2 Tamuwen 23:8 - Ala Wone Peenok Peebi Mbanak

⁸ At Ndawut awuri ineebe kenagan aap wim wakaa'ngget lombok inendage yi o. Aap Kakomoni mendek endage Itibaan it ineebe mbere nogo inowe logonet, awooluwak nutik aap delapan ratus inom wim nambuke logonet, ne ambit paga abok aret inooreegerak kambeegwaarak.

2 Tamuwen 23:8 Cross References

2 Tamuwen 10:7

Eeppunuk, Ndawut inom wim namburuwok nduk, it aap Amon mendek nogo iname nen wundi wogo nogogwaarik, it inawi kota tu unggwogo menggam taati ina koombunuk wonogwe iigak, it aap Aram mendek o Toba nen wogogwaarak inom, o Erekop nen wogogwaarak inom, it aap o Top mendek inom, aap Maaka mendek inom, wogogwaarak nogo nen o karume time inalik ina koombunuk wonogwe, eereegwaarak nogo at Ndawut aruk konengge nagagerik, aap Yowap awuri wim eeka wakaa'ngget abok aret it aakumi ti, inom wim namburuwak nduk, nappiyareegerak.

1 Endagembogut 1:8

Ala unde Tarok inom, Yoyara aput Mbenaya inom, Ala nen yoge kagak yoraga Natan inom, aap Timeyi inom, Ereyi inom, it aap Ndawut arum menggaarak inom, it nen, aap Aroniya kooneegerak nogo, “Eo,” yinuk, inom ari noolik.

1 Mbinineegwaarak 11:10

At Ndawut awuri wim eeka wakaa'ngget inoweewi lombok aakumi Iterali mendek inom nen Aliku ALA kooneegerak ndak-ndak, at Ndawut endagembogut logonet, wone lengganogo yorage menggim o time endak wa'narit nawak nduk, Ndawut yeenggwaago nogogwaarak.

1 Mbinineegwaarak 27:1

It Iterali mendek ndarak ndegek lombok inom, aap wim eeka ineebe seribu lombok aago inoweewi inom, aap wim eeka ineebe 100 lombok aago inoweewi inom, it inoweewi ti, wone lengganinaka inom, nen aap endagembogut unde menggim ambi eeriyak age kenok, tahun ambi eekak tut ambi penengge paga aap ambi aago eekwi, tut ambi penengge paga aap ambi aago eekwi, eeko nogogwaarak ineegin warak ineebe dua puluh empat ribu aago mban inoweewi inendage mbanak nogo yi aret.

1 Mbinineegwaarak 27:2

Tut iyaalok penenak paga ambi aago eeko nogogwaarak inowe ti, aap Tabiriyen aput Yatobam aret me, awuri aago inarum wonagagerak nogo ineebe dua puluh empat ribu aret.

1 Mbinineegwaarak 27:32

At Ndawut ogobaluk iniki abu warak logonet yorage, wone liiru mbangge, eeka ti, Yonatan aret. Aap endagembogut apuri ndegeninaka ti, aap Kakomoni aput Yekiyen aret.

Owak Loongga 15:15

Ma'nage mbareegi, keledai eegwak nenenak ngget mendek taati wonage kage nagagerik, eenggime woppunuk, aap ineebe seribu aret inoorogo piyareegerak.