2 Tamuwen 23:23 - Ala Wone Peenok Peebi Mbanak

²³ Ndi, it aap 30 nogo inayuk wuko logonet, at abunuk nggwok togon ayuk wuko nogogwaarak kwe, it aap ineebe kenagan nogo perak, aap wim wakaa'ngget lombok me, at inom ndak-ndak lek aret wonagagerak. At Mbenaya nogo Ndawut eebe arum menggaarak inowe logowak nduk, at Ndawut nen mippereegerak.

2 Tamuwen 23:23 Cross References

2 Tamuwen 20:23

Aap Yowap nogo ti, aap Iterali ineegin warak abok aret inowe wonage, aap Yoyara aput Mbenaya ti, it aakumi Kereti mendek inom, Peleti mendek inom, inowe inarum wonage,

2 Tamuwen 23:22

Ti eerit nagagerak nogo paga aap Yoyara aput Mbenaya nogo, it aap wim wakaa'ngget ineebe kenagan inendage nggwok agagerak nogo ndak-ndak, endage nggwok aret agagerak.

2 Tamuwen 23:24

It aap ineebe, “30 Mendek o,” yinuk, yogo nogogwaarak nogo, ambi ti, Yowap awuluk Atayen aret. Ndi, it ando inendage ti, Aap Ndoro awi Mbe'lekem mendek aput Elakanan inom,

1 Mbinineegwaarak 27:6

Aap wim wakaa'ngget ineebe 30 nogo mendek logonet, ineebe 30 nogo, wone lengganinake nagagerak ti, aap Mbenaya yi nogo aret. At aput Amitabat nen ogoba awuri aago nogo wone lengganinake nagagerak.

Wone Alom Kibingga 4:12

Aap ambi nen aap alik ambi tebenogo puurak ti op negen kwe, Aap mbere iigak, tebenogo piyoorak eeke kenok perak, pilak yogo logonet, at aap ti tebenogo pugun o. Keele kenagan perenak kenok, mbet-mbet nggaruk yaga'lek wonage menggerak.

1 Tamuwen 22:14

Yoge mbareegi, at Akimelek nen aap endagembogut nogo yoge logonet, “At Ndawut iniki kwi'ndak abu li'lak eeke menggerak togoti ambi it kinom eeke menggendak inenggela'me wonage mbaken? At nogo ti, kat karugelo aret. Ndi, it karum waka inowe at aret me, kat kame menggaarak abok aret, At iya o, yinuk, endage tiyappugwi nogo lek a?