2 Tamuwen 23:15 - Ala Wone Peenok Peebi Mbanak

¹⁵ at Ndawut nogo niyo abu nen ari logonet, “O Mbe'lekem tu unggwogo menggam niyo nggween kabunik nogo, aap ambi nen too'nuk wo'niri wage kenok, naakit lak, ao,” yinuk, ari nogo

2 Tamuwen 23:15 Cross References

Wakkagagerak 35:19

At Araken kangge mbareegi, at eebe waganogo o Eparata tu nogo menggam ambet paga time aret nggween taambereegwaarak. O Eparata ti, Mbe'lekem aret yogo menggaarak.

2 Tamuwen 23:16

it aap wakaa'ngget 30 mendek ineebe kenagan nogo, konenggo nogogwaarik, it aap Pilitin mendek inawooliya wuppunuk wonogwe nogo iigak-iigak, o Mbe'lekem tu unggwogo menggam niyo nggween kabunik nogome niyo toologo waganggo nogogwaarik, wonok Ndawut wogori nogogwaarak kwe, at Ndawut nen ari logonet, “Nawuri nen, At ake ninamiya wundiyak op aret, mba'nuk, niyo yi, tooli nagaarak me, niyo toolak yi ti, inamiya kwak iya lombok me, an noorak lek o. Ata, Kaliku ALA kake o,” yinuk, at noolik nggween paga kilirogo pereegerak. It aap wim wakaa'ngget 30 mendek inoweewi ineebe kenagan nen eeko nogogwaarak nogo ti, togop aret eeko nogogwaarak.

1 Mbinineegwaarak 11:17

at Ndawut nogo niyo abu nen ari logonet, “O Mbe'lekem tu unggwogo menggam niyo nggween kabunik nogo, aap ambi nen too'nuk, wo'niri wage kenok, naakit lak, ao,” yinuk, ari nogo

Ndawi 119:81

“At nen nagap ndari woraawak lak, ao,” Mbake logonet, niniki lek-lek ee'nake kwe, Kat koone yugu nogo niniki lunik mban wonage,

Ndawi 63:1

Ala wae. 1 Kat an nogoba Ala aret o. Iri'ngga laganggeelik nggween mbuk paga logonet, Niyo abu wen-wen eeginake menggi kwak, Kat keebe lombok keyaakit lak, “Ao,” kombake, An lombok nen nimbirak lambunikit lak, “Ao,” mbake, Eeke logonet, Kwaakkabit nege agarik o.

Yetaya 41:17

“It aap inalik eekkoloorak meek inom, ineenggi lek inom, nen niyo kwaaremenggaarak kwe, lek aret kogwe, Niyo abu nen inamili mbuk aago wonogwe, Eeko logonet, Nggino yo'nugwi iinok, Iterali inogoba an Ala nen mbo piyaagin lek Naliku ALA nen naruk konenigin aret o.

Yaya 4:10

Yoge mbareegi, at Yetut nen at yoge logonet, “Ala nen onggo lek we wokkiriyak inom, ndi, aap nen, Niyo too'niru o, yokkege nogo eebe inom, kat keenu logonet, Niyo aakumi ineenik eeginake menggerak mendek wo'niru o, nggino yo'nenetak en, niyo ti mendek aret wokkenetak o.”

Yaya 4:14

niyo an nen wogoraminggirak nunggwi iinok perak, abu eeginabigin mondok lek o. Niyo an nen wogoraminggirak nogo, eneeri inikime nen kila-kila wungge logonet, mondok-mondok ineenik eeginake logogin o.”

Yaya 7:37

Ti'nuk, age yobok togon laago nggwok lombok lakwi paga at Yetut mi'nage nagagerik, oone nggwok paga yorage logonet, “Wologo wae! Kit ambi niyo abu kenok, an nowagam na woraanip o.