menggerak Aliku ALA imbirak aret wonagagerak me, logonet-logonet omaawi arit wundi wage nagagerak.

1 Mbinineegwaarak 3:1

Ndawut o Keboron logonet, apuri aap ambo'me-ambo'me ndaganabeegerak nogo inendage yi o. Apuluk manggu ndarak ti, kwe Yiteren mendek endage Akinowam aagaluk aap Amonon aret. Ambokan ndarak ti, kwe Karemen mendek Abigayin aagaluk aap Ndaniyen aret.

Etet 6:13

Nage nagagerik, at eeriyak oba agagerak nogo akwe Tereti inom, oreewi inom, mbininogo yoragagerak. Yorage mbareegi, at inom wone koongga nogo inom, akwe Tereti inom, nen Kaman yogo logonet, “At Morekayi tiyappege kagak, kat tebek ari nogo ti, at aap Yakuri mendek aret me, tebenogo puurak nduk eeke keegak, kat panggombagayak ambi lek me, tebenogo patumunggun aret o,” yinuk, yoreegwaarak.

Ayup 17:9

Aap iniki abe koonak wonogwe nen it mugurok nogwe nogo aret mugurok nogwe, It aap maluk inikime kumaapporogo wonogolik kenok, iniki kole arit unggwage, Eeko logogun o.

Ayup 8:7

Li'luk eerogo pagage ti paga, Peebi logomunggun nogo ti, Mondok iya lombok aret logomunggun me, kat nen, Aa'nduk wonagagirak nogo ti, Meek negen aret wonagagirak kagi, Mbake logomunggun o.

Ndawi 18:43

Aakumi nen an nooriyak wogwe me nagap ndake, Yi aakumi ndi aakumi inowe logorak unde eeppanege, Eeke keegak, Aakumi neenggo'lek mendek nabu'me ari wogwe,

Ndawi 46:9

O nggween irip-irip abok aret Wim nambukwi lek eerogo pege, Ineegin kalenogo piige, Inawooluwak engget tugunogo piige, Wim eeka inanggweendo kani kungge, Eeke menggerak o.

Ndawi 84:7

Nogo logonet, inomaawi arit-arit O Tiyon kat Ala kenggaanom paga ari unggwogwe, Eeko menggaarak o.

Nggalatiya 5:17

Niniki maan mendek nen Aberiniki warikit mbake, ndi, Aberiniki nogo nen niniki maan mendek warikit mbake, eeko logonet, imbirak wim negen ogoorak togon wonogwe me, kit eeriyak mbarumonggotak nogo, eeriyak meek aret kaamunggup o.

Epetut 6:12

Wim ninom nambuko logonet, perenggologwe nogo ti, nit aap nggween paga mendek ninom nambukwi lek o. Ata, it inayuk warak o oolo yayi nugu logonet, aakumi nggween paga yime iniki o apit aago pogom wonogwe nogo, maluk eeruwak nduk, iniki nggaganggo menggaarak Tile inom, at awuri yi kugi ndi kugi inom, abok aret ninom wim nambuko logonet, perenggologwe me,

Wayu 6:2

nenegen neegak, kuda eeruwak yanggwi lombok me, amborowak paga aap ambi kwi'ndak eegin eenggime wage mbaki, “Aakumi tebembiya nak o,” yinuk, nggare-nggare ambi yippunuk, nappege mbaki, tebenogo piinet nage kagarak.