2 Tamuwen 23:20 - Ala Wone Peenok Peebi Mbanak

²⁰ Ndi, aap Yoyara aput Mbenaya awi Kabeten ti, aap wim wakaa'ngget lombok mondok iya eerit nage nagagerak. Eerit nage logonet, aap Mowap mendek wim wakaa'ngget lombok ineebe mbere inoorogo piige, ne ambi ndugu-ndugu nggalo-nggalo wangge logonet, o apit eerogo pereegerak kagak, at mbuun ambena wangge nagagerik, singa warogo pege,

2 Tamuwen 23:20 Cross References

2 Tamuwen 1:23

Tawun Yonatan imbirak ineenik logonet, Aakumi inom iniki kunik wonogwe, Inom inale'nggen paga nugwi, Eereegwaarak me, Kanggo logonet kunduk, imbirak lambunik aret kanggaarak o. Tu nogo logonet, Towe nggindooni nege kwak lek it inogowa ambik nogwe, Ndi, inomaawi perak, Singa omaawi kwak lek it inomaawi ambik wonogwe, Eeko nagaarak o.

2 Tamuwen 20:23

Aap Yowap nogo ti, aap Iterali ineegin warak abok aret inowe wonage, aap Yoyara aput Mbenaya ti, it aakumi Kereti mendek inom, Peleti mendek inom, inowe inarum wonage,

2 Tamuwen 23:19

Ndi, it aap wakaa'ngget inoweewi kenagan nogo ti, inayuk wuko logonet kwe, at Abitayi perak, abunuk nggwok togon ayuk wuko nogogwaarak nogo lek a? Aap Abitayi nogo ti, aap wakaa'ngget ineebe kenagan nogo mendek lek kwe, inowe negen a'nuk, wone lengganinake nagagerak.

2 Tamuwen 23:21

aap ambi Metit mendek eebe kole anggup nggorek wooluwak eenggime wonage me, aap Mbenaya nogo eyo obate mbanak eenggime wonage logonet, aap Metit mendek awooluwak eenggime nogo, ndinogo awooluwak nogo paga aret warogo pege, eereegerak.

2 Tamuwen 23:22

Ti eerit nagagerak nogo paga aap Yoyara aput Mbenaya nogo, it aap wim wakaa'ngget ineebe kenagan inendage nggwok agagerak nogo ndak-ndak, endage nggwok aret agagerak.

2 Tamuwen 8:18

aap Yoyara aput Mbenaya nogo, it aakumi Kereti mendek inom, Peleti mendek inom, inowe logonet inarum wonage, ndi, Ndawut apuri nogo ti, inogoba endagembogut Ndawut nogo, awone koongga wonogwe, eeko nogogwaarak.

1 Endagembogut 1:26

Togop aret kwe, an kayeloman yi inom, aap Ala unde Tarok inom, Yoyara aput Mbenaya inom, kayeloman Talomo inom, ninayonggo puulik teppinanggerak o.

1 Endagembogut 1:38

Yoge nagagerik, aap Ala unde Tarok inom, Ala nen yoge kagak yoraga Natan inom, Yoyara aput Mbenaya inom, aap Kereti mendek inom, Peleti mendek inom, it nen at Talomo nogo aap endagembogut Ndawut aguda paga kwippogo nogogwaarik, wonok niyo eneeri wungge menggim Nggikon nogome aret nogogwaarak.

1 Endagembogut 1:8

Ala unde Tarok inom, Yoyara aput Mbenaya inom, Ala nen yoge kagak yoraga Natan inom, aap Timeyi inom, Ereyi inom, it aap Ndawut arum menggaarak inom, it nen, aap Aroniya kooneegerak nogo, “Eo,” yinuk, inom ari noolik.

1 Endagembogut 2:46

Yoge nagagerik, aap endagembogut Talomo nen Yoyara aput Mbenaya nogo yoge mbareegi, at Mbenaya nogo wundi nage nagagerik, aap Timeyi nogo warogo pereegerak aret kambeegerak. Ti eereegerak paga Ndawut endagembogut logonet, abu'me piinok, wonagagim nogo at Talomo inarum wonage kagak, nu'lek omaawi aret agagerak.

1 Mbinineegwaarak 12:8

At Ndawut nogo o karume yugum pak wurogo pereegim wonage me, anebunu Nggat mendek eegu aap wim eeka wakaa'ngget wim nambuka inigen amburu mbanak nggeemu mulunggwi, wooluwak nambukwi, eekak inobam lombok inete singa anini ambik menggi kwak, puut nggelok-nggobok me, rusa nen inagaluwa ambik nugu mengga kwak, Ndawut iyo'me ari wogogwaarak nogo inendage ti,

1 Mbinineegwaarak 18:17

aap Yoyara aput Mbenaya nogo, it aakumi Kereti mendek inom, Peleti mendek inom, inowe logonet inarum wonage, ndi, Ndawut apuri nogo ti, inogoba endagembogut Ndawut abu'me logonet, inom eeka inoweewi aret wonogwe, eeko nogogwaarak.

Wundeegwaarak 15:15

Aap yo'nggok Mowap mendek inaganak nugirage, It Kanan mendek nogo iniki abu lek age, Eerugun o.

Yotuwa 15:21

O karu nggwok o ame pa'nggwe irip me lombok it aakumi Erom mendek inanggween kuli pugu paga o kota-kota anebunu Yekura mendek wogoragagerak endage ti, Kabeten, Eret, Yagut,