2 Tamuwen 24:14 - Ala Wone Peenok Peebi Mbanak

¹⁴ Yoge mbareegi, Ndawut nen Nggat yoge logonet, “Ai. Togop eeppaniyak ti, niniki aaninggin lombok ee'nake kwe, aakumi ineenggi paga nen eeppaniyak ti mage o. Ata, at Aliku ALA nen ninabuwa nggwok lombok mbake me, at eenggi paga nen eeppinanuwak o,” yoreegerak.

2 Tamuwen 24:14 Cross References

2 Tamuwen 9:8

Yoge mbareegi, at Mepibotet eebe tebe yinuk, yoge logonet, “Ai, nogoba. An kayeloman yi, abu meek lombok nggeewo kambak kwak wonage neegak, nonggop nduk, liippanegen o?” yinuk, yoreegerak.

2 Endagembogut 6:15

aap Ala wone liirogon eeka ayeloman nogo nen o kuubondendok eenik a'nuk, wundi nage nagagerik, aap wim eeka inom, kuda inom, nggweendo wim eeka inom, abok aret o kota wanggeppunuk wonogwe enegen iige nagagerik, Elita yoge logonet, “Nogoba o. Nit abu maluk eeppinaniyak nduk eekwi me nonggop eeruwi o?”

1 Mbinineegwaarak 21:13

Yoge mbareegi, Ndawut nen Nggat yoge logonet, “Ai! Togop eeppaniyak ti, niniki aaninggin lombok ee'nake kwe, aakumi ineenggi paga nen eeppaniyak ti, mage o. Ata, at Aliku ALA nen ninabuwa nggwok lombok mbake me, at eenggi paga nen eeppanuwak o,” yoreegerak.

Ndawi 119:156

Kaliku ALA wae. Kat mondok iya ninabuwa mbake menggendak me, Eekwi ndak-ndak eeppiigo logorak koone yugu ndak-ndak Aa'nduk nale'nggen wonagagi kwak eerogo panu o.

Ndawi 130:4

Kat nen ninomaluk lek eerogo mbo pege menggendak me, Kat paga ninagabiti kombako monggoorak o.

Ndawi 130:7

Togop me, kit Iterali yi wae. At Aliku ALA kinabuwa nen Iniki mondok kunik mban eekkinake, Eebi mbaka'lek wondet eerogo pinagagak mban eeke, Eeke logogin me, At paga kiniki lunik logonip o.

Ndawi 145:9

Aliku ALA ti, aakumi abok aret obeelom eeppiige, At nen ogobakkigirogo piyareegerak nogo Abok aret inabuwa mbake, Eeke menggerak o.

Ndawi 51:1

Nogoba Ala wae. Aakumi inabuwa lombok mbarit wundi wage menggendak ndak-ndak an nabuwa mbake, Aakumi kiniki kunik aganake menggendak me, Wone yugu taganogo punuk maluk eekirak yi, Lek eerogo panege,

Ndawi 86:15

Nogoba o. Kat aakumi inabuwa mbake, Kiniki yanggo yinuk eeppiige, Kiniki aan aganggenggwi lek kwi'ndak wonage, Aakumi kiniki kunik aganakak mban eeke, Yoraga'ndak nogo li'luk eeppiige, Eeke menggendak o.

Ndawi 86:5

Nogoba o. Kat Ala abu obeelom aret wonage, Aakumi inomaluk aberak wonageelik mari eerogo piige, Aakumi abok aret inoone nggwok paga yokkugwi iinok, Inabuwa lombok mbarit nage logonet inoone konengge, Eeke menggendak o.

Kini Wuppiige 12:10

Aap iniki abe koonak nen aanggumi abe logowak nduk ndegeninake menggerak kwe, Aap maluk mendek nen inaanggumi inabuwa mbakwi ti, inanini eeppiigwi ti aret.

Yetaya 47:6

It an napuri nanini inoba piige, Yate kwak niniki kundugu kwe, maluk eerogo piige, Eeke logonet, waganogo keenggime piige mbareegi, kat nen inabuwa mbaka'lek aaninggin inoba piige, Aap inanggok kunduk, eyo mbanak tapi enggaanok me kwippogo mengga kwak, aaninggin mondok iya inoba kwippiige, Eereegindak o.

