2 Tamuwen 23:18 - Ala Wone Peenok Peebi Mbanak

¹⁸ It aap wakaa'ngget ineebe kenagan ti, kwe Teruya aagaluk aap Yowap awuluk Abitayi nogo, it mbere ti, inowe aret me, ne ambi paga awooluwak nutik unggwage logonet, it aap ineebe tiga ratus inooreegerak kambeegwaarak ti paga it aap wakaa'ngget ineebe kenagan aa'nduk nogo, inendage nggwok agagerak ti kokwak, at togon togop aret endage nggwok agagerak.

2 Tamuwen 23:18 Cross References

2 Tamuwen 10:10

ndi, it Iterali mendek ineegin warak apit negen mogonogo awuluk Abitayi inowe a'nuk, aap Amon mendek inom wim namburuwak nduk wogoge, eeke nagagerik,

2 Tamuwen 10:14

Ndi, it aakumi Amon mendek nen it Aram mendek mbaganit nogwe nogo, inigen iigo nogogwaarik, it kunduk, togop mban aap Abitayi ayuk nen mbaganit o kota nogome unggwi nogogwaarak. Unggwi nogwe iigak, aap Yowap nogo it aap Amon mendek abu aret mugogo nappiige nagagerik, iyokan o Yerutalem wagagerak.

2 Tamuwen 18:2

at Ndawut nen it ineegin warak nogo wim eeri nawak nduk, aap ambi eerak at Yowap nen wogoren nawak nduk koonogo piige, ambi eerak Yowap awuluk kwe Teruya aagaluk Abitayi nen wogoren nawak nduk koonogo piige, ambi eerak aap o Nggat mendek Itayi nen wogoren nawak nduk koonogo piige, eeppiige nagagerik, yorage logonet, “Kit ninom aret wim eeri nawok o.”

2 Tamuwen 2:18

Ndi, Teruya aagalogwe ineebe kenagan inendage Yowap, Abitayi, Atayen, inom time aret wonogwe me, at Abenet nogo, mbaganit nage mbareegi, mba'ngge penaame nen nggare agan nage menggi kwak, at Atayen nogo ogowa ambik me, ena agigan-ogugan aga'lek mondok nggare agan mugurok nage me,

2 Tamuwen 23:19

Ndi, it aap wakaa'ngget inoweewi kenagan nogo ti, inayuk wuko logonet kwe, at Abitayi perak, abunuk nggwok togon ayuk wuko nogogwaarak nogo lek a? Aap Abitayi nogo ti, aap wakaa'ngget ineebe kenagan nogo mendek lek kwe, inowe negen a'nuk, wone lengganinake nagagerak.

2 Tamuwen 3:30

O Nggibeyon nogome wim nambuko logonet, aap Abenet nogo nen Yowap Abitayi imbirak inawuluk Atayen wareegerak me, it imbirak nen Abenet wareegwaarak kenok, yereegerak o.

1 Mbinineegwaarak 2:16

Ndi, it iniriwi komologwe nogo ti, Teruya Abigayin imbirak ndaganabeegerak. At kwe Teruya nen aagalogwe Abitayi, Yowap, Atayen, ndaganabeegerak.

Wone Alom Kibingga 4:12

Aap ambi nen aap alik ambi tebenogo puurak ti op negen kwe, Aap mbere iigak, tebenogo piyoorak eeke kenok perak, pilak yogo logonet, at aap ti tebenogo pugun o. Keele kenagan perenak kenok, mbet-mbet nggaruk yaga'lek wonage menggerak.