2 Tamuwen 24:4 - Ala Wone Peenok Peebi Mbanak

⁴ Yoreegerak kwe, aap endagembogut nen Yowap inom, aap ineegin warak inoweewi inom, oone nabenak mban yorage mbareegi, it nogo nen wim eeka Iterali inenggela'me wonogwe nogo, ineenggi linggininabi nawak nduk, aap endagembogut wonage me nen wundi nogogwaarak.

2 Tamuwen 24:4 Cross References

2 Tamuwen 24:3

Yorage mbareegi, at Yowap nen aap endagembogut nogo yoge, “At Aliku kogoba Ala nen aakumi Iterali o yogondak wonogwe yi kagak kwe, ambinom ne 100 kuli wokkege kenok, kat nogoba kalik nen kenegen iyoorak op aret kwe, ineebe linggininaburak ti, kat nowe kendagembogut nen nonggop nduk togop eeriyak mbakendak o?”

2 Tamuwen 24:5

Wundi nogo nogogwaarik, niyo Yoraran wunda nanuk, o Nggat kota Arowet koorok o ame pa'nggwe kobappaga time inawooliya wuppunuk, o Nggat mendek ineegin warak linggininakwi, o Yayetet mendek linggininakwi, eerit

1 Mbinineegwaarak 21:4

Yoreegerak kwe, at Yowap nen, “Aap endagembogut nen ari me, an nonggop yuurak o,” mba'nuk, aakumi Iterali wonogwe me abok aret ineebe eenggi linggininabit nege nagagerik, iyokan o Yerutalem wagagerak.

Wundeegwaarak 1:17

Wone togop aret lengganinabeegerak kwe, it kumi elege ndaganaka nogo nen Ala inagabiti mbako logonet, aap endagembogut Metit mendek nen yoragagerak nogo ndak-ndak inooko logolik ineenik teppiigo nogogwaarak.

Wundeegwaarak 30:12

“Aakumi Iterali ineenggi lingginogo inendage liiru mbanggwi eyom ti paga aaninggin ambi inoba arukwak me, inagap ndarak logowak nduk, it inalitik-inalitak Naliku ALA nake wu pogo logowak o.

Wone Alom Kibingga 8:4

Aap endagembogut wone lengganogo yorage kenok, “E o,” yinuk, eeko menggaarak me, “Kat nonggop nduk, yagandak o?” yinuk, aap ta nen at yoriyak mbakop?

Nappiigak 5:29

Yorage mbareegi, at Peterut inom, it nappiigak ando nogo inom, nen wone onggo yorogo logonet, “Ninogobamini o. Aakumi nen yo'nirogwe ti, nit koneniyak lek o. Ala nen yo'nirage kenok mban koneniyak o.