Yetaya 55:7

It aap maluk mendek nen eerit nugwi nogo mbo pugwi, It aap iniki maluk nen eeriyak koonogo pit nugwi nogo teppugwi, Eeko logomenggaarik, Yungguninuk iniyokan Aliku ALA owagam woraawak o. Owagam wogwe iinok, Aliku ALA it inabuwa nen teppiige, Yungguk togon ninogoba Ala ka wogwe iinok, Ala nen inomaluk ambi teppigin lek abok aret mondok lek eerogo piige, Eerigin o.

Yeremiya 39:17

Aliku ALA nen ari logonet, Ne ti eyom paga at eebe aap at agabiti mbake nogo ineenggime piyaagin lek wondet eerogo pigin o.

Leendawi 3:22

Aliku ALA ninabuwa mbake logonet eeppinanege nogo ti, lek aga'lek eeppinanegak mban eeke, Iniki kunik lombok ee'ninake paga ninoorogo pinanega'lek teppinanege, Eeke menggerak ti aret.

Ndaniyen 9:9

Kat koone ari nogo, Eeriyak nineebi o, yinuk, mbo pogoorak kagak kwe, kat ninogoba Ala ninabuwa mbake logonet, ninomaluk lek eerogo pinanege menggendak o.

Yunut 4:2

Anini mbake nagagerik, Aliku ALA yoge logonet, “Kaliku ALA wae. Kat koone yanggorogon yo'nirage, nit aakumi ninabuwa mbake, kiniki aanaganggenggwi lek liippunuk eeppinanege, kiniki kunik lombok ee'ninabit unggwage, eekwi onggo aaninggin ninoba pinanege logonet, Yi eeppigi ao, yinuk, mbake, eeke menggendak an neenu me, an yime waga'lek name awo logonet, Time yora naminggirak kwe, Ala nen maluk eeppiyaagin lek teppiyaagin mbaki o, yinuk, yagarak nogo lek a? Alom ti paga an mbet-mbet aret kole mbaganit o Taritit nagagerak nogo o.

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Mika 7:19

Aa'nduk ninabuwa mbake nagagindak nogo ndak-ndak, yogondak ambinom ninabuwa mbake logonet, Ninomaluk kumaarogo kiyok libik-lebek eerogo pege, Nit maluk eeko nogogurak nogo abok aret niyo nggwok yenggenak laut nogo oolo kiiniki paga lombok mbo wuppege, Eerumunggun o.

Takariya 1:15

it yi aakumi ndi aakumi nen, Nit ugun obeelom aret wonogwe, mbakwi nogo, an nanini lombok inoba kwippiyoorak mbake agaarik o. Aa'nduk nanini mbuuluk eeppiyoorak mbareegirak kwe, eerit nugwi ti paga nanini nggwok lombok inoba kwippiyoorak mbake agarik, yegerak o.

Yaya 12:27

Yorage nagagerik, at nen ari logonet, “Yogondak niniki abu puru yegerak me, an nonggop yi o? Yogondak eeppaniyak koonggwi yi, eeppanugwi iyo, lek eerogo pu o, nogoba, yori ilik?” mbareegerak mendek, ti'nuk, ogoba yoge logonet, “Lek o. Yi eeppanuwak nduk aret wagagirak me,

Pilipi 1:23

An Keritut nimbirak logorak ti, op lombok mbake logonet, nggween paga yime mbo punuk, ka noorak, “Ao,” mbake kwe, kit ninom logonet eeppinagarak ambi wonage mban me, niniki abu mbere ee'nake o, noreewi.

1 Tamuwen 13:6

Wukkola wogo mbareegwa, it Iterali nen inigen iigo nogogwaarik, “It nen abu kup mbanninaburak eekwi me, nonggop eeruwi o?” yinuk, iniki ma'nogo nogogwaarik, mbaganit ndoome inom, yugum enoona inom, puut abu'me inom, mbuun ambena inom, niyo nggween kabunik me inom, kumaa'narit nogogwaarak